غاليه..
أختي غالية اخذي هالجدول
بعد ماتتمشون بباريس كم يوم اطلعوا عن طريق الشركات السياحية وبمبلغ رخيص الى بروكسل عاصمة بلجيكا ساعة وشوي بالقطار تروحون الصباح وتردون بالليل لباريس وبعدها إستأجروا سيارة واطلعوا على منترو بسويسرا يومين ومنها الى انترلاكن كم يوم ( أجمل طبيعة في أوروبا ) ومنها الى بازل ثم منها الى جنة الله في أرضة زيلامسي في النمسا واسكنوا فيها او في المنطقة اللي فوقها اسمها كابرون ومنها الى ميونيخ تسلمون السيارة هناك وتسافرون من ميونيخ لبلدكم يعني حجزكم يكون الرياض باريس ميونيخ الرياض .
وتقدرون تتنقلون بالقطار بين هالمدن
لكن انا بهالمخطط جعلتك تزورين أجمل أماكن أوروبا كافة .
اختي غالية أتمنى تتطلعين على التقارير والاستفسارات للاستزادة متأكد بتستفيدين منها وتسهل عليك مهمة التخطيط
أتمنى لكم سفرة موفقة وسعيدة

كان إحساسي في محله كنت حاسه اول من يرد ابوفواز والله قلت ابشوف اذا محد رد مع احترامي للجميع راح اطلب مساعدتك ومشكور لاهنت ياغالي عساك ذخر..
الله يوفقك ويوسع لك..والله تشرفت بردك على استفساراتي عسى عمرك طويل ..
انا شفت التقارير واطلعت على اكثر من موضوع بس حابه يكون فيه تفصيل لجدول السفره مع احتمالية التكاليف والاماكن اللي تستاهل الزياره وغير هذا طريقة التنقل ..والفنادق النظيفه ركز على كلمة نظيفه لان عندي وسواس واعاني شكثرمن هالموضوع..
فعلا ماخاب ظني فيك يابوفوازبيض الله وجهك والله فرحتني بردك علي مشكور ماقصرت.

غاليه..
يامرحبا يا اختي غالية ,,,,
الحمدلله اني ماخيبت احساسك وكانت الهقوة في محلها
بس لازم تعرفين ان ابوفواز ماهو الا عود من جيز حزمة والبركة الكبيرة في باقي الاعضاء الكرام وانا كنت محظوظ ورديت ولا هم برأيي أفضل مني بكثير سواء بسرعة الاجابة والرد او بالمعلومات الكافية والوافية .
انا متأكد كل ماقريتي زيادة تقارير ومواضيع استفسارات كل شوي بتطلع معاك كم هائل من المعلومات اللي كانت غايبة عنك فالقراءة السابقة فأكثري من الاطلاع صدقيني هو اللي بيفيدك كثير .
وبخصوص الجدول ابشري بالخير وبالنسبة لنظافة الفنادق فلاتحاتين ابد النظافة من أهم الأولويات عندهم وبتلاحظين هالشيء بنفسك .
وشكرا على كلامك الجميل بحقي اللي اتمنى اني استاهلة

يعطيك الف عافيه لاهنت يابوفواز والله انك كفو كفيت ووفيت عساك ذخر ..
الصراحه قريت التقارير والمواضيع بس خاطري احد يرد على استفساراتي لاني بكون متحمله المسؤليه كامله عن السفريه
لذالك ابي اعرف كم يكفي ميزانيه ...هل 40الف ريال سعودي كافيه...اولا؟
لاتنسون ان معي طفل عمره 2سنتين..
ابي اعرف طريقة الرحله من وين ابدأ؟ وكم يوم أقعد في باريس وأي الاماكن اللي اروح لها ؟؟واي الدول المجاوره اروح لها وكيف اروح لها ؟؟وكم يوم اقعد فيها؟؟احتاج تفصيل اكثر في الموضوع ..اطلعت على التقارير بس ابي احد رايح قريب يعني 2010....لاتخلوني الله يوفقكم..
وغيرهذا أبي اعرف اسعار الفنادق النظيفه واماكنها اتمنى تكون قريبه من الاماكن المهمه....
ابي اعرف كل شي من اول الرحله لاخرها الله يخليكم تكفون ...
معقوله30 مشاهده بدون ردود ...لاهان ابوفواز عسى عمره طويل والله مديونه له رده لي..ربي يعطيه الف الف الف عافيه.

ياليت اللي بيذكر الاسعار يذكرها بالريال السعودي ....وبالنسبه للتاريخ ياحبذا لوتذكرون هجري مع الميلادي..
عدد المشاهدات 45 ولافيه ردجديد...

بموت قهر عدد المشاهدات 68 ولا في احد رد ترى انا دمي حار والظاهر بهون واروح للهند وسيرلانكا
في انتظار ابوفواز الكريم يرد علي لاني ماعندي وقت ياخوي ابي اشيك على الوضع من الحين الله يعطينا طولت العمر على الطاعه والخير...
اتمنى القى رد ...وخاصه من ابوفواز.

غاليه..
ابشري بالرد جاك من أبوفواز
لكن ترى اللي ماخلى أغلب الأعضاء يردون ماكانت أسئلتك مباشرة وواضحة,أنا ماعرفت كم يوم بتقعدون 10 ولا 20 يوم وهل مبلغ 40000ريال لمصروفكم هناك ولا متضمنة التذاكر والسكن وكم دولة تبين تروحين وهل زوجك مستعد يسوق هناك ولا بتتنقلون عالقطارات ؟
ردي على هالاستفسارات اللي كان المفروض تكون واضحة لنا وأبشري بالخير
وخليك ريلاكس دائما
انا في انتظار توضيحك

هههاي يعطيك الف عافيه على الرد انا توقعت اني كنت واضحه المبلغ يشمل التذاكروالسكن والمصروفات وللعلم ترى بس انا وزوجي وولدي عمره سنتين واما زوجي يبي يسوق مافي امل انسى بطلعت الروح يودينا لمشوار مهم..ومايدل بعد تبي يسوق هناك وانا ناويه اقعد 20 والدول اللي ابيها فرنساوالنمسا وطبعا ما استغني عن استشارتك ويمكن نضيف ايطاليا والمانيا او سويسرا انت قول رايك وانا بمشي عليه انت ابخص مو يقولون اعط الخبزلخبازه ولو اكل نصه...انت ابوها وسمها ..

غاليه..
ياهلا يا اختي غالية ,,,,,
لا أعلم كم تكلفة الطيران عندكم فالمملكة الحبيبة, لكن ممكن نحسبها من غير تذكرة الفنادق يوميتها مابين 100 لغاية 250 يورو ومصروفكم مابين 150 الى 200 يورو طبعا كلها فاليوم فلو حاولتي تقليص الفترة الى اسبوعين اعتقد ان المبلغ بيكفيكم
حاولي تشوفين حجز الرياض باريس ميونيخ الرياض
تقعدين بباريس 5 ليالي ومنها يوم تزورون بروكسل وتردون بنفس اليوم عن طريق شركات سياحية بباريس ومنها تروحون بالطائرة أو بالقطار لميونيخ تقعدون ليلتين ومنها ليلة بغارمش (مدينة صغيرة جنوب ميونيخ طبيعتها خلابة )
وتالي تطلعون لزل ام سي في النمسا اجمل مكان فالعالم تشوفون فية طبيعة ساحرة وبعز الصيف تشوفون الثلج لما تصعدون الجبل ومنها ترجعون لميونخ مرة ثانية ترجعون لدياركم سالمين
طبعا هذا تخطيط مبدئي بس ناطر تعتمدينة