Baaayesh
02-02-2022 - 09:33 am
أخواني المشرفين والأعضاء الخبراء في بوابة السفر لسويسرا .. محتاج مساعدتكم
تعمدت أحط الموضوع في بوابة سويسرا لأنه باقي الدول أغلبها تمر عليها
وفي نفس الوقت رفيقة حياتي القادمة مصرة على سويسرا
لو سمحتم انا ناوي أروح شهر العسل بتاريخ 17 – 9 -2011 ولغاية ولغاية 5 -10 - 2011
يعني 18 يوم تقريبا
حطيت كرحلة مبدئية ..
النزول في ميونيخ
والرحله تشمل ميونيخ – سويسرا- النمسا
هل الرحلة مناسبة في رأيكم ؟؟؟
وهل ممكن أحط ايطاليا (ميلان وفينيسيا) او فرنسا بدل النمسا ؟ ولا النمسا ما تتفوت ؟؟؟
ممكن تحطولي أفضل مخطط لرحلتي والمدن إلي أزورها ؟؟
شفت انه أفضل اخطط من الحين لاني دخلت موقع بوكنج وشفت العالم حاجزة فنادق من السنه الماضيه لهالفترة
وبتعبكم معاي .. ممكن تدلوني على فنادق ممتازة ؟؟
طبعا الرحلة شهر عسل ... يعني ما فيها طلعات كل يوم
بانتظار ردودكم ومشكورين مقدما وجزاكم الله ألف خير
الوصول لميونخ والمغادرة جنيف
2 ليلتين ميونخ
3 ليالي سالزبورغ
4 ليالي كابرون او زيلامسي
4 ليالي انترلاكن
4 ليالي ديفون قرية قريبة من جنيف 15 دقيقة
اذا حاب تضيف ايطاليا من الافضل انك تكنسل النمسا حتى يخف عليك التنقل
الافضل استاجر سيارة من ميونخ وتسليمها في جنيف وراح تدفع ضريبة التسليم في دولة اخرى
والسيارة افضل لان فيه متعة وراحة وخصوصية اكثر
المسافة من زيلامسي الى انترلاكن 5 ساعات الى 6 ساعات اذا من النوع تتعب من السواقة الافضل تختار قرية
بينهم تبات فيها وتريح
الحين او خطوة لازم تحجز الطيران وبعدها ان شاء الله نحدد معك الفنادق