الفنادق الى على البحر
فندق النخيل
فندق الموفنبك
فندق المرينا
ولكن احنا مافى نظام شاليهات الا فندق هليتون المنقف وبعيد عن الاماكن الاحيوية
المجمعات المميزة:
الافنيوز
المرينا
سوق شرق
الفنار
المهلب
0الاماكن السياحية:
ابراج الكويت
مدينة الترفيهية
حديقة الشعب
المركز العلمى
متحف الكويت للاعمال الوطنية
بيت القرين
متحف طارق

ممكن تحددلي اسعارهم اوارقامهم وكيف احجز عندهم

مثل ماقال اخوي بيت كويتي الفنادق

افضل المجمعات اذا حق زوجتك المعروفات
الافنيوز
سوق شرق
المارينا مول
0البيرق
المهلب
الكوت
المنشر
اذا زوجتك ودها تشتري لنفسها بدلات مجمع النقره الشمالي والجنوبي في حولي حلو حيل وكله على خمس دنانير بس حيل حلو شغلهموفي اشياء غاليه بس ما اتعدا ال40 دينار ومجمع العثمان بحولي بعد حلو شغله
مجمعات منطقة الفروانيه الحمرا مول العربيد بلازا كل الشارع من اوله لي اخره مجمعات
الجهراء فيها سليل بس ما انصحك فيه يلوع الجبد هالمجمع لاتروحله
الافنيوز انصحك فيه حيل حلو كل شي فيه مايحتاج اتروح حق هالمجمعات يغنيك هالسوق عن كل اماكن التسوق بالكويت لان كل شي فيه انصحك اتروحله مبجر (بدري يعني)احسن على الساعه2 او 3 العصر

سوق السالميه مو سوق السالميه سيتي سنتر لا السالميه الشارعين الطوال اللي فيهم معرض سيارات المرسيدس واللي فيهم مجمع العنجري حلو قديم السوق مفتوح نفس نظام منطقة الحمرا لبنان اذا احد يعرف اسم الشارع يقول شباب انا مو متاكده جنه اسمه سالم المبارك

المطاعم
مطعم تال الهندي في البدع عند منتجع شيك وعند فندق موفنبيك والنخيل حلو
مطعمناز الايراني جمعية الزهراء وجمعية الجابريه وجمعية شرق
مطعم الارض الخضرااء لذيذ اكله حييل حيل حلو بسوق الكويت المباركيه هندي نباتي
القعدات الشعبيه اللي بسوق الكويت المباركيه حيل حيل حيل حلوه فوق ماتصور مثل نظام الحسين في مصر مشوياات وجااي(شاي على الفحم) شيشه شرح المكان يهبل واذا خلصتم روح المطحنه الفاخره شغلها نظيف يهبل احلى مطحنه بالكويت واشتر من الشمالي درابيل وكيك احسن الشي الشمالي من الوطن اشتر بقصم بالحليب احسن بقصم بقصم الوطن

كل دقيقه اتذكر شي واكتب اذا معاك اعيالك روح مجمع ديسكفري مجمع مخصص بس للاطفال
في مكان راح تستانس فيه انت وزوجتك ورا ابراج الكويت لما تنزل اسال اكوابارك اللي يم ابراج الكويت اسم المكان كرات الالوان حلو تلعب انت وزوجتك وناسه حيل حلو واذا تبي قعده حلوه المارينا ويفز
المارينا كرسنت روعه قعدتهم بس اذا هالوقت هذا حلوه باليل بعد المغرب مو الظهر في مقهى احبه اسمه كلر مي ماين تشرب قهوه وترسم على الفخار اذا انت تحب الرسم انا لاني احب الرسم عشان جذي احبه دايم اروحه واشتري منه فخار وارسم بس يسلمونك الفخار بعد اسبوع من تاريخ التلوين
وفي مطعم اسمه زمان اول او ايام زمان ما اتذكر ماجربت اكله بس شاي الحليب مع هيل حلو يحطونه بغوري اتونس قعدته مطعم سلايدر ستيشن حلو حيل همبرغر لذيذ اقبال قصر السيف بضبط

اختي lan عندج هذيل الفنادق وشاليهات معاهم :
موفنبك البدع شاليهاتهم حلوه وموقعهم ممتاز - منتجع شيك نفس الكلام عن موفنبك - منتجع هيلتون المنقف اشوي بعيد عن الديره - النخيل بعد موقع ممتاز .
وموفقيين ان شاء الله