‏السلام عليكم ورحمة الله. ولله الحمد طلعت التأشيرة لاكن صارت لنا قصه صغيرونه وبفضل الله مشت الأمور.سافرنا لجدة ومن بكرة رايحين المكتب كان باقي علينا ألترجمة لورقة التعريف والتأمين الصحي وجهتنا الطيار للسياحة وفي الطريق شفنا مكاتب سياحية صغيره نزل أبو جولي يسأل عن الترجمة دق الصدر اللي في المكتب وقال أنا سوي كل هاجه الضاهر (هندي، باكستاني) أنا أسوي حجوزات اعبي ابلكيشن تأمين ،،،،،كل شئ قلنا احنا حجوزاتنا جاهزه لاكن قلنا خليه يعبئ الابلكيشن بما انو بالكمبيوتر أهون من خط اليد ويزبط الملفات أخذ 25 للابلكيشن للشخص والترجمة 50 والتأمين 100 للشخص واعطيناه كل الحجوزات رجع حق سويسرا قال ماله داعي ألمهم جاب الأوراق أبو جولي إلا أشوف التأمين صوره ومافي اصل سألت وين الاصل أنا قارئه ان لازم الأصل رجعنا له قال لنا عادي مولازم اصل أنا كل يوم أسوي لزبون كده وإذا صار أي شئ قولو أنا من طرف ؟؟؟؟ والي في الكونتر حق ايطاليا جيراني وأصحابي و،،،أنا كنت مصرة عال اصل لاكن مشيت مع شور أبو جولي صدقنا ؟؟؟؟الأحد الساعة 8،55 وحنا مستنرين الساعة9 دخلنا أخدنا رقم ماكان في زحمه وكنا تاني رقم جلس أبو جولي وأنا أشوف من بعيد شوي إلا جاني يقول انو سألو عن اصل التأمين وعن حجوزات سويسرا طبعا قلو من طرف ؟؟؟؟ قال لازم المكتب كان قريب رحنا عاطول وقال ؟؟؟؟أنا اتصل عليه وقول انك من طرفي صورنا حجوزات سويسرا كانت معنا بالسيارة ورجعنا أخدنا سرا شوي وجلس أبو جولي الموضف شاف الأوراق وقال أوك بصموا بصم هو وبعدين أنا الحمد للهقلنا خلصنا قال خلصتوا (هنا بدت القصه) طيب ندفع قال لا المندوب يستلمه لم تطلعايت مندوب قال ؟؟؟؟ قلنا إحنا جاين بدون مندوب نبي ندفع دحينلما اصرينا قال لأ مارضي وحجوزاتكم غلط !!!!!كيفقال انت ترجع من سويسرا وحجزك ألأخير فرنسا (يستعبط ويدور حجة عشان نوافق على ؟؟؟؟يستلم الجواز )أبو جولي اصرر حجوزاتنا صح أخذ الجواز وراح السوبر فايزر قص عليه القصه طبعا الي ساعدنا انو كل شئ جاهز والموضف رفض انو ندفع والسوبر كان مشغول شاف الأوراق وخلا واحد تاني يشوفها ومن واحد لواحد المهم سوينا شويت سيرا عند كونتر ايطاليا بعدين تكلمنا مع سوبر فايزر سعودية ماشاالله عليها المهم غيروا الموضف وجا واحد تاني شيك على الوراق للمرة الألف وقال تمام ودفعنا ووقعنا الموعد كان الأحد الي بعدو سألت عن خدمت الرسائل قالو الإيطالية ماعندنا دي الخدمة. (بدون تحميل دمم كان واضح انو في مصلحة بين الموضف و؟؟؟؟ لأنو ؟؟؟؟جا للمكتب وكلم الموضف وكلم أبوجولي الأخ يهدي النفوس ) عموما شفت مندوبين كتير هناكوحنا خارجين إلا أبو جولي قال ايش رأيك نشتكي بالموضف. أنا على طول موافقة. كلمنا السوبر فيزر السعودية وعلى طول دخلتنا على مدير المكتب وبالأنقليزي طرحت عليه القضية وراحت لشغلها والمدير مايفهم عربي المهم جا موضف تاني يترجم قضيتنا وجا الموضف المتهم وماتشوفوه كيف كان واقف ولا كلمه الي في الغرفة كلهم هنود (المديروالمترجم والمتهم ) يعني كلو عربي مكسر. المدير كان متعاون شيك على تقديم الطلب وقال كل شئ أوك وعطانا كرته وقال تلفنولي. المهم بعد ماشتكينا ارتحنا نفسيا (أنا كنت خايفه نقطع رزق الموضف بس برضوا كان لازم يأخذ إنذار ) هادي القصه ادري طولت عليكم بس ماعرفت اختصرنا وحبيت اشاركم فيها وان شالله يسهل أمور الجميع. ** الزبدة**جهزوا طلبات التأشيرة بأنفسكم والله أنها سهله ومافيها تعقيد والله أني شفت الناس الي جيبين أوراقهم معاهم منغير مندوب سهاله ماشاءاللة بسرعه يخلصوا وأكثرهم عوائل. إذا كانت أوراقك سليمه خش فعين ال يغلطك. ولا تثقون في المكاتب الصغيرة أنا للأن خايفه انو التأمين يكون ورقه مالها أساس وأفكر أخد تأمين تاني احتياط إذا في طريقه أتأكد من التأمين دلوني عليها تأمين أخذناها من بوبا