نشر في اوكلاند

ارجوا المساعدة من اخوي المايسترو والشباب

مشكلجي

03-10-2022 - 12:15 pm

السلام عليكم ورحمة الله وبركاته
انا رحت لنيوزيلاندا في الصيفية اللي فاتت لمدة ثلاث شهور وتوني جاي قبل شهر ونصف تقريبا
ولغتي الانجليزية الان جيدة جدا
واود الرجوع بعد ثلاثة اشهر للدخول لجامعة اوكلاند
فهل استطيع اني ادرس بمعهد خارجي (علما انه نفس المعهد اللي كنت دارس فيه)
لمدة 6أشهر وبعدين اقدم للجامعة ويقبلوني ؟ او انهم راح يشترطون علي اني ادرس في نفس المعهد حق الجامعه؟
واذا ان شاء الله نجحت في اختبار قبول الجامعة كم تكلفة دراسة 30 ساعه لان ودي اقدم على البعثات
والبعثات مشترطة ان الشخص يدرس 30 ساعه ويجيب معدل 2,5
وهل هذا المعدل سهل الحصول عليه (يعني بشوية مذاكرة وجد اقدر احصل عليها)
شاكر لكم تعاونكم معي
والسلام خير ختام

التعليقات (5)

المايسترو

03-10-2022 - 03:39 pm

مشكلجي
مرحبا اخوي
ايه نعم تقدر .. لأن المهم تجيب شهاده Iels هذه المعتمده في الجامعات النيوزلانديه .. وهي مثل التوفل ... لكن في الجامعات النيوزلانديه ... فشف نفسك اذا تقدر تجيب الدرجه في معهدك القديم .. او ممكن تجيبها في المعهد تبع الجامعه ...
التكلفه حبيبي حسب الجامعه .. ادخل موقعهم وشف بكم الترم .. وراح تلاقي كل شي موضح قدامك .. لو ما حصلتها ارسل ايميل لشؤون الطلاب وقل ابي اعرف الاسعار حقت كذا وكذا ... ترى عادي جدا ... هذه اقل حقوقك كطالب ...
بخصوص المعدل ان شاء الله تجيبه اذا شديت حالك وتوكلت على الله

مشكلجي

03-10-2022 - 04:40 pm

يعطيك ألف ألف عافيه اخوي المايسترو
وان شاء الله انا رايح نيوزيلاندا رايح
والله يكتب اللي فيه الخير للجميع
فمان الله

المايسترو

03-10-2022 - 05:41 pm

ان شاء الله تروح وترجع لنا بالسلامه

بروان

03-10-2022 - 06:42 pm

أخي مشكلجي ارجو مساعدتي في الاستفسار عن بعض الامور وهي :
ما مدى الاستفادة من الثلاث الشهور اللي قضيتها في نيوزلندا ؟
كيف كان مستواك قبل ذهابك لنيوزلندا ؟
ممكن تخبرني عن المعهد الذي التحقت به وهل هو في اوكلاند ام خارجها 0
وكم تكاليف الدراسة والمعيشة للثلاث الشهور اللي قضيتها
مع خالص الشكر والتقدير

مشكلجي

03-10-2022 - 07:43 pm

هلا بك اخوي بروان
والله بصراحه استفدت بالثلاث شهور لدرجة ماتتصورها (طبعا كل هذا من المذاكرة وحفظ الكلمات)
وكان مستواي قبل ماروح عادي جدا يعني كنت اعرف القليل من الكلمات واساسيات الانجليزي (وش اسمك وكم عمرك ومن وين.....الخ)
التكلفة كلها على بعضها تقريبا من 20 الى 25 ألف خلال الثلاث شهور كافية ان شاء الله
الا وهي بالتفصيل الملل: 330 دولار بالاسبوع لدراسة الانجليزي يعني تقريبا:885 ريال سعودي
والسكن مع عائلة 200 دولار بالاسبوع يعني تقريبا:536 ريال سعودي
والمصروف 3000 ريال سعودي بالشهر كافيه وزيادة طبعا شاملة الرحلات اللي تقدمها المعهد اسبوعيا
عاد الله لا يهينك اذا بغيت تتأكد من المبلغ اللي عطيتكياه للدراسة لمدة ثلاث شهور احسب الاشياء هذي وشف كم يطلع لك
اسم المعهد WorldWide School Of English ويقع في اوكلاند على شارع الكوين ستريت
والسلام خير ختام

اوكلاند المسافرون العرب

ارجوا المساعدة من اخوي المايسترو والشباب