ام بقول لك عن تجربتي في الشقق :
1) شقق رويال ميراج سويت في بنيد القار ( نظيفة وسعرها معقول في الموسم 25 د.ك )
2) شقق سارا بلازا في السالمية ( نظيفة وموقعها ممتاز بس يعيبها صغر حجم الغرفة بس تمشي الحال ، سعرها 20 د.ك في الموسم )
3) بودل سويت في السالمية ( أفضل شقق فندقية سكنت فيها وراقية وأتذكر سعرها في غير الموسم 25 د.ك وفي الموسم توصل 30 وفوق ، غرقة لشخصين )
بالنسبة لسؤالك الثاني :
منطقة شرق في العاصمة ( الكويت ) وقريب منها مجمع سوق شرق والمباركية والخ

الفنطاس بعيده ما تصلح و شرق هي جزء من العاصمة ( مدينة الكويت ) و على البحر

ronaldo4ever
شكرا لك على ردك أنا أتصلت على رويال ميراج طلع الليلة 500 ريال
وسارا بلازا 700 غرفة وصالة مرة غالية على أنها شقق غرفة واحدة بس يقولوا موسم

الفنطاس في محافظة الاحمدي وتمتد بشارع واحد الى منطقة الفحيحيل مرورا باربع مجمعات مطاعم في المهبوله وابوحليفة ومجمع كويت ماجيك فيه محلات ملابس واكسسوارات والعاب خارجيه وداخليه وبعده منتجع الهلتون وبعدين مجمع الكوت وقريب منه مجمع المنشر واسواق شعبيه وايد. يعني يستاهل الزياره من السالميه 20 دقيقه تقريبا

اختي العزيزه انا اقول افضل لك ان تحجزي في بودل للشقق الفندقيه بس على فكره احجزي قبل بوقت لان عادتنا يكون فل في الاعياد

اشكر صاحبه لموضوع لاني داخله ابحث عن نفس الموضوع نفسي ازور الكويت بالعيد وهي المره الاولى بس خايفه اتوهق تكون غاليه لان الاسعار بالدمام الشقه تكون ب 800 وهي مو توب عشان كذا ابغى اعرف الاسعار قبل السفر

aum_saud
فقط للتوضيح ... الأسعار اللي وضعتها أنا ( سارا بلازا + رويال ميراج لإستيديو يعني لشخص واحد ، بينما بودل سويت غرفة لشخصين )

الله يوفقكم جميعا
شوفو موقع بوكنق راح يفيدكم بالاسعار و موقع الفندق او الشقق
و كل واحد و راحتة

انا ودي اروح له بالعيد بس اخاف مايصير فيها فعاليات ولاشي