وعليكم السلام ورحمة الله وبركاته

• وش الاشياء اللي تستهويكم ( اسواق - طبيعة - ترفيه - بحر - مقاهي ومطاعم وجلسات ....... الخ
• كم شخص وهل هي عائليه
• هل تحبون التنقل الكثير

مرحبا أخوي الهلالي
شكرا لمرورك على موضوعي ومساعدتي ..
طبعا السفره بتكون انا وزوجتي العزيزه انشالله وهي اول سفره بعد شهر العسل اللي كان الصيف
اللي راح ...
وبيني وبينك كل الأشياء في السفر تستهوينا ما عدا الأسواق لأن السفره هذي بتكون تغيير جو بس
يعني تقدر تقول الأشياء اللي نبيها طبيعه وبحر ومقاهي وترفيه .. أدري أنك تقول وش بقيت كان قلت كلها
بدون السوق لان أكيد في مدن بتكون جامعه كل هالأماكن .. وبخبرتكم بتجيبونها صح
وأنتوا قدها وقدود ..
وبالنسبه للتنقل انا اشوف ان من اسبوع الى عشره ايام التنقل بين اكثر من ثلاث مدن واجد
فلو نخليها من مدينتين الى ثلاث مدن بتكون حلوه ..
وشكرا جزيلاً أخوي الهلالي وما نستغني يالغالي ..

حلو ..
شف الخريطة واختر من هالاختيارات ... علشان نبدأ مع بعض
روما - فورانس - بيزا - رميني (ريتشوني)
أو
ميلان- كومو - سرميوني- فينيسيا
مع امكانية التعديل حسب المسافه بين المدن

مرحبا أخوي الهلالي
والله انا ما ادري بالضبط عن المدن اللي انت حطيتها بس انا نفسي مثلا بروما مع فينيسيا
يعني انا اعرف فينيسيا بس روما ما اعرفها ولا أعرف وش فيها وهل في مدن أحلى منها ولا لا
بس عموما انا ودي أخلي المدينه الأكيده هي فينيسيا وعاد انت اللي عليك الباقي الله لا يهينك
بس اهم شي عندي كم التكلفه لو سمحت ؟؟
وشاكر لك ومقدر ..

بعطيك برنامج ان شاء الله يصلحلك
3 ايام روما (محطة الوصول )
3 ايام رتشوني
2 ايام فينسيا
2 ايام ميلان (محطة المغادرة) ---- مع يوم لزيارة بحيرة لوقانو ---
تحياتي..........ز

روما محطة الوصول
ريتشوني أو فلورانس
فينيسيا
اذا ميلان محطة الوصول
سيرميوني او كومو أو فلورانس مع بيزا
فينيسا
والتكلفة وانا اخوك ما اقدر احددها لك ... يعني كل واحد وصرفيته
لكن أنا اشوف ان تكلفة السكن 4 نجوم من 150 يورو الى 250 يورو والمصروف الشخصي من 50 يورو الى 100 يورو
بالتوفيق

الله يعطيكم العافيه حبايبي والله ما قصرتوا ..
بس عندي كم أستفسار ...
أنا عجبني برنامج أخوي الليث
3 روما 3 ريتشوني 2 فينيسيا 2 ميلان
فينيسيا معروفه وريتشوني بحر وحلوه وميلان تسوق
بس روما ما ادري وش فيها .. فممكن تقترحون علي موضوع معين شامل الأماكن اللي في روما
مع اني قريت كم موضوع وكلها عن الأثار والقلاع وبيني وبينكم وانا ماني راعي الأشياء هذي
لاني احب اقرا عنهم بس بدون زياره رسميه يعني انها تاخذ مني يوم كامل
فياليت تفيدوني وشكرا ..

اذا انت تبين تستبعدين روما عن الجدول فأنصحك بالجدول التالي
2يومن ميلان .(مع زيارة بحيرة لوقانو )
3 ايام فينيسيا
2يويمن ريتشوني
3 ايام فلورنس (مع زيارة برج بيزا )
وبعدها العودة حسب اختيارك تبين ترجعين من مطار روما او من مطار ميلان (كلهم يبعدون تقريبا نفس المسافة بالقطار من فلورنس)
تحياتي..........ز

شكرا اخوي الليث ما قصرت ويكثر خيرك ...
أخوك أنس
عادي معذور طال عمرك