بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المستشار بومهره
21-11-2022 - 04:19 pm
السلام عليكم ورحمة الله وبركاتة
شو اخباركم وشو جديدكم
انا اتمنى منكم المساعدة
انا باذن الله مسافر عنهاية الشهر للندن لعلاج بنتي الصغيرة (مهوره) واتمنى ان حد يفيدني بخصوص صشو الجو بلندن الحين مواعيد الصلاة اسعار الشقق الاجراءات الموجودة بخصوص انفلونزا الخنازير
بالاضافة الي فندق تنصحوني فيه ويكون سعرة جيد عشان اسكن فيه اول كم ليلة الي ان احصل شقة
وطبعا محتاج نصايحكم الغالية (ودعواتكم )


التعليقات (4)
ALI_Q8_77
ALI_Q8_77
السلام عليكم ان شاء الله ماتشوف شي بنتنا الغاليه واتشوفه بااحسن حال يارب ويخليه لك اول الجو حلو بالصيف بس لندن متغلب نوعا ما بهاذي الفتره .... اما مواعيد الصلاه اهناك في نشره يوزعونه بشارع اجوروود العاده او حتى المطاعم والمكاتب السياحيه ...... اجراءات الانفونلزا الخنازير عاديه والله الحافظ .... اما بالنسبه الاسعار الشقق فهي متفاوته انتم كم شخص واسم المستشفى الي بتعالجون في .... لكن انصحك اخوي تنزل بفندق ليله او ثنتين وتروح حق المكاتب الي بشارع اجوروود وادور على الشقه الي تعجبك مع مراعاة المسافه بينك وبين المستشفى ...... في مكتب يم سوبرماركت الوادي الاخضر انا دائما احجز منهم لكن موشرط يمكن ما عنده دور بغيره والله الموفق اتمنى وضحت الصوره وانا بالانتظار لرد على اي استفسار

المرام
المرام
ما تشوف شر الغاليه
الله يشفيها و يحفظها لكم
الجو متقلب .. حر لكن مرات فجأه يقلب مطر و برد .. احسن شي تجيبون لبس صيفي ... و جاكيت لكل واحد فيكم
مواعيد الصلاة .. احنا اخذنا كتاب صغير فيه المواعيد من شباب مسلمين قاعدين بشارع الاجورود يوزعون منشورات عن الاسلام .. جزاهم الله خير
اسعار الشقق .. الاخ قطري معطي الاداره ارقام سماسرة لندن .. اطلبهم من الاداره من بوابة الحلول و الاقتراحات و كلم الاسماسره و احجزوا اللي يناسبكم ... بس قبل تحجز أسأل الاعضاء عن الشقه اذا زينه ولا لا
ما فيه اجراءات لانفلونزا الخنازير ...
احنا كنا حاجزين هالفندق ليومين على ما نشوف الشقق :
http://www.shaftesburyhotels.com/
بس كنا حاجزينه من بوكينج
حياكم الله بلندن

ماجد_0001
ماجد_0001
ما تشوف شر الضغيره ان شاء الله و الجو هنا متقلب بس الاغلب انه معتدل لا برد ولا حر

Chelsawe
Chelsawe
المرام
اختي المرام انتي حطيتي موقع الفندق ,, هالموقع فيه اكثر من فندق طبعا كلهم تابعين لشركه وحيده
لكن اي فندق فيهم كنتو ساكنين فيه ؟
لأني انا حاجز مع نفس الشركه وابي ارائج


خصم يصل إلى 25%