عزا
30-09-2022 - 08:32 am
السلام عليكم ورحمة الله وبركاته
اخواني و اخواتي..شحالكم ..
ان شاءالله بزور البحرين لمدة 3 أيام
وحابه أزور الاماكن التالية
سوق المنامة الرئيسي
السوق الايراني
سوق المحرق
سوق واقف
مجمع السيف
مجمع الدانة
مجمع العالي
مجمع اللؤلؤ
شارع بوكواره
محمية العرين
حديقة عين عذاري
ولي رجاء من اهل البحرين
انهم يرتبون لي الجدول
بحيث المناطق والاسواق اللي تكون قريبة من بعض يكتبونها لي
او يسوون لي جدول يوم بيوم..
واذا في اماكن تنصحوني فيها كتبوها لي لوسمحتم ..
وعندي استفسار عن فندق ميتروبوليتان .. هل هو جيد
وشو عن النظافة و الخدمات
وبعده عن مركز المدينة
واذا بستأجر سيارة شو افضل مكتب ..
ومشكورين
3 ايام
اليوم الاول:صباحا-ما بعد الظهر:السيف والعالي لأنهم قرب بعض جدا يعني تطلع من باب تدخل في باب الثاني ،تتسوق وتلعب اليهال اذا كانو موجودين وتتغدى.
العصر و المساء:السوق الشعبي (الايراني)في مدينة عيسى وبعدين تروحون واقف في مدينة حمد لأن الشعبي يغلق قبل واقف.
اليوم الثاني: صباحا - مابعد الظهر:مجمع اللؤلؤ وتقدر تروح المارينا اللي جنبه واذا ما تعطلتو تقدرون تروحون سوق المنامة القديم مع اني افضل ترحونه قبل الؤلؤ .وتقدرون تغدونفي الؤلؤ بالطابق العلوي.
العصر والمساء:سوق المحرق ولا تنسون المتاي من دكان متولي وبعدين تروحون مجمع الدانة تتعشون.
اليوم الثالث:الصبحعلى الساعة العاشرة تروحون بوكوارة وهو عبارة عن شارعين ان شاء الله تكملون بكير وتروحون المحمية او جنة دلمون اذا تحبون السباحة.بس قبل ما تروحون المحمية سألوا اذا كانت فاتحة والا اجازة.
وسامحوني على القصور