السلام عليكم ورحمة الله وبركاته
اود ان اذكر بعض الملاحظات اللي حصلت معنا في رحلتنا وارجو من الجميع ان يذكروا ايضا ملاحظاتهم ليطلع عليها القراء الاعزاء لاخذ الايجابي والانتباه من السلبي وتجنبه.
عموما شكرا للجميع
بسم نبدا:1/ / اذا كان السفر على الخطوط السعودية فبادر باصدار البوردنق قبل الرحلة ب 3 ايام لان الامر بسيط سوف يلغى حجزك (كما صار معي).
2/ اذا كان السفر على الخطوط السعودية فبادر بتاكيد الحجز فور الوصول من المطار لوجود مكتب هناك لان الحجز سوف يلغى عليك.:112:
3/ بالنسبة لي السكن في كوتا بونغا كان مريح لان السكن هناك متوفر من غرفتين نوم الى 8 غرف والاسعار انت وشطارتك عند السيدة مايانغ .
4/ المجمع كان آمن لدرجة كبيرة لوجود الحراسة عند البوابات.
5/ الاتفاق مع السواق على المشوار وليس اليومية لانه الحقيقة تطلع انت كسبان لان بعض المشاوير قريبة جدا من مكان السكن وحنا اتفقنا معه على المشوار.
6/ عدم النزول الى جاكرتا يوم الاحد الا مبكرا جدا (قبل الساعه 8 صباحا ) او الصعود الى الجبل لانه يوم اجازة عندهم والناس يا اما نازل او طالع.
7/ يوجد في الجبل 3 احواش لبيع الذبائح 2 متقابلين عند البقالة السعودية وواحد فوق عند مجمع كوتا بونغا فانت دور الارخص وعليك بنص السعر.
8/ في جزيرة بالي انا الحقيقة تحسفت اني سكنت في منطقة شارع كوتا لانها حقيقة منطقة مزعجة وصاخبة واتوقع انه الافضل السكن في منطقة نوسادوا لوجود الالعاب المائية وبعض المطاعم البحرية هناك.
9/ كل شيء غالي هناك بالنسبة للاكل فانا اخذت معي كل شيء من هنا ما عدا اللحم والبيض والخبز اما الباقي فالله يخلي العزبة كاملة والكامل وجه الله سبحانه.
10/عند العوده خل معك فلوس كاش وروبية بعد لو حصل حق الضرائب وغيره.
11/ يوجد مجمعين في الجبل فيها تخفيضات وعندهم اشياء حلوة.
والسلام ختام