السلام عليكم
انا قريت القسم كله تقريبا وجمعت معلومات كثيرة من المنتدى عن الأماكن السياحية في نيويورك - لاس فيقاس - اورنج كونتي - سان فرانسيسكو
بس حابه ارتب الأماكن السياحية اللي قريبه لبعض وممكن ازورها بيوم واحد واعرف الاوقات اللي تكون مفتوحه فيها والاوقات اللي تسكر فيها عشان ارتب على اساسها ترتيبها بالزيارة واحتاج مساعدتكم
نيويورك :
اللي عرفت انه التايم سكوير والمحلات فيه تضل إلى وقت متأخر مفتوحه ؟ يعني الساعه كم
فيه منطقة South Street seaport وش القريب منها ازوره بنفس اليوم ؟ و ايش الوقت المناسب لزيارتها ؟ فيه منطقة مثلها جلسات ومقاهي على البحر بس ارقى منها ؟
ماديسون افنيو والفيفث افنيو قريبات لبعض ؟ ومتى تسكر المحلات فيهم ؟
Columbus Circle وسنترال بارك قريبات لبعض ؟
أفضل وقت لزيارة السنترال بارك متى يكون ويكند ولا ايام الأسبوع ؟
تمثال الحريه وش ممكن ازور معاه بنفس اليوم ؟
وودبري اوت ليت أفضل طريقة للوصول له مع العلم ان مامعنا سيارة في نيويورك وأفضل ازوره وسط الأسبوع او في الويكند ؟
لاس فيقاس :
ايش العروض اللي تنصحون فيها وكيف احجز لها ؟ ودي احضر عرض واحد لأن العروض ماتهمني بس ودي اشوف واحد بس مايكون مسرحي لان اللغه مش ولابد
اورنج كونتي - نيوبورت بيتش :
بيفرلي هيلز وهوليوود وش ممكن ازور معهم بنفس اليوم لو يمدي الوقت ؟ ومتى تسكر المقاهي والمحلات هناك ؟ وكيف طريقة المواقف فيها لو بوقف السيارة واتمشى مشي
سانتا مونيكا ايش فيها غير ال third street promenad ومتى الوقت اللي تسكر فيه المحلات فيها ؟ وايش ممكن ازور معها ؟ وكيف طريقة المواقف فيها لو بوقف السيارة واتمشى مشي
ديزني انا ماتهمني الألعاب والملاهي مره بس ودي ازورها وش تنصحوني أزور أي بارك فيها ؟ ويمدني ازورها كلها بيوم واحد ؟ فيها مكان للتمشيه محلات ومقاهي بدون الالعاب للتمشيه ؟
برضو يونفيرسال ودي ازورها وودي ازور الووك اللي فيها اقدر ادخل له بدون البارك نفسها ؟
يمديني ازور سان دييغو ليوم كامل ؟ ودي اشوف لاهويا يمدحونها وش فيها شي ينزار بعد ؟
south coast plaza mall و fashion island و irvine spectrum
وش فيه اماكن ممكن ازورها قريبه من هالمولات ؟
أية أحلى Camarillo Premium Outlets ولا deserthills ولا Citadel Outlets
الاوت ليت اللي على الطريق بين لاس فيقاس ولوس انجلوس وش اسمه ؟ ويستاهل الزيارة ولا لا ؟
سان فرانسيسكو :
كيف اروح للومبارد ستريت ؟ و فيشر مان وورف وببير 39 مامعاي سيارة
وش فيه اوتليتات حلوة بسان فرانسيسكو ؟
بيكون معي قارمن ان شاءالله الأماكن السياحية والمولات والاوتليت القاها بالقارمن ولا تحتاج اني اخزنها ؟
بالنسبة لمواقف السيارات كيف اعرف مكان موقف سيارات قريب للأماكن السياحية اللي بتمشى فيها مشي واضحه يعني ولا كيف ؟
لو تأخرت بتسليم السيارة كم ساعه او جيت اخذها قبل الوقت اللي حجزتها فيه وش يصير ؟
سؤال اخير انا حجزت طيران داخلي جت بلو من موقعهم ودفعت لهم بس لو حبيت اضيف شنطة زيادة الدفع يكون وين بالمطار يعني لاني ماحصلت شي بالموقع ؟
اي اضافات ومعلومات زيادة ياليت تساعدوني فيها