والله ياوخيتي انا من الرياض وماادل زين بس دامي دخلت الموضوع برد عليه
وانتي جايه من البحرين كل شئ واضح فيه لوح تدلك للخبر الدمام الظهران خط الرياض اذا رحتوا الخبر راح تلقون
الراشد في وجهكم وجمبه شقق حليووه هذا الي اعرفها ونصيحه تعالوا الرياض اخليكم تنسون ديرتكم الشرقيه
من الونا سه والغبار لول من جد اذا مولات وتسوق الرياض بس 350 كيلو المهم اتمنى اهل الشرقيه يفيدونك

اهلا اخوي سعود ...
شكرا لك على الرد ما قصرت .. بس انا ابي ادلي الاماكن السياحية والترفهية والتسوقية ك اخاف ندخل في دواعيس ما نطلع منها ههه
واحنا خلنا ندلي الشرقية اللي هي يمنا بعدين نفكر في الرياض ها ها ... ولا الرياض شكلها روعه

يلا دلووني بليز لا اتوهق مع ابو الشباب وعدته ..
واللي يبي شئ من البحرين لا يرده الا الكيبورد ... نعين ونتعاون ك

طيب وصف بالكلام اذا ممكن مو لازم صور ؟

اخت ملاك هلا بيج في الشرقية وهذا النك ان شاء الله راح يساعدك على طلبك
http://www.eastmaps.net/ar/viewer.htm
واي خدمة انا حاضر
تحياتي ( مسمار )

الاخت ملاك اهلا وسهلا بك في المنطقة الشرقية طبعا كل الى ذكرتية من اماكن هي بسيطة الوصف
ظهران مول الموقع في الظهران وانتي متجة من الدمام رايحة على الخبر راح يجيك كبري جامعة الملك فهد
انزلي من الكبر وروحي يسار يعني من تحت الكبر على مسافة 2 ك او كثر شوية راح يجيك مجمع الظهران على يدك الايمين ايكيا على يد اليسار
هوم بلاز يوجد فرعين واحد في الدمام والثاني في الخبر في الدمام في شارع الملك عبدالعزيز بعد الدوار الى عند سوق التميمي راح تمشي شوي جيك على يدك اليسار اما في الخبر فهو في مدخل الخبر من الدمام وايضا اسواق الراشد في نفس الاتجاه اما عن اسواق الحياة بلازا فهي في الدمام شارع الامير نايف بن عبدالعزيز تقاطع شارع الامير نايف مع شارع الملك سعود السعر المنافس يكون على نفس شارع الامير نايف مقابل سوق الحياة بلازا من لجهة الاخرى جرير يوجد ثلاثة افراع اثنان في الدمام و الخر في الخبر اما عن فرع الدمام فيكون الاول في الكرنيش مقابل الشاطي مول والثاني في حي عبدالله فؤاد وفي الختام ارجو ان اكون قد وفقت في الوصف مع تمنياتي لكم بقضا وقت ممتع في المنطقة الشرقية وشكرا

اخي المسافر 500
اشكرك جزيل الشكر على وصفك ما قصرت والله .. انا بسوي له برنت ...
المسمار ..
شكرا على الموقع قاعد يتحمل ؟ ما دري وش سالفته ان شاء الله استفيد منه مشكور مشرفنا ما قصرت ..
ولو ممكن تدلوني اكثر على المجمعات بالوصف بالكلام ..
هذا العشم فيكم يا اهل الشرقية .. شكرا جزيلا

أختي فيه جهاز أسمه الجارمن للخرائط وهو مفيد جدا بالسفر بالسيارة يخلي الغشيم دليل بالمناطق أنا شريت واحد وتوكلت علي الله وحطيت أهلي معاي بالسيارة ومن الكويت إلي حفر الباطن علي الطايف علي مكة علي جدة علي المدينة علي عنيزه علي الرياض علي الدمام والخبر وبعدين علي الكويت مرة ثانية يعني لفيت السعودية بالطول وبالعرض وهذي أول رحلة لي بالسعودية بالسيارة وقطعت خلال 7 أيام بحدود 4500 كيلو متر : والجهاز يوضح كل شئ من الطرق إلي الفنادق والمولات ومحطات الوقود وغيرها

اختي ماراح اضيعج
على نهايه الجسر روحي اللفه الي عليها لوحه ان الخبر يمين وبعدين روحي سيده في نهايه الطريق راح تلقين مجمع الرشد في وجهج ترى حو مفرقين اتبهي المفرق الي على اليمين يوديج الراشد والي على اليسار يوديج سنتر بوينت اذا وصلتي سنتر بوين عديه اشويه واول لفه على يمينج دخلي منها وطلعي سيده بتشوفين الظهران مول على يسارج اصعدي الكوبري ولفي يسار وروحي سيده بجيج الظهران مول على يسارج وايكيا على يمينج.
اذا تبين ستي ماكس قبل نهايه الجسر في لفه على اليمين ومكتوب عليها لوحه طريق الخبر الساحلي لفي منها وروحي سيده الى الدوار ولفي يمين على الدوار وطلعي سيده لما يجيج اشاره وعدها شرطه الخبر لفي منها يمين وطلعي سيده وراح تشفين ستي ماكس على يسارج وجرير بعد.
واذا تبين اكسترا روحي سيده بعد وعند الاشاره راح تشوفين المرديان لفي يمين وروحي سيده الى ماتعديي تدوارين الدوار الثاني لفي يسار وتشوفين اكسترا
رحله موفقه ان شاء الله