السلام عليكم
هلا وغلا
المملكه 00966
بريطانيا 0044
واي خدمه احنا في الخدمه

الله يعطيك العافيه وربي انك كنج هالمنتدى ومالوم اللي يطلبونك بالاسم
بس انا ماحبيت اطلبك بالاسم
المهم انا ابي ادرس الماستر في بريطانيا تخصص ترجمة ممكن تساعدني
باختيار الجامعة او طريقة الحصول على القبول وربي مارح انساها لك طول عمري
علما ان الجامعه اللي حصلت فيها ترجمه هي جامعة بورتسموث
قلي وانصحني وانا لك اذان صاغيه ولا تقل اقرا المواضيع ترى مشيك كل المنتديات
وجربت الزيب كود 00966 وماقبل

نصيحتي لك.. قدم على اكبر عدد من الجامعات البريطانية.. والقبولات الي توصلك قارن بينها ومن ثم اتخذ قرارك
يعني انت اذا قدمت على خمس جامعات يمكن يجيك قبول واحد فقط فالأفضل انك تقدم على سبيل المثال على عشر جامعات وراح يوصلك لنفرض اربع قبولات.. تقارن بعدها بمستوى الجامعة والمدينة والمميزات الثانية
الزب كود انا في اعتقادي انه الرمز البريدي لكل منطقة او مدينة او حي او مايسمى في بريطانيا بالبوست كود.. ولست متأكدة ولكني اعتقد ذلك

شاكر لك اخوي وكلامك على عيني وعلى راسي وانا بتبع نصيحتك بس ابي منك واخوي القطري ترشحوا لي الجامعات التي ممكن احصل فيها قبول ماستر ترجمة وحاب تكون في جهة الجنوب والجنوب الشرقي
بالنسبه لزيب كود ادري انه الرمز البريدي ولاكن مايقبل معي 00966 ولا 0966 حولت باكثر من رقم ماقدرت ارسلت لهم ايميلات مايردوا ايش اعمل مدري
ولكم تحياتي

الرمز البريدي يختلف عن فتح خط الدولة .. انت حطيت فتح خط الدولة
حط رمز البريدي مثلاً الدمام :
6وبريطانيا على حسب العنوان
!! Nw1
هذا في اعتقادي هو المطلوب..

اخوي الزيب كود مستخدم في أمريكا , اما في بريطانيا اللي عندهم يسمى بوست كود postcode , وهو يتكون من أحرف مع أرقام , مثلاً:
البوست كود لمحطة بادنقتون هو :
W2 1HQ
وهكذا , اما 00966 و 0044 فهذه Codes خاصة بالإتصال فقط
عموماً إذا تبي مساعدة في شي ولا تبيني أكلم لك احد هنا , راسلني عالخاص و حاضر باللي يقدرني الله عليه
تحياتي

الله يسعدكم وخليكم يارب بس المشكله انه
لا يوجد عندي خيار للرسائل الخاصه ومادري هل هو نظام المنتدى كذا او ماذا
هل يوجد قيود او شروط لاستخدام الرسائل
وربي محتاج مساعتكم ضروري واقل معلومه تفيدني كثير والله يخليكم

تحت امرك الغالي
انت علمنا ايش المطلوب بالضبط ..

بقلك اخوي ابي ادرس ماجستير ترجمه وماعمري زرت بريطانيا ومعلومات مو ذاك الزرود من ناحية الدوله ومن ناحية الدراسه والجامعات
كثير نصحوني اراسل الجامعات بنفسي واقتنعت بكلامهم المطلوب
ابي اعرف الجامعات اللي تنصحوني فيها ويوجد فيه هالتخصص (الترجمة )
المدن اللي ايضا تنصحوني بالدراسه فيها بالرغم اني حاب برايتون ودوفر ولا يوجد عندي اي معلومات بهالمدن بس حاب تكون في الجنوب الشرقي
علما اني دخلت وسجلت في موقع جامعه اسمها بورتسموث ولا اعرف عنها شي
احد الاعضاء يقول سجل في اكثر من جامعه لانه مابيجيك الا قبول من القليل منها
اذا ما وضح المطلوب ابي تساعدوني في الحصول على القبول