أنا نفس الكلام باقيلي i 20 بس بعد ما قالولي الشباب هنا لما تأخذ اسم ورقم سري وتعبي الحقول راح يعطونك ثلاث خيارات للموعد تسدد وتقارب وتختار الموعد المناسب لك والذي تتوقع انه مراح يجي الموعد الا وأوراقك مكتملة.
بس بعد ما عبيت كل الحقول غير حقل يقول أكتب رقم السيفس رفض يعطيني موعد وأنا الان بنتظار i 20 وبعد ما أحصل علية أسدد السيفس وكل هذا ودي أسابق الزمن يعني لو ردوني وأثري أقدر أقدم من جديدهذا اللي أعرفه واذا عندك شي جديد قلي الله يخليك انا مليت من الأنتظار .

مشكور اخوي carmen على الرد ، وشكلنا انا وانت نعاني من نفس المشكله .
بس انا بعد ما جاني خيار يسألني انه عندي ال i 20 ولا لا ؟ على طول وقفت التسجيل وما كملت لأني حسيت انهم لهم مقصد من السؤال !!!!!!!! واحتمال بعدين يقارنون بين تاريخ تسجيل البيانات وتاريخ ال i 20 ، ويعرفون اني اثناء التسجيل ما كان عندي .. وهذا مو من صالحي لأنهم دقيقين جداً بالبيانات واهم شي عندهم المصداقيه وبكذا راح يشككون بكل بياناتي ،
بس اليوم انا كلمت خويي بأمريكا اسأله عن الاجراءات بالسفاره وقلت له السالفه قالي اعتقد اول ما كانوا يطالبونك ب i 20 اثناء التسجيل وقالي اتوقع انه من صالحكم انهم حطوها عشان ما يأخذ موعد الا الي اوراقه مكتمله فعلاً ، وبكذا تنحل مشكلة المواعيد الطويله الي على ثلاث شهور واربع شهور .
لأنه اول كان كل واحد يقدم على موعد وبعدين يجي موعده وهو ما اكتملت اوراقه ولا يروح لهم وبكذا تكون ايام كثيره محجوزه ولا احد يجي .
لكن نتمنى اذا فيه احد توه مسجل موعد يبلغنا متى عطوه اقرب موعد ؟؟؟؟؟؟
وبالتوفيق للجميع

المفتون 911 تحية طيبة وبعد :
خويك صدق انا اليوم أستلمت I 20 وعبيت البيانات كلها وقالي أختر موعد تصدق أنة بعد أسبوع بس ما أخذتة خليتة بعد شهر قلت كل تأخيره وفيها خيره أنشاء الله.
وش رايك أنت أو اللي يقرأ كلامي هذا أخليه بعد شهر زي ما أخترت أو أقدمه الأسبوع القادم.
هذا وصلى الله على نبينا محمد. 2 2 2007

هلا اخوي carmen ،
اولاً مبروك عليك ال ّi 20 وعقبال الفيزا .
ثانيا بالنسبه للموعد اذا كل اوراقك جاهزه وانت مستعد للسفر ومرتب امورك توكل على الله ولا تتاخر ، لأنه ماتدري يمكن يطلبون منك اوراقك ثانيه او شي وبعدين تتاخر زياده او يمكن يرفضون يعطونك الفيزا فعشان تستفيد من الوقت لو بغيت تقدم مره ثانيه .
وانت بتروح تدرس الجامعه ولا بس لغه انجليزيه ؟؟
ووين بتروح لأي ولاية ؟؟
واتمنى لك التوفيق ان شاءالله .

بس اخوي المفتون عندي كشف الحساب لازم أحط فية شي وأذا يبي له مدة هذا واحد وانا أنشاء الله اباخذ الفيزه كلي أمل ولازم نتفائل بالخير علشان نلقاه. ابي أروح لتكساس لدراسة فصل دراسي واحد بس وابي أجرب لأني سبق ورحت لبرطانيا وكذلك أمريكا. ومكان عندي نية لها الديرة لولا اني أعرف عائلة من أسبانيا هم عايشين هناك يعني رايح علشانهم وعلى فكرة تراي عضو في منتدى أسبانيا أذا تبي أي شي من هناك.

ما تقصر اخوي carmen وانا حتمال اذا ما رحت لأمريكا احتمال اروح الصيفيه لأسبانيا سياحه واكيد ان شاءالله راح اخذ منك كل المعلومات عنها ، بس الله يوفق وتحصل لي امريكا لأني ناوي ان شاءالله اروح ادرس لغه انجليزيه والولايه احتمال تكون ميسوري .
والله يوفق الجميع