حياك الله في بلادك قطر
انا كنت مثلك الغالي ماعرف الطريق من قطر الي البحرين
وانا توني جاي من البحرين قضيت أجازه العيد في البحرين الحبيبه
وهاذي كانت اول مره ازور البحرين بس عن طريق السياره
الي ساعدني وخلاني اوصل البحري بكل سهوله وانا مرتاح
جهاز القارمن وصفلي الطريق حسيت اني خبير في هاذا الطريق
كل الي سويته دخلت احداثية الفندق الي كنت ساكنه في البحرين
وطلعت من بيتنا الين وصلني عند باب الفندق في البحرين والحمدالله لاضعت ولا سألت احد
مع العلم هاذي اول مره ازور البحرين عن طريق البر
حبيت افيدك عشان كنت مثلك متوهق شلون باوصل البحرين عن طريق البر
بس الحمدالله جهازي القارمن هو الي اختصر علي الطريق بكل سهوله
واي خدمه احنا حاضرين

مرحبا اخوي
بنسبة لطريق فانا مارحت البحرين عن طريق البر الا من سنت سكتو يعني من زمان على قولة فضة اول اول ههه
المهم بس اتذكر اشوي الدرب
انت تطلع من البحرين على الخبر بعدين اتبع اللوحات الارشادية لين مايوديك الطريج الي يوصلك للحساء
ومن الحساء بتطلع على طريج يسمون هالجافورة على مااذكر وهو حوالي 155 كيلو
لين ماتوصل جوازات سلوى وهي بتكون المركز السعودي
وبعدها ابو سمره وبعد ما اتخلص من الجوازات القطرية بتطلع على طريق يبعد 100 كيلو عن الدوحه
وتمشي فيه سيده لين ماتشوف الدوحه وبعدها سهاله لين ماتوصل الفندق الي تبيه عن طريق اللوح
انا اسف ان الشرح مب الا اهناك بس لاني مو متذكر عدل
ومثل ماقال اخوي قطر خل عندك جهاز قارمن ولا جهاز ملاحه علشان يساعدك على الطريق
او خريطه اضعف الايمان وفيها اسئل الناس والي يسئل ما يتوه
واي استفسار ان ابلخدمة

مشكورين اخواني ماقصرتو
الظاهر بعتمد على الله ثم على جهاز الملاحة الي عندي

اطلع من البحرين الى الخبر وقبل ماتوصل الخبر راح تحصل لوحات الى الاحساء اتبعها
اذا وصلت الاحساء اتبع لوحات قطر او سلوى هنا خلالاص توصل الحدود
,,, ان شاءالله يحطون جسر من البحرين ويختصر علينا وعليك ,,,

هلا يا أخوي
بالنسبة للطريق من البحرين الى قطر اول شيء تمشي حوالي 20 كم بعد الجسر سيدة الى مخرج بقيق والهفوف الي بتاخذه سيده 120 كم وعشان ما تتدخل الهفوف بتشوف لوحة مكتوب عليها حرض مخرج بتدخله وبعد حوالى 12 كم بتاخذ مخرج الهفوف - قطر - الإمارات وبعدها بتلف يمين بعد نقطة التفتيش الي في الشارع باتجاه مطار الاحساء وقبل المطار بيقابلك دوار لف يسار باتجاه سلوى وهذا الطريق بيطلعك سيدة باتجاه طريق الهفوف -قطر - الامارات بدون الدخول الى الهفوف وبعدها سيدة الى الحدود 135 كم وبعد الحدود سيدة باتجاه الدوحة 95 كم من الحدود
واي استفسار احنا بالخدمة