توصلين بالسلامة انشالله
اول شي ....... ماراح تلقين احلى من ثياب كويت للمتحجبات
راح اعطيج فكرة بسيطة عن بعض الاماكن اللي اعرفها
عندج مجمع النقرة الشمالي والجنوبي مادري وين بالضبط بس اغلب الاماكن فيه عندهم محلات القطعة بخمس دنانير كزيتي انا مارحت بس سمعت عنهم
عندج سوق شرق والمارينا فيه ثياب حلويين حتى الماركات تنزل بالكويت قبل الخليج والتنوع يكون اكثر واشمل
انا رحت مجمع الافينيوز عندهم, صراحة مجمع كبير حيل وتلاقين فيه كل شي تحتاجينه من االف الى الياء
انصحج نزورينه
شغله حلوة بتلاقيينها بسيتي سنتر اللي عند دوار الجوازات وبالتحديد سزق المعلم يبعيون فيه بيجامات بيتوتية حلوةةةةةةةةةةةةةةةةة وستايلات جديدة يعني تلاقينها ثلاث واربع قطع, اخذي لج جم قطعة
والله يعين على الصرف

حياكم الله فى بلدكم الثانى .. وان شاء الله الخوات مايقصرون معاج .

حسب خبرتي يالغالية
محلات نوران -(فروعها منتشرة في كل مجمعات الكويت )
واسعارها جدا حلوة ومناسبة
كذلك ممكن تحصلين في مجمع الستي سنتر القريب من السالمية يعني اقرب شيء لة
المارينا مول ...وموفقة خير وان شاء الله اهل الكويت مايقصرون عنك

اهلا فيج حبيتي في بلدج الثاني الكويت
كل المحلات الي عندنا عندكم بس اذا تبين في معارض وبنات كويتيات اهما الي مصممين الموديلات
المعارض هذه تلاقينها في شارع الخليج يم مستشفى الاميري في بيت ديفا والبيوت الي يمها كلها معارض
ولا الباجي كلهم موجوين بالخليج بس يمكن H&m وتاقينه بالافنيوز والمرينا
واذا تبين شي بعد تحت امرج ونورتي الكويت مقدما حبيبتي

مجمع العثمان + مجمع المهلب + مجمع النقرة الجنوبي والشمالي ===>> منطقة حولي..!!
هالمجمعات فيهم ملابس حلوة و رخيصه جداً و تناسب المحجبات.!!
بالاضافه للمحلات العاديه تلقين قطعه و لا قطعتين.
مثل: H&M - Zara - Debenhams..!

يقولون فيه في كويت ماجيك ..
بس للاسف ما زرته ..
و كمان المهلب

ملابس المحجبات اللي تتميز فيها الكويت لانها ملك التجار السورين وتلاقينها في هالمجمعات
مجمع النقره الشمالي / مجمع النقره الجنوبي / مجمع المهلب وموقعهم ( منطقه حولي )
كويت ماجيك ( منطقه ابوحليفه )
مجمع سوق السالميه ( مقابل ريتز السالميه ) بجانب مبنى الهجره والجوازات
وبعد عندج البيوت القريبه من المستشفى الاميري المقابل لسوق سرق
بالاضافه الي بيت ديفا وكريزما المقابل سوق شرق وجنب المستشفى الاميري
وحياج الله بالكويت
حرم الملك

السلام عليكم:
اولا اذا كان قصدج ملابس المحجبات يعني البدلات فاهم مثل ماقالوا الاخوان عندج اولا "منطقة السالميه" سوق السالميه سيتي سنتر وسوق السالميه الشماليه عند الكترونيات الغانم في محلات وايد راقيه بالاضافه الى المارينا والفنار والبستان لكن هذول ملابس محجبات بستايل غربي.
ثانيا منطقة حولي مثل مجمع النقرة الشمالي والجنوبي ومجمع السندس والاحلى مجمع الايوب ولا تنسين مجمع البحر وبعد مجمع حولي بلازاوالاهم مجمع المهلب .
ثالثا منطقة الافحيحيل عندج مجمع الكوت والمنشر واجيال بالاضافه الى السوق القديم فيه عبايات وايد حلوة واسعار رخيصة على الرغم انها مشغولة بشواروفسكي.
واحلى شي عندي انا منطقة الفروانيه مثل مجمع العربيد بلازا ومجمع مغاتير ومجمع الصيفي بالاس وبالاضافه الى مجمعات وايد حلوة وعنده عبايات سوده طبعا بنقشات وايد راقيه خاصة مجمع العربيد بلازا واسعار غاليه وفي ورخيصة.
ولاننسى كويت العاصمة فيها مجمعاتمثل الصالحيه والرايه كلهم ماركات غاليه اما سوق شرق مقبوله اسعارةز
ودمتم واتمنى ان اكون قد ساعدت