وش دعوه شباب ماحد عنده اجاابه
ترى من جد محتاج لمساعدتكم والوقت ضيق
شكراا

ياخوي
صعب جداً جداً نحدد الميزانية للترفيه .. لان فيه نشاطات تاصل 400 دولار وفيه ببلاش
لكن بشكل عام لازم تشد الحزام لأن لو حسبناها بيطلع لك باليوم 100 دولار وعلى كلامك انك مبذر
نصيحتي أنك تشد الحزام بأول يومين لين تضبط ميزانيتك وتعرف أسعار النشاطات
بالتوفيق

المظلوم
اخوي المظلوم شكرا على تجاوبك بس لحد الان ماخذت الجواب الاكيد رايك بس اتوكل واروح بنفس المبلغ يعني يعتبر مبلغ كافي ويقدر انه يعيشني 20 يوم في نيوزلند وانت فاهم قصدي يعني لو تطلع لي اوربا ب1000 يورو اكيد ماراح تعيشك الا كم يوم وهذا سؤالي يعني المبلغ اللي طالع فيه يعتبر متوسط ولا يمكن انضغط هناك ولا تخاف اكيد اذا شفت الرحلات الداخليه بتأكل علي كثير بقللها طبعا وعلى العموم منتظر اجابتك انت والأعضاء وان شاء الله ماتقصرون معي ؟؟

نصيحه مني أخوي زود المبلغ مو لشي !
بس لاقدر الله صادفك شي !
تحيآتي

من الاخر ما يكفي...يا تزود المبلغ يا تقلل المده.. 100 دولار في اليوم يالله تكفي اكلك وتنقلاتك فما بالك برحلات وتمشي انا ما ودي اضيق صدرك بس هذا الواقع وانا اخوك و للمعلوميه الكلام هذا عن تجربه

عزيزى الكريم كتبت رد ثم مسحته واعدت صياغته
مثل هذه الامور لانستطيع ان نحكم بها ولا بنسبه 50% لان هذا يعد مصروف الجيب
مثلاً فى يوم من الايام لم اصرف اكثر من 35 دولار وفى يوم صرفت اكثر من 200 دولار
مصروف الجيب يعتمد على الشخص نفسه بعكس السكن او المطاعم
حيث ان الاسعار تكون متقاربه وشبه معروفه للاغلبيه.
لكن بحسب صرفيتى 2000 دولار لمدة 20 يوم دون سكن ومطعم او تسوق ارى انها مناسبه.
ونصيحه لاتعمد على هذا المبلغ فقط , لا بد ان يكون هناك مبلغ احتياط
او يكون معك كريدت كارد.

انا من شهر رجعت من نيوزلاندا سياحه وقضيت نفس فترتك هذي ولفيت فيها كل نيوزلاندا
لي عوده اخي وبالتفصييل

Thamer ~
شكرا حبيب قلبي وماقصرت وانا كنت شاك ان هالمبلغ مايكفي بس لو تبي الصدق انا ماخلاني اقترح هالمبلغ الا بعد ماحست ودوررت كثير في المنتدى وغالب الاعضاء تكون اجابتهم ان المبلغ اللي ذكرته انا مناسب لمدة شهر مابالك في 20 يوم وعموما شكراا جزيلا
.
royal side
وش دعوه تضيق صدري بالعكس ماقصررت .
Ms
افا عليك لا توصي اكيد باخذ احتياط واذا ماكفى فيه دعم خارجي
اييون النقطه هذي حقت الشخص نفسها اخوي انا ذكرتها انه شخص مبذر او بمعنى اخر يبي ينبسط بيني وبينك خط السفر حقها يجييب الهم الديره شطحه بعييده حرام اطق تذكره غاليه لا و غير التعب النفسي والجسدي بعد اللي في الطياره ولا افررها كلهاواتمشى واشوف وش سالفتها .
lov22
كفو عليك بس اذا يمديك تحطها بسرعه عشاني مسافر بعد يوومين ولا تدري لا هنت ابيك تعطيني لو رؤس اقلام عن النشاطات اللي سويتها والرحلات والتكلفه اكون لك شاكر لو ترسلي على الخاص
ومرره ثانيه مشكوررين شباب لتجاوبكم وصراحه اعضاء ولا اروع وانا ان شاء الله بعد مارجع بضبط موضوع ومن الحين بيصير عنوانه " هل 2000 دولا كفت عزوز في 20 يوم ولا زادت عنها ؟"