هلا بك أخت ورد الجوري
الخفجي طال عمرك ، على حدودنا مع الكويت ..
ويوجد فيها كورنيش حلو ونظيف جداً ، بس شاليهات ما اضن ..
وبالنسبه للأسواق فيها اسواق ، لكن ما فيها مجمعات مثل الخبر والدمام ..
تم تحرير المشاركه
المشرفه ***
والله يوفقكم ..
تقبلي تحياتي ..

جزاك الله خير اخوي صاحب الكلمه مشكور وماقصرت
وين الباقين ثلاثين دخلو ومارد الا واحد ليش وين الفزعات؟
يعني مافيه اماكن حلوه ينبسطون فيها عيالي؟
وكم ساعه الطريق من حفرالباطن الى الخفجي؟

/
السلام عليكم
موضوع يبغاله مخمخه .. بس أرجع من مشواري أن شاءالله أرد عليك ..
بس أبغاك تاخذي فرّه في هالموضوع
https://artravelers.com/p/re/356740
تحيتي
/

نزاف
الله يوفقك في مشوارك يارب
انا بانتظار ردك و مخمختك

اختي ورد الجوري
الخفجي مافيها شي غير الشاطي وهو حلو ونظيف لكن لامافيها شي ثاني حتى الشاطي ماتلاقي فيه احد بعد المغرب
رحت لها قبل فترة واستأجرت فيها شقة وجلست تقريبا 8 ساعات وطلعت على الساعة 12 سلمت الشقة ورحت الخبر
صراحة الخفجي تنفع للجمعات يعني عايلتين واكثر لانها حلوه للجمعه

1. الثاني : يصلح جداً للعوائل .. مسطحات خضراء والشاطئ تبعه جداً لذيذ ..

/
مارديت إلا طمعان في الدعوه
شوفي يا ستّي
المسافه من الحفر للخفجي 350 كيلو تقريباً يعني أقل من 3 ساعات .. والله يعينكم على الخط طالع نازل و حالته تعبانه .. فقط للتنبيه والله يحفظ الجميع

• * بالنسبة للخفجي زي ما ذكر أخوي صاحب الكلمه ... أحلى مافيها شواطئها الرمليه و كورنيشها و بحرها ..

هناك شقق أسمها الطير المسافر في شمال الخفجي .. خابرها حلوه و عندها إشاره و أنتم رايحين للكورنيش تلفّون من عندها يمين يجيكم ميناء الخفجي ... وراه بالضبط شاطئ جميل هادئ بعيد عن الضجيج و الأنوار ..
و إحنا في الخفجي مقسّمين الكورنيش إلى 5 أقسام تعرفينها من دخلاتها أول ما توصلون للكورنيش .. يعني الدخله الأولى للقسم الأول والثانيه للثاني وهكذا ..
الأول : فيه مدينة نسائيه ترفيهيه تصلح للأطفال الصغار و للنساء برضو وفيه شغلات داخل حلوة للنساء و للأطفال
وكذلك فيه بيت شعر للرجال و الشباب فيه شاشات عرض بلازما و مشروبات و جلسات مره رايقه ..

الثاني : يصلح جداً للعوائل .. مسطحات خضراء والشاطئ تبعه جداً لذيذ ..

الثالث : للشباب يلعبون غالباً فيه كوره .. لكن فيه بوفيه ( موجه ) سندويشات ومشروبات ساخنه وبارده يعني تقدرون تشترون منها و ترجعون للقسم الثاني من الكورنيش ..
الرابع : وهو الكورنيش الجديد الممتد مسافة 3 كيلو تقريباً ... في بدايته الشاطئ ناعم و تغوص فيه الأرجل و في نهايته يصبح صخور بحريه بتشكيلات حلوة و فيه تقريباً 20 جلسه مظلله .. منها القريب جداً للبحر ومنها اللي على صخور بحريه ومنها القريب من الألعاب ومنها القريب أعزكم الله من دورات المياه .. عاد أنتم وأختياركم .. أنا عندي جلسه محدده أحبها و تناسب مزاجي وهي اللي جنب برج الماء اللي لازال في طور البناء .. أحبها وقت القمرا
الخامس والأخير : هذا كورنيش الشباب .. يجي آخر الكورنيش الجديد .. بس أشوف العوائل هناك ... شاطئه مش ولا بُد .. بس ميزته أن الممشى تبعه مرتفع عن البحر والشاطئ 10 متر ههه
بالنسبة لأطفالك كذلك فيه مجمع الخفجي مول في حي الخليج .. به مدينة ملاهي أطفال وفيه سوق المزرعه ..
وهناك حديقة العزيزيه قبل الكورنيش بإشاره فيها حديقة حيوان صغيره و ألعاب ..
وبالنسبة للمطاعم ..
الإفطار = مطعم اللؤلؤة ( شارع البلديه ) - متبّل لحم / عدس / بيض / فول
المطعم الفنّي ( بجانب جمعية الشركه التعاونيه ) - باندكيك بالبيض و أدعي لي
فوّال المدينه ( شارع البلديه ) - قلابه / كبده / شكشوكه
الغداء = مطعم المرسى ( شارع الثقافه ) - جميع الأكلات البحريه لذيذه عنده
البخاري الجديد ( بجانب دوّار الساعه ) - دجاج على الفحم
مطعم الشوايه = ( الكورنيش ) - لا يفوتكم الرز بتاعو
مشويات القصر = ( بالقرب من بوابة الإسكان )
بيت الكباب = ( شارع المعارض ) - كباب و عرايس لذيذه
العشاء = مطعم الأطلال ( شارع البلديه ) - أكلات يمنيه لذيذه زي السلته و الفتّه
مطعم شاورمك ( شارع مكه ) - أنواع الشاورمات
وعندك معجنات النافوره في نفس الشارع لا يُعلى عليها ..
تم تحرير المشاركه
المشرفه ***
و إي خدمات حاضرين للطيبين ..
/

وردالجوري
عليكم السلام هلا حبيبتي
ان شاء الاخوان اللي عندهم خبره بالخفجي يفيدونج وانا اشوف الاخوان ماقصروا
اما بالنسبه لموضوعج ماحذفته موجود بس شلت الاستفسار لاني منبهه من قبل ميه مرره انه مافيه اي استفسار عن السكن فيه غير محله وللاسف مافيه التزام منكم الله يهديكم ومافيه شي ياقلبي اسمه اي معلومه عن الخفجي وبالمره سؤال عن شقق ارجوكم التزموا بالنظام انا بالنهايه ابي مصلحتكم ومصلحه البوابه وماابي ترجع لها الفوضى
شاكره لج تعاونج

الاخ emad .............. الف شكر على مرورك الكريم
الاخ نزاف .............. شكرالله سعيك وكتب لك عن كل حرف كتبته الف حسنه وفرج همك واسعدك في الدنيا والاخره
الاخت فارسه ............ جزاكم الله خيرا وجعل ماتقومون به في ميزان حسناتكم

وردالجوري
يسلم لي ذوقج حبيبتي ماقصرتي