أخوي اسمحلي أنا من أشد المعجبين بسويسرا فأنا أنصحك وبشدة بسويسرا.......ياخي تراها غير شكل.........

طيب اخوي كبتن ممكن معلومات عنها من حيث النقاط السابقة؟

مرحبا أسف لأني طولت عليك في الرد .......الأفضل انك تدخل على ارشيف الموقع وتختار بوابة السفر للنمسا وسويسرا وتقرأ فيها تراها مفيدة وبتكون لك صوره واضحه عن سويسرا .انا بعطيك فكر بسيطه من خلالها تقدر تحدد خطتك .طبعا سويسرا صح انها بلد صغير لكن فيها أماكن كثيرها جميله اللي بذكره الان هو اشهر المناطق فيها واللي لازم يشوفها الواحد لو كانت هذه الزياره الاولى.افضل تكون معاك الفيزه الاوربيه بتعرف ليش .اول منطقه والاهم جنيف فاذاكانت هي نقطة الوصول تكون الاقامه فيها لمدة اسبوع طبعا الرحلة شهر عسل فما نبغى نتعبكم ,اول يومين راحة علشان ينتظم النوم وخاصة انكم جايين بعد حفلة زواج وترتيبات ودوشه فلازم المدام ترتاح وفرصة تاخذون على بعض الايام الاولى خذوها تمشيه وتعرف على المدينة ويكفيك تجلس طول الوقت على البحيرة ,بعد ماتحسون انكم اتنشطتوا تبدون في النزهات خارج جنيف وانا افضل لكم الباص للمناطق القريبة والقطار للأماكن الابعد من هذه المناطق أنسي وفيها بحيرة وهي قرية جميلة, أيفيان ,و قرية شامونيه ومنها تاخذون التلفريك لقمم جبال المونت بلانك المناطق السابقه كلها فرنسيه (عرفت ليش الفيزا)ترى كلها أمكان رائعة .....................................مناطق أخرى يمكن زيارتها وكلها سويسره وتقع على بحيرة جنيف وهي فيفيا ,لوزان,ومونترو هذي رومنسية للغاية صغيرة لكن الممشى اللي على البحير رايق تبعد 90 كلم عن جنيف انصحك تسكن فيها يعني بدال ما تزرون فيفيا ولوزان من جنيف زروها من مونترو ...الاسبوع الثاني اقضية في انترلاكن وهي تبعد200كلم عن جنيف فيها برامج كثيرة من قمم الجبال الى الخوانق والشلالات (ارجع الى ارشيف المنتدى ) ومنها تزور مدينت لوسرين........بحسب الفكرة اللي عطيتك انت تغطي مساحة كبيرة من سويسرا من بحيرة جنيف والمدن اللي عليها الى وسط سويسرا ورحلات القطار ممتعة لانها تعطيك مناظر مدهشة أهم شي تكون قبل الرجوع بيوم تبات في المدينة اللي بتسافر منها علشان مايصير عليك ارهاق وتعب يكفي رحلة الطيارة

أخي الكريم أعرف إني تأخرت كثير وأعتذر لك
ولكن ياليت تحدد لي وش هل في مكان معين في بالك عن أسبانيا وماهو الوقت الذي تريد إقامته هناك