هدي بالك ياخوك وهات الهرجه
ترى الأمور ملتبسه شوي شلون يعني خويك سحب عليك وسافر لحاله:112:

وسِع صدرك يارجال تراها ما تسوى
بس وش السالفة

شكلي من جد من الزعل ما أدري وش كتبت
السالفة سلمكم الله من اسبوعين وأنا مخطط لروحة الاسبوع الجاي لاندونيسيا وتايلاند .. وقاعد مسوي حراج من يخاوي .. من يروح والتذكرة علي بس ماعندك أحد اللي يقولي أنا مدرس ولا أقدر إلا بالصيف واللي يقول وش يقولون الناس عني رايح لاندونيسيا واللي المدام محجرة له عند الباب رجلي على رجلك !!
المهم هالعير :112: والله من جد عير لأنه من أفضل الشباب وتحطه على يمناك وخوي مضبوط بس الرجال دائماً بأوروبا ولا يفكر يروح للشرق ..
يوم خربت السالفة وقررت أقصر الرحلة على اسبوع اندومي وهونت عن تايلاند إلى أجل غير مسمى لأن الرجال ماتو تفاجأت اليوم إن الرجال رايح لاندونيسيا لوحده تقل جني وراجع بعد ثلاثة أيام يوم الأحد القادم :112: :112:
أنا عارف يالمعري وش اللي براسك بتقول رفيقي حط رجله عني لا أخاويه وسحب علي
بالعكس الرجال أعرفه مضبوط ولا يسويها بس القرادة والله على قولة القايل ( هو ثور ما يشوف )..
الوعد إن شاء الله الثمامة خله يجي بس .

الغالي ذكريات مسافر ما ألومك ولا اوصيك بخويك برد حرتك فيه اذا جاء من الديره بالسلامه ان شاء الله
تقبل تحياتي

الا والله هو الخسران ياذكريات مسافر ولا أحدن يفوت خوتك اللي تنشرى بفلوس
لاكن لا تحكم عليه الين يرجع ...يمكن الرجال عنده ظروفن حدته على السفر لحاله
وادع ربك انه ما يستانس على شان حوبتك ويعرف ان الله حق

ذكريات مسافر
أبشر وأنا اخوك نمشي لاوالله خوتك تنشراء هز راسك وتلقاني محضر في المطار وعلومي زاهبه وخويك لارجع شف وش السالفةالغايب عذره معه
(ولا تنقهر)

الغايب حجته معاه
واذا كنت تبي فزعة ترانا جاهزين الوعد يوم الاحد
تحياتي

صبحكم الله بالخير جميعاً ..
لا والله أنتم الي اخوتكم تنشرى ... بعدي والله .. والأمور تصلح وعلى قولة أهل الحجاز سيبك منه ولا اخصرك منه .. إن شاء الله الاسبوع القادم طالع وابشروا بالعلوم الزينة
أول رغبناك يومك مثلي راغبنا ... ومن يطلب البعد حنا نطلب بعاده .. الله يرحمك يابوخالد

ذكريات مسافر
ولا تكدر خاطرك .. روح وسافر واستانس حتى لو لحالك .. ترى احياناً الوحده بالسفر حلوه
وعلى قولك دامها اسبوع .. يعني ما راح تحس بالملل هناك ... وخويك اللي راح ولا طلب خوتك .. خله بكيفه
المهم وسع صدرك .. وسافر واستانس
ياخي سافر ياخي ... معصب :112:
لو انا مكانك .. بحط اعلان يوم واحد .. تراني مسافر مين بيخاويني ؟؟ واليوم الثاني وانا بالطياره
الناس وين تلقى اجازه هالايام وفرصه تسافر ؟؟