وش دعوه محد رد علي
اهل لندن بليز

يالطيب تجي بسلامه الموضوع سهل جدا
اول ما تنزل من المطار في كتاب عن لندن باللغة العربية احرص على انك تاخذه اذا قدرت وراح تلقه عند
information office
موضوع الباص لازم تعرف المكان للي بتروح له ورقم الباص عشان في الرجعه ترجع بنفس الباص
التذاكر الباص تشتريه من بعض محلات السوبر ماركت او الاجهزة الموجوده عند نقطة توقف الباص استخدام العملة فقط الكاش الورق ما يقبل
اما الاندرقراود في خريطة لازم تاخذها معاك وتشوف وين تبي تروح ورقم المنطقة بشكل عام المناطق للي فيها السياحة هي ZONE 1 Zone 2
خريطة الاندرقراوند تلقها في المحطة ببلاش
التذاكر اشترها من الكاشير او من الجهاز للي يريحك انصحك تشتريها من الكاشير احسن
يوجد تذكرة يومية بين zone 1 , zone 2
سعرها تقريبا 5.50 باوند تستخدمها الي منتصف الليل الساعه 12
اما التنقلات من ريف الي ريف هذا يعتمد وين تبي تروح عندك الباص تقدر تروح فيه او القطار ايضا وانت با الخيار وش تبي
اتمنى اكون ساعدتك ورحلة سعيدة

انصح بالاندرجراوند اكثر من الباصات
واستخدامه مثل ما ذكر الاخ ابو عبدالله
وللمعلوميه .. يوم او يومين استخدام للاندرجراوند تصير خبير ... وتراه اسهل مما تتوقع ....
المناطق الريفيه :
ريدنج ومشاهدة الاوركال موول ومنها الى هنلي وركووب قارب في نهر التايمز