السلام عليكم ورحمة الله وبركاته
اليوم قصينا تذكرة القطار حق زيلامسي ، بس مكتوب بلغتهم ومافهمنا شي
ياريت تساعدونا خصوصا اللي مجربين القطار
هذي التذكره من فينا ويرمز لها ب(WIEN WESTBAHNHOF)
الى زيلامسي (Zell am See)
الدرجه الثانيه (KLASS)
والمسافه 418كيلو
وراح تمروا على المحطات
(UBER ST.POLTEN HBF*SALZBURG HBF*BISCHOFSHOFEN)
وسعر التذكره 82.90يورو

بس تأكدوا ان كان فيها تغيير قطار وفي اي محطه

التذكره الثانيه توضح انكم حجزتوا مقعدين رقم 104 و106 في العربه رقم 17 يعني اذا وصلتوا لقطاركم شوفوا رقم العربه كل عربه لها رقم واذا دخلتي للعربه رقم 17 تلقين ارقام مقاعدكم مرقمه

يعطيكم العافية وتسلمون عالرد
عاشق الريفيرا :
تقصد بالعربة رقم 17 العربة نفسها ولا كابينة ؟؟
ريلاكس :
تغيير المحطة بيكون في سالزبورغ مثل ماقالوا لنا
بس التذكرة حاطين فيها 3 محطات ، المحطة الأولى بنمر عليهابعد محطة ويست بانهوف اللي في فيينا ؟؟
والثانية أتوقع هي اللي راح نبدل فيها القطار .
طيب المحطة الثالثة هي اللي بننزل فيها حق زيلامسي ولا في بعدها محطه ؟؟
سؤال أخير ، رقم القطار اللي نبدله في سالزبورغ مو موجود فالتذكرة ؟؟!!
حتى الكراسي فالقاطار الثاني مو موجودة ؟؟ ولا هي نفسها في كل القطارات راح تكوون 16 + 14 ؟؟

وانتوا في القطار متجهين الى سالزبورغ
يجيكم حق التذاكر يختم على التذكره
اسألوه في اي مسار حيكون واقف القطار المتجه الى زيلامسي
بيعطيكم رقم المسار
واذا طلعتوا القطار اللى رايح زيلامسي
في كل محطه راح يوقف فيها القطار
راح تسمعوا في المكرفون قبل لا يوقف اسم المحطه اللى راح يوقف فيها
اذا سمعتوا زيلامسي انزلوا فيها
اما بالنسبه للمقاعد راح تكون نفسها
بس لا تشيلوا هم المقاعد شاغره راح تحصلوا مقاعد

أختي أطلبي من الفندق يطبع لك التفصيل لرحلتك و ارجعي لموضوعك السابق التي تسألين فيه عن طريقة استخدام القطارات و بتلقين شرح كامل كاتبته لج وبيفيدك كثير فيه تفصيل اكثر من التذكره لان التذكره ماتحدد الوقت لذلك مابتلقين تفصيل لأرقام البوابات و لا المحطات اللي بيوقف فيه القطار واما الورقة المطبوعة من الفندق بيكون فيها التفصيل للوقت للي تختارينه و ارقام البوابات و اسامي المحطات اللي بيتوقف فيهم القطار للتبديل

يعطيكم العافية
ونين الشوق :
طلبنا من الفندق يطبع لنا مثل مانذكر في موضوعي السابق ، لكن مافي رقم المسار ولا الوقت اللي ينطلق فيه القطار الثاني
اللهم وقت انطلاق القطار الأول ووقت الوصول ومسافة الرحلة وعدد تبديل القطارات ، ورقم القطار الأول والثاني ، المشكلة في رقم القطار الثاني مو مكتوب فالتذكرة نبي نتأكد هو نفسه ولا
ومثل ماقلتوا التذكرة مو مكتوب فيها المسارات اللي تودينا عالقطار

الفندق طبع لك كل الرحلات المتوفرة في التاريخ اللي أخترتيه مع أوقاتها
بعدين بعد ماتختارين الوقت اللي يناسبك من الورقة اطلبي من الفندق يطبع لك ورقة ثانية فيها التفصيل لهذي الرحلة اللي اخترتي وقتها

تقدرين بعد تدخلين على
http://www.oebb.at/vip8/oebb/en/
وبعدين ملي الفورمة
From: Vienna
To: Zell am see
Date: 17/8/2007
Time: الوقت اللي يناسبك مثلا 9.00
اذا حطيتي 9.00 بتطلع لك كل الرحلات اللي قريبة من الساعة 9 يعني 8.55 او 9.15 او 9.30 وهكذا عند تغيير الوقت
بعدين اضغطي على search connection
بتفتتح لك صفحة جديدة فيها كل الأوقات (مثل اللي طبعها لك الفندق تقريبا
بعدين ضعي علامة صح على الوقت اللي عاجبك و اضغطي على المربع اللي مكتوب فيه Details for selection لإعطائك تفصيل الرحلة الي اخترتيها
وتقدرين تضغطين على المربع اللي فيه كلمة Details for all لإعطائك تفصيل لكل الرحلات اللي طالعة عندك
بس تنزلين شوي تحت في الصفحة بتلاقين التفصيل اللي شرحتها لك قبل اللي فيه ارقام البوابات و اسامي محطات التبديل

يعطيج العافية حبيبتي
وهالطريقة جربناها بعد ماقريت ردج الأول
وقلنا خل ندخل موقعهم ونشوف وفعلاً طلعت تفاصيل الرحلة وكل المحطات اللي نمر عليها ، وطلع الموضوع سههل
يعطيج العافية حبيبتي