1. بضرب لك مثال:

هلا بك اختي
باذن الله بتكون شامله لكل شي.. واذكر ان فيه واحد هنا بالمنتدى او في منتدى اخر متخصص بالسفر والسياحه .. وكان من الاعضاء الكبار بقسم اندونيسيا..
سافر لمده 20 يوم هو وزوجته كلفتهم الرحله شامله كل شي 12 الف ريال..
وبالنسبه للصرفيات.. تراها تختلف من شخص الى شخص ثاني.. ولو تلاحظين التقارير راح تشوفين الناس لهم هوايات..
البعض يحب يروح كل مكان ويحب يشتري ويحب التسوق.. والبعض الاخر يحب يتمشى بالطبيعه ويوسع صدره واخر همه التسوق.. تحصلينه قبل ما يرجع لبلده بيومين اشترى بعض الاغراض والهدايا..
وبالنسبه للسكن..
بعضهم يقول انا ابي فندق نظيف حلو وبسعر مناسب جدا.. ويعلل بانه يقضي اغلب وقته بالخارج يتمشى وياتي للنفدق فقط للنوم..
بينما بعضهم يقول ابي فنادق خمسه نجوم وتروح اكثر من نص الميزانيه في الفنادق.. ويعلل ويقول الجلوس في الفنادق لها معنى اخر في السفر..
لكن تبقى الرغبه وتحديد المراد بالسفر هي الكفيله بتحديد الصرفيه اليوميه..

بضرب لك مثال:

واحد سافر واهم شي عنده التمشيات ويستكشف الاماكن ويسكن في فندق نظيف وسعره معقول لا يتعدى 200 ريال باليوم واغلب وقته طالع برا الفندق تمشيات .. ويبي يشوف الطبيعه.. وبعدها يرجع لبلده هذا ما راح يكلفه السفر كثير..
بينما البعض الاخر.. يصحى قبل الظهر ثم يتمشى الى المغرب وبعدها يجلس في الفندق ويتكي فيه الى العشاء بعدها يروح للأسواق ويتشقى ويشتري من السوق هدايا وغير الهدايا..وهذا راح يدفع اكثر بالصرفيه اليوميه

وعليكم السلام ورحمه الله وبركاته
0الاف شامله كل شئ
ممكن تكفي وممكن تزيد وممكن تنقص
حسب ايام الرحله تحسب التكلفه التقريبية
أهم شئ لايكون قيمه التذاكر منها

أختي الفاضله
علشان نفيدكم أكثر بخط سير الرحلة الرجاء أفادتنا بتاريخ أقلاعكم وعودتكم بالتاريخ الميلادي ؟؟
وهل انتم عوائل ام شباب

العز
الله يعطيك العافيه يآ اخوي .... بالنسبه للاسواق ما راح نفكر كثيرنروح لها ممكن مجرد زياره اما اشتري لا لاني رايحه لماليزيا
ولاشريت من الاسواق ششي غير جاكيت م جنتق عشان البرد.....
اهم شي المناظر والطبيعه.......
افضل الفندق للنوم فقط اما اقعد فيه نص اليوم وش الفايده من سفرتي اقعد في بيتنا ازين....!!!
مشكور ربي يوفقك

الكوكب الطائر
طيب لو تصير 15 الف 5 للتذاكر و10 للباقي؟؟؟
يعطيك العافيه

سندي محضار
لسا والله ماسوينا شي بس الحين انا جالسه اشوف الميزانيه لوو كانت كافيه ولا لا يعني من خبرتكم باندونيسيا....
انا متاكده انها راح تكون 14 يوم .... بس هالميزانيه تكفي ولا لا .... واحنا 2 فقط .............
لاننا محتارين بين سيرلانكا واندونيسيا واللي ميزانيتنها تكفي نروح لها
ويعطيك العافيه

رذاذ المطر
0الاف ريال سعودي لمدة 14 يوم تساوي 190 دولار باليوم الواحد
كافيه بإذن الله

اختي العزيزة
اعرف واحد شخصيا راح هو وزوجته لأندونيسيا مده 23 يوم..
كلفته الرجله شامله كل شي حتى التذاكر الدوليه 13 الف ريال..
وبما انك مو راعيه اسواق ان شاء الله تكفي.. وغري كذا..ر اح يجي يوم تصررفين فيه كثير ويوم ما تصرفين ولا 100 ريال..

الاخت رذاذ المطر
بالنسبه للمبلغ فهو مناسب جدا ويمكن يزيد كمان لان الفنادق رخيصه والاكل رخيص كمان
عشرة الاف تساوي تقريبا 24 مليون ربيه كافضل صرف في الوقت الحالي يعنى السواق من جاكرتا الى الجبال وحتى العوده يكلفه في اليوم 450 الى 500 الف ربيه والسكن في الجبل تقريبا نفس الشي يعنى حوالي مليون سياره مع سكن في الجبال انا ما اعتقد انكم راح تجلسوا كل المده في الجبل
انا سافرت 4 مرات 3 مرات مع العائله ومره لوحدي والتكلفه تختلف في كل مره بس انا زوجتي من عشاق الاسواق وما تخلي شى على قلبها
الله يعطيها العافيه
واي احد محتاج مساعده انا في الخدمه وما راح ابخل على احد لاني سافرت بلد العمه مرتين في هذه السنه وتوني جاي من هناك
تحياتي