الذهب الأحمر
نفود المزاحميه انا اروح لها كل اسبوع ميزتها مافيها ازعاج الثمامه والشي الثاني نفود نظيف مرة اتحدى تلاقي مشيه الرجل
اذا ماتعرفها علمني اوصف لك لانها روعه خياليه هدوء ونظافه وطبيعه النفود بحق وحقيقه
بعدين عشهم في القريه النجديه عشان يعرفون ثقافه جديدة لانهم ملوا من اماكن الحضارة ويبون شي جديد

هلا اخوي الذهب الاحمر
ودهم لمتحف الرياض الوطني
عشان يتعلمون ثقافة جديدة
مكان جدا رائع

مشكورين على اقتراحاتكم ..
و ياليت يا جلاد السفر توصف لي المكان الأفضل في المزاحمية .. سأكون لك من الشاكرين

الذهب الأحمر
شف ياطويل العمر اذا نزلت من الزديه امش الين يجيك مخرج 6 حق المزاحميه رقمه 895 بعدين رح يسار
امش طوالي الين يجيك دوار تعد الدوار بيوديك اجباري يمين امشي طوالي الين يجيك حرف تي رح يسار امش
شوي تجيك استراحه على اليمين اسمها الوادي الاخضر لف من عندها يسار بعدين امش طوالي الين ماينقطع
الزفلت بيجيك بعديك شبك على اليسار يباريك بعدين اذا انقطع الشبك تشوف النفود على مد النظر
اطلع اعلى قمه في النفود تشوف استراحات المزاحميه واذا جيت مع الغروب شي خيال يصير
عورتني يدي وانا اكتب اهم شي انك تستفيد ورحله ممتعه

من الاماكن المرشحة :
1- الديرة القديمة وتحتوي على قصر المصمك وساحة الصفاة .
2- سوق الزل ومايحتويه من معروضات تراثية.
3- الدرعية القديمة.
4- جولة في وادي حنيفة بعد تطويره.
5- مركز الملك عبدالعزيز التاريخي ويحتوي على قصر المربع وقاعة الملك عبالعزيز التذكارية التابعة لدارة الملك عبالعزيز.
6- اذا كانت طلعة بر فأنا ارشح الجفير بالقرب من حفيرة نساح.
وهذه معلومات عنه منقولة من موقع مدينة الرياض:
وصف الشعيب
وادي طويل كثير الشجر معظم أشجاره الطلح، وأرضه حصباء وهو مكان هادئ وقريب من الخط العام وبالقرب منه هجرة الجفير، لا توجد فيه مخاطر سوى الغراز في بطن الوادي لأنه حصباء.
وصف الطريق
للذهاب إلى هناك اتجه إلى طريق صلبوخ ولكن جهة الجنوب هذه المرة، صفر العداد عند جسر الدائري الغربي (ظهرة لبن)، استمر على هذا الطريق حتى تنزل من الجبل (القدية) هنا يأتيك مخرج (ديراب الرياض)، عند العداد 28 اتجه معه جنوبا جهة ديراب، وعند العداد 34 يأتيك مفرق (نساح الجفير) على اليمين بدون لوحة، اتجه معه، استمر على هذا الطريق إلى أن يصبح العداد 83 سيأتيك مفرق البخرة على اليمين اتجه معه، ثم بعد ذلك وعند العداد 85 يأتيك مفرق الجفير على اليسار بعد محطة الوقود مباشرة اتجه معه، واستمر إلى أن يصبح العداد 100 تقريبا ستجد الشعيب على يسارك.

الدرعية القديمة جميلة جدا

قرادة حظهم جايين الرياض ههه وش يبون فيها ياحسرة
بس علشان ماتتفشل معهم
انا اقترح عليك توديهم سد العلب في الدرعية اماكن جميله ورائعة
او تحجز لهم مخيم في الثمامة
فيه مخيمات في الثمامه ماشاء الله فندق الا شوي كل شئ متوفر فيها
او اطمر بهم للشرقيه وقل لهم بوديكم مشوار قريب مدته 3 ساعات ههه والله انه احسن واجمل
الله يوفقك اخوي ولاتنس توديهم وتنسق لهم موعد في احد مكاتب الجاليات على الاقل تعرفهم عن الاسلام عسى الله يفتح على قلوبهم

الله يعطيكم العافية ماقصرتوا يا جماعة الربع