يا هلا والله
بصراحة أنا أشوف إن إيطاليا يبي لها على الأقل أسبوعين هذا إن حبيت تاخذ من كل بحر قطرة
و أسبوعين قليلة جداً وما يمديك تتهنى بالمكان بس على الأقل يقال لك زرته وشفته على الطبيعة , وبختصار إيطاليا فيها كل شئ و أهم شئ يهم السائح فأنا أرى إن
روما يبي لها على الأقل 3 ليالي
نابولي و كابري و سورينتو و أمالفي على الأقل 3 ليالي
فينيسيا ليلة و إنت بطريقك لميلان زور بريشيا و فيرونا
ميلان و بحيرات إيطاليا في الشمال ( كومو - جاردا - ماجيوري - لوجانو ) على الأقل 3 ليالي
فلورانسا و بيزا على الأقل ليلتين
تورينو و جبال الألب و جنوه على الأقل 3 ليالي
ولسى باقي كثير وكثير مثل جزيرة صقلية و جزيرة سردينيا و بارما و غيرها وهذا كله على الطاير , وحسب ما يهمك من رحلتك
فإذا يهمك عراقة التاريخ : روما - بيزا - جنوه - تورينو - نابولي
الرومانسية : فينيسيا - فلورانسا - فيرونا
الطبيعة : جزيرة كابري - سورينتو - الرائعة أمالفي - بحيرات الشمال الإيطالي - وعموماً شمال إيطاليا جنه الله في أرضه
الأسواق : ميلان - روما - تورينو
هذا بختصار جداً و أي خدمة أنا حاضر
تحياتي

بعطيك المناطق الاساسيه الثلاث في ايطاليا يعني مثلا روما يومين ثم فلورنس يومين يوم في فلورنس ويوم بيزا ثم انطلق الى ميلان 3 او 4 ايام يوم الوصول تتمشى في ميلان ثاني يوم رح فنيسيا وارجع بنفس اليوم رح بالقطار الصباح الساعه 8 او 9 الصباح وارجع الساعه 7 المساء تكفي اليوم الثالث ممكن تروح كومو ساعه عن ميلان خلصنا من ايطاليا 7 ايام باقي 7 ايام صح من ايطاليا روح سويسرا يومين جنيف عندك البحيره والمتاحف والشكولاته
وبعدين انترلاكن يومين وبعدين روح اسبانيا خذ برشلونه افضل من مدريد بالنسبه لي .........
اجلس يومين وسلامتك ضغطنا قدر المستطاع

شكرا لكل الي ردوا عليه ..
اوكيه لكن كثرة التنقلات مابتكون صعبه وبذات عدنا بنت عمرها سنتين ..
يعني ابغي المناطق الي تكون طبيعه وتنفع للاطفال مايملون من السفره ..
مع اني لازم ازور المعالم لانها مهمه بالنسبه لي ..

عادي اخوي اذا بالسياره او القطار يعني الطريق ممكن تاخذ الوان وكراسه رسم اوجهاز دي في دي انا اسوي كذا باولادي حتى مايطفشو من الطريق على اني افضل السياره لاطفشو من جلسه السياره نزلنا ربع ساعه على المواقف اللي بالطرق السريعه بعضها فيها العاب مرجيحه على زحليقه وبس تبي تنبسط اكثر منكم خ الله ييسرلكم ان شاء الله

السلام عليكم يا شباب
ممكن حدا يقلى شو اعمل انا من حوالي 10ايام انتهت اقامتى ولازم سافر على السعوديه بس ما غضرت كان عندى شويت ظروف وهلاء خلصت فكيف لازم اطلب من السفارة السعوديه تمددلي الاجازه شوي وشواعمل اذا بتغضرو ساعدونى

اوكي لو احط لها 5 ايام تنفع ؟؟
بس وين اروح ؟؟
ممكن جدول مناسب لايطاليا ..

5ايام ممكن م...........
روما يومين وميلان 3 ايام بالنسبه لميلان يوم الوصول الدومو اليوم الثاني بالقطار اذا حاب فينيسيا الصباح ترجع المساء او عندك بحيره كومو ساعه عن ميلان ممكن تاخذ سياره واليوم الثالث فيه سير ميوني تقريبا 160 كيلو عن ميلان حاولت اقلل التنقلات علشان الصغنونه ماتطفش الله يحفضها لكم وبس.......

كفيت و وفيت أخوي اطاليانو ما خليت لنا شئ نقوله
بالنسبه للأخ أبو غزوان راجع السفارة السعودية يفيدونك
تحياتي للجميع

اخويه اطليانو
شو رايك بكلام اختي ؟؟
ريماقطر
مناسب ولالا ؟؟
انا حبيت هالفكره اني استقر في مكان واجوف الباقي روحه ورده مناسب لوضعنا ؟؟
وبقدر جذي اكون رحت اهم المناطق ؟؟
ووتقدر تعرف المسافه بينهم ؟؟
وشو عن فلورينس ؟؟
وشو عن برج بيزا ؟؟