ما ان تحين رحلة العودة حتى يطق عرق بالعين يخليها تحمر وتفرز سوائل غزيره تتكون داخل العين لتتغلغص بها ...
هناك من لا يدق خبر للعوده ولا قامت المسئله عنده ولا قعدت (سلملي على الشباب اللي ما فكر في الديره ..ودائما عنده مقوله طيبه وهي : _ مصيري برجع وبستانس وبفلها )
وهناك من يستطيع لجم هذه السوائل (الدموع ) ومنعها من الخروج... لانها ما ان تخرج من عينه الا والمنقود لاحقه على قلته ... وانواع النظره الخايسه من الجميع ...لدرجة التسميه بالهطفه ... وانا اعتقد انها تسميه قليله في حق من يبكي (وشدد يا اللي تقراء على كلمة تبكي ... لان السالفه كايده )
طبعا ذكرتها فوق وهي البكاء .... ياويل قلب بارون يا رياجيل .... الدعوه خربت من اخر سفره ...
شاهد عيان ... واللي هو اخوكم بارون ... صادفته حركه في الديره ...كاد ان يقلب عاليها واطيها ... وان يقوم البقس (وفي روايه اخرى البكس ) .. على واحد طلع رايح فيها ...
وخلوني اذكر السالفه ...عسى وعل يكون فيها فايده (ما اظن ) ... او نجعلها قضيه تذكر اماكم ... من باب مصادفات وغرائب اندونيسيا .
السالفه :
اخوكم بارون في احدى الايام ... وفي ساعه متأخره من الليل وهو في بلاد الاندونيسيين .. تغيب عنه زميل له في السفر ( سابقا )
وعندما تباطأه .( يعني ما شافه حواليه وفقده ) قال في نفسه (الي هو انا ) : يا ولد لا يكون الهديفه ذا جاب العيد ولا صارت له مشكله ...
فخرج اللي هو انا ... من مقبعه اللي هو جالسن فيه .. ليبحث عن زميله في السفر ( سابقا ) .. فما ان وطأة قدمي ( او قدما ) بارون خارجا حتى شاهد من خلف الدبابات ذلك الزول الكبير ... انه خوي بارون في السفره ( الله لا يعودها )
فتوجه بارون له ... وهو يتهادا يمينن ويسار .. (لا تفهون غلط ... جايكم في الكلام ) وهو يتهادا يمينن ويسار من هول ما شاهده من زميله في السفر ... واخذ يضرب على رأسه وكأنه يريد ان يتأكد هل هو في حلم او علم .. او ان الصدمات السابقه اثرت به .
فأخذ بارون يستند على الباجيات تاره وعلى رفارف السيارات تارة اخرى .. وهو يفكر فيما حصل لزميله في السفر ..
يال الهول .. ان زميل بارون يبكي ودموعه اربع اربع ... وتتسابق على خدوده اللتي كنها فخذ فيل ...
بارون استند اخيرا على عربية مرطباق صافطه قريب من المكان ... وطلب اثنين مطبق بصل زياده ..
لا لا لحظه انا دخلت في سالفه ثانيه ( سالفة المرطباق هذي في اليوم اللي بعده )
نرجع للموضوع ... بعد ان شاهد انا ... من خويه ما شاهده ..اخذت الافكار تجول في رأسه (اللي هو انا برظوه )
فمن واقع ما كنت فيه ... الهمت بافكار عده لما يحصل لخويي .. وبلمحة بصر حددت المشاكل اللتي ممكن ان يكون وقع فيها
واللتي ادت الى بكاء هذا الزميل بالشكل الغزير الذي شاهدته امامي ... وحددت التالي :
1 _ قلت ممكن الاخ الزميل ..عايش جو الجماهير البرازيليه اذا خسر منخبها ...
2 _ قلت ممكن المدرب حرمه من المشاركه في كاس العالم ...
3 _ قلت ممكن الاصابه راح تمنعه من المشاركه في مبارة الدربي القادمه .
4_ قلت ممكن مطرود بكرت احمر لتعمده الخشونه ويبي يأثر على الحكم ويرجعه .
لكن بعد وهله او برهه < == لغه عربيه ماصخه وليست فاصحه ... تذكرت ان الاخ الزميل ليس رياضي ولا له في الكوره
هنا انا هزيت راسي ..وانتبهت ان الاسباب ممكن تكون كالتالي :
1_ مضروب ومسطر على جبهته
2_ مضروب ومسطر على اذنه
3_ مضروب ومرفوس على بطنه
4_ مضروب ومكسور ضرسه
بس لحظه الرجال حبيب ويمشي جنب الحيط .. ولا يحارش احد ..ولو يجيه واحد ويقوله بخ (بخ يعني زعطه ) يطلع اللي في جيبه ويروح وياه ويصرف له من الصراف بعد .
لا لا اكيد مش مضروب ..
هنا بارون قال في نفسه ...مادام انا قربت عنده ليش ما اسأله وش مشكلتك واعرف سبب بكائه ( < == ما شاء الله بارون طلع ذكي ونبيه )
سلام يا زميل السفر وش فيك عسى ما دخل في عينك غبار .... قالها بارون متطنزا .
فرد عليه زميل السفر ... وهو يتنهد.... : لا هيء هيء ولا هيء هيء ولا شي ... بس جالس افكر في بعد بكره ... كيف بسافر وبخلي هالديره ... الحلوه . طبعا مع قطرات غزيره من الدموع
هنا تعفس وجه بارون ... واخذ يتفلت ويقول هدوني وخرو ..عني .. طاقه طاقه اليوم ( سالامات يا بو فهد ..ترى ما فيه احد حولكم .. عشان يوخرون )
المهم انها كانت صدمه قويه ...كيف شخص يتعلق للدرجه هذي ... ويكون بالصوره المذله للنفس امام الناس بكاء وصياح بشكل الله لا يجعلكم تصادفون موقف مشابهه له ...
حتى اني فكرت امشي عنه واخليه في مكانه ... لكن قلت خلني اسحبه ... (يلعن تاريخ التعب يا شيخ انا ابي واحد يشيلني )
المهم اني وصلته المطار ... وانا في نفسي ان الرجال انضرب في دنبوشي يمشي بسرعة هائله .. يعني مسحور ما يبيلها كلام
المهم اني نزلته للمطار وهو يبكي من قلب ... وانا اطالع فيه واقول لا الرجال لازم اكلم واحد من اخوانه يستقبله ... ويوديه عند شيخ يقراء عليه ... او يشوفون له صرفه ...
ما اطول عليكم ...كملت اجازتي ورجعت للوطن ... وبعد ما شفت بعيني حالة الاخ الزميل السابق في السفر
عرفت ان الاماكن تلك ما تورث خير لاهلاها ..ومرتاديها ..
يا ما نصحته ... لكن ما اقول الا
كفكف دموعك ليس ينفعك البكاء ولا العويل ..... غيرك تقطع وتحرقص ... لكن مثل مافيه عودة هناك رحيل
اخواني ما حدث للاخ اللي كان معي شيء مؤسف ... ممكن تكلمت عن الموضوع بطريقه هزليه ... لان هذا طبعي في غالبية الموضوع ... لكن الموضوع صار معي وامام عيني
فانتبهوا ... وابتعدوا ... والله يستر على المسلمين
وسلامتكم