نشر في الكويت

ممكن خدمة يا أهل الكويت الطيبين

مشاعل الحب

13-08-2022 - 04:25 pm

مساء الخير
كيفكم
بصراحة وانا اتجول في المنتدى مريت على موضوع
للأخ ( Boby )
وهو متحف شهداء القرين
https://artravelers.com/p/re/218811
وبصراحة حابين نزورة
لكن ابي اعرف وين مكانه
بأي منطقة
شلون اوصل له
طبعا ياليت لو تقولون لي عن اي شي معروف يكون قريب منه
لاني راح استخدم القارمن للوصول للموقع
ولكم كل الشكر

التعليقات (7)

عزيز الظفيري

13-08-2022 - 08:05 pm

يا مرحبا فيج اختي /مشاعل الحب
حللتوا اهلا ووطئتوا سهلا ...
بيت شهداء القرين
مكانه : منطقة القرين وتروحين لها من طريق الملك فهد بن عبدالعزيز ال سعود وتدخلين منطقة القرين بقطعه 3 راح تحصلين البيت
وهذا البيت عبر عن حب الكويتيين لوطنهم ولأرضهم الطيبه
ورحم الله شهدائنا الأبرار
ومع السلامه

مشاعل الحب

13-08-2022 - 09:06 pm

الف شكر لك اخوي عزيز على سرعة الرد
وياليت اذا في اماكن مشابهه او متاحف او اماكن تستاهل الزيارة
تقولي عليها
لان السفرة هذي اول سفرة لي للكويت
وحابة اعرف شنو احلى الاماكن فيها وازورها
وبالأخير ما نستغني عنكم

عزيز الظفيري

13-08-2022 - 10:07 pm

حياج الله اختي
عندج الابراج على شارع الخليج العربي
وعندج المتحف العلمي بالسالميه
والمتحف الوطني على شارع الخليج العربي
وبيت ديكسون (متحف قديم)
ومجمع الافنيوز على الدائري الخامس
وسوق شرق بمنطقة شرق
ومارينا مول
ومجمع الكوت بالفحيحيل والمنشر جنب الكوت بينهم شارع
والقصر الاحمر بالجهراء
ويوم البحار بشارع الخليج العربي
ومجمع المهلب وسيتي سنتر بالسالميه
ومجمعات بالجهراء والفروانيه اذا تبون تشترون وارخص لكم من سوق شرق
والمدينه الترفيهيه بالدوحه
وهذا فقط اللي يحضر بذاكرتي
وسالفة المطاعم متوفره بكل مكان وبجميع الانواع
ولما تسكنون الفندق راح يقول لكم على اماكن بعد كثيره
وحياكم الله مره ثانيه
ونورتوا الكويت مقدما

مشاعل الحب

13-08-2022 - 11:08 pm

تسلم اخوي وما قصرت

عزيز الظفيري

14-08-2022 - 12:09 am

الله يسلمج
وان شاء الله الاخوان ما راح يقصرون
ورحله موفقه ان شاء الله
مع السلامه

shima.84

14-08-2022 - 01:10 am

في بعد مجمع 360 توا فاتح

shima.84

14-08-2022 - 02:11 am

بعد في عندك الاكواريوم وايد حلو

الكويت المسافرون العرب

ممكن خدمة يا أهل الكويت الطيبين