- السلام عليكم ورحمة الله وبركاته
- شحالكم أخواني الأعضاء وأخواتي العضوات الكرام؟ ان شاء الله اوكي؟
- وهذي صورة اللوبي
السلام عليكم ورحمة الله وبركاته
شحالكم أخواني الأعضاء وأخواتي العضوات الكرام؟ ان شاء الله اوكي؟
حبيت اليوم احط لكم مقتطفات من زيارتي لتايلند من يوم 8-7-2009 الى 30-7-2009 وهي كانت علاج وسياحة.طبعا عيالي كانوا معاي وماشاءالله عليهم استانسوا.الجو روعة امطار واحيانا يكون لطيف الجو فليل..انا بحط لكم التقرير عبارة عن اجزاء.
.بيكون اول شي مغادرتنا بلادي الغالية الامارات ووصولنا الفندق.
وثانيا الاماكن اللي زرتها في بانكوك.
واخيرا التسوق والاغاراض اللي اشتريتها من هناك وهذا اكيد اهم جزء للخوات خ
هذي صورة مطار بوظبي والطيارة وماشاءالله وايد صار كبير وعدلوه وصار فعلا عالمي:
وسمحولي الصور مب وايد لانه العيال ماشاءالله عليهم حشرة وربشة ما خلوني اخذ صور وايد
وصلنا بانكوك بحفظ الله ورعايته الصبح وتوجهنا بواسطة سيارة السفارة واحب اني اشكر سفارة الامارات على جميع التسهيلات اللي قدموها لنا من استقبال واهتمام لانه قادمين للعلاج..وتوجهنا لفندقنا المتعودين عليه ماجستيك حراند سيكومفيت..طبعا عيالي يحبونه لانه فيه المسبح ودوم ماشاءالله هم فيه ما يحبون حتى يطلعون من الفندق..يعني رحلة صيفية بمعنى الكلمة خ
أنا الصراحة ثالث مرة انزل فيه وكل مرة اقول ما بحجز عندهم لكن موقعه يخليني ارجع عندهم لانه الصراحة احس ما يعملون حساب للعرب فيه كثر الاجانب..ودايما لازم نشد معاهم اول ما نوصل بسبب الشيك ان لانهم يتاخرون فيه ونحنا نوصل بوقت مبكر الصبح ونضطر نقعد في اللوبي ننتظر لحد ما تفضى الغرف للساعة 3 بعد الظهر..وخاصة هالمرة معانا كبار في السن..ورغم انه هالمرة حجزنا غرفة قبل بيوم عشان ما نتعرض لهلموقف بعد مشكلونا لانا قبل بيوم ما سوينا شك ان ومب جاهزة..وصدقوني هالمرة بتكون اخر مرة..
وهذي صورة اللوبي
طبعا اول يوم وصلنا تعبانبن طلبنا لنا غدا في الفندق من مطعم ام خماس اللي في شارع نانا..وثاني يوم سرنا المستشفى كان عندنا موعد وهاي صورة للكوفي اللي في مستشفى بانكوك..وصورة لمدخل المستشفى حاطين فيه معتقداتهم:
]
وطبعا راح الوقت هناك في النهار..والعيال ما قصروا سووا لنفسهم برنامج لليوم قضوه في مسبح الفندق..وعقب ساروا ماكدونالدز يتغدون ومروا خذوا لهم فواكه تايلند الحلوة من عدال مدخل الفندق..وعلى فكرة تراه ارخص عن شارع العرب هناك يبيعون الكيس ب 20 بات اما هنيه وفي اماكن ثانية ب 10 بات..بس تعرفون الاستغلال.
والحين سمحولي باخذ استراحة وبارجع لكم بالجزء الثاني عن الاماكن اللي زرناها في بانكوك في الايام اللي ما كانت عندنا مواعيد..انتظروني..
وطبعا ردودكم بتكون لي حافز للاستمرار
الحمدلله على السلامة واسئل لمريضكم الشفاء العاجل بإذن الله وسجليني من ضمن المتابعين لتقريرك