والله ياخوي من انترلاكن الى زيلامسي مسافه طويله لا تقل عن 7 ساعات

اول شي يفضل يكون الذهاب من ميونخ لانه ايجار السياره من هناك ارخص عليكم اما جنيف غالي
المخطط يكون
3ليالي ميونخ - 7ليالي زيلامسي - 3 ليالي كونستانس - ليلتين رست - 5ليالي انترلاكن - ليلتين جنيف
بس المهم تكون المده 22 ليله على الاقل عشان تكفي هالتنقلات كلها
وهل معاكم احد منقب ؟؟
اضفت لك كونستانس عشان ماترجع مره ثانيه الى ميونخ وعشان تقل المسافه
من زيلامسي الى كونستانس 380 كلم
ومن كونستانس الى رست 161 كلم
ومن رست الى انترلاكن 240 كلم

شكرا علي الرد طبعا الرحله بحدود 23 الي 25 يوم
لكن اختي دموع اذا مافي ازعاج تكتبيلي المسافات بالساعات
واذا بغيت اروح غارمش شنو الطريق المفضل من روشت او من ميونخ اروحلها ؟؟
وشكرا مره اخري

عندك 24 ليله يعني 25 يوم
4ليالي ميونخ - 7ليالي زيلامسي - 3 ليالي كونستانس - ليلتين رست - 5ليالي انترلاكن - 3ليالي جنيف
قارمش تزورونها من ميونخ
ميونخ الى زيلامسي ساعتين وربع
زيلامسي الى كونستانس 4ساعات ونص
كونستانس الى رست ساعتين
رست الى انترلاكن ساعتين ونص
انترلاكن الى جنيف ساعتين وربع

مشكوره اختي ماقصرتي تحمليني اشوي انا معاي الوالده والوالد وطفلتين اتوقع المسافه من كوستانس لي زلمسي بعيده اشوي 4 ساعات واتوقع علي سواقتنا توصل 6 او 7 ساعات لو رحت من رست الي ميونج وبعدها زلمسي كم المسافه بتكون اتوقع بتقسم صح ؟؟
يعني يريت تعطيني المسافه من رست الي ميونج
وعندي سؤال ليش حطيتي ل كوستانس 3 ليالي فيها شي غير البحيره ؟؟
وشكرا

المسافه من رست الى ميونخ 5 ساعات
يعني المسافه من زيلامسي الى كونستانس نفس المسافه من رست الى ميونخ ولكن الطريق من زيلامسي الى كونستانس روعه كله شلالات وشي يفتح النفس اما الطريق من رست الى ميونخ غالبا يكون مزدحم وما فيه مناظر حلوه كثير
احنا عددنا 9 اشخاص وانتقلنا من زيلامسي الى كونستانس ومن رست الى ميونخ عادي
كونستانس روعه فيها سي لايف والبحيره وجزيره الزهور وتروحون الى شلالات الراين و زيوروخ لان موقعها استراتيجي
https://artravelers.com/p/re/503174
هنا صور بسيطه عنها ولو بحثتي في قوقل راح تلقين تقارير عنها
هذا تقرير عن كونستانس واكثر شي عن سي لايف
http://www.aboaziz.net/blog/?p=880

مشكوره اختي باخذ بنصيحتج عيل
بس الصراحه بعد ماقريت تقرير بوعزيز ضعت من سالفة العباره ومن ضفه لي ضفه فيريتاذا عندج الاحداثيات ملوت كونستانس بالضبط يريت تعطيني اياهم او احداثيات الفندق او الشقه الي بهالمنطقه وهل لازم اركب العباره ؟؟؟
وبغيت اسالج اخت دموع اي انواع السيارات استاجر احنا 4 اشخاص وطفلين وتدرين الجناط معانا طول الرحله

ماعليك من العباره هو كان جاي من منطقه غيرك بس انا اعطيتك التقرر عشان تشوفين سي لايف وصور بسيطه عن كونستانس
انتي راح تكونين جايه من زيلامسي ماتحتاجين عباره ولاشي بالسياره توصلين لها
انتوا اربعه ومعاكم طفلين يفضل فان حق 6 اشخاص وانتبهي لاعمار الاطفال اذا لازم لهم كراسي ولالا
انا ماعندي علم عن الاعمار ولكن انتبهي لهالنقطه
ابحثي عن كونستانس بقوقل وراح تلقين تقارير كثيره عنها لاتفوتك اقرايها زين
والسكن راح اساعدك فيه بكل المناطق بس عجلوا احجزوا التذاكر وزي ما قلت لك افضل شي خلوا الذهاب ميونخ عشان السياره تطلع ارخص عليكم
ولما تحجزون التذاكر نتكلم بالسكن وابشري بكل خير باذن الله

حبيبتي مشكوره وايد والله ماتقصرين جزاج الله خير يارب
في نقطه اخيره قبل لا احجز من كونستانس لي زلمسي تقريبا 5 ساعات ومثل ماقتلج معاي الوالده والوالد مايعبرون عاي المسافات الطويله
فشفت بجوقل ماب انه منطقة انسبورك بينهم اشرايج اريج فيها يوم عشان اقلل المسافه وفيها شي هالمنطقه ؟؟