1. اهل العرب المسافرون الفرنسيون


2. اليوم حبيت اضيف بعض ذكرياتي الجميله لزيارتي لباريس الانيقه


3. ملابس قبل السفر وملابس هناك .......طبيعي جدا مع يوسف كل شي يصير

اهل العرب المسافرون الفرنسيون

اليوم حبيت اضيف بعض ذكرياتي الجميله لزيارتي لباريس الانيقه

لحد يقول باريس ما فيها شي وطلعوا برا باريس والا الاحلى برا مدام اني ما شفت غير الاماكن اللي رحت لها وعجبتني حيل خلاص كل شي غيرها مو مهم مدام اني مستمتعه جدا بباريس الانيقه الرومانسيه بهواها وجوها وعبيرها بقعدتها بسوالفها اللي حتى لو نتذكر فيها ذكرياتنا بديرتنا تطلع غير مع لمة العيال وتجمعنا بغرفه وحدة صغيرة سوالف قبل النوم هالغرفه الصغيرة وحدة من غرفنا اللي مأجرينها من 3غرف في فندق صغيرون في احد الشوارع الفرعيه للشانز ما اذكر اسم الفندق ولا الشارع لاني ناسيه بصراحه بس كان فيه عامل الاستقبال من اهل المغرب او تونس وقدامنا بقالة لعائله تونسيه من زوج وزوجته فقط صغار بالعمر بعد وكانوا وايد طيبين وينصحون وعلى يمين الفندق كانت المغسله اللي استخدمناها واستخدمها ولدي يوسف مرة وخرب ملابسه مسوي نفسه يساعد فأخذ ملابسه من الصبح وحنا نيام ويروح ويحط الملابس اللي كانت الوان قوس قزح صارت بعد ما اطلعوا بلون واح
اشوه انا احنا بفرنسا راح واشترى غيرهم خساير عليج يا ام يوسف

ملابس قبل السفر وملابس هناك .......طبيعي جدا مع يوسف كل شي يصير

طبعا هذا التقرير قديم واكيد بتكون طريقتي كذكريات فقط يعني الزهايمر اذا اشتغل كيفكم ........
من حبي لاخواني مراقبنا فيصل 2006.......و مشرفتنا اختي شموخ ...والمشرف السابق ابو فواز ........حبيت اني احط التقرير وهو كأهداء لهم بس صدقوني اكيد هذا مو بقدرهم هم يستاهلون تقرير مرتب وجديد ...........بس يسامحوني هالمرة .......والمرة اليايه على حسابهم نسوي تقرير خيالي
نبدي معاكم وطائرنا الميمون ......طيران الامارات ...
تذاكرنا اذكر اطلعوا علينا 6 اشخاص ب 1300 دينار كويتي ....
وهنا في مطار الكويت الدولي ........ما عندنا محلي .....يمكن بالشوارع من السيارات اللي تحولت الى طيارات
وهني يصعدون الشنط ........يحملون العفش.. لغير الناطقين بالكويتي
وهني خلاص كملوا شغلهم ........بس هاذي الطيارة من الكويت لدبي .....صغيرة
وهذه صور بنتي مصورتهم بتشوفونهم من غير اطار لان صور بي اس بي مو راضي يبروزهم البرنامج
وهذه وجبة الريوق من الكويت لدبي ......
وهني وصلنا مطار دبي الدولي .......يعجبني البرج شكل السراج
وهذه وجبة الغداء للاطفال لبنتي .....لحد عمر 12 سنه
وهنا وصلنا لباريس واجوائها المغيمه.....الجميله .....مو تقولون صيف وحر بالعكس لبسنا جاكيتات خفيفه ......
واللي يطب مطار باريس يشوف ان المسافه بعيدة من مهبط الطائرة لحد البوابات فقعدنا يمكن ربع ساعة وهو بس يمشي ويمكن اكثر
يمشي ويمش بالطيارة ......لحد ما وصلنا البوابات الخاصة بطيران الامارات ........
وهني بالمطار .......اي مطار تخربط مو متاكدة الكويت والا باريس ...عادي صح كله مطارات
وهنا بانتظار الفرج .......
وهني طلعنا من باب المطار التكاسي واقفه وصلنا لباب الفندق ب 80 يورو ..........وهذه صور من الطريق ......
هنا بدانا باليوم الثاني وطبعا سيده لا يوقف على الشانز طوالي .......بنتي الله يخليها كانت حافظة الطريق من خريطة جوجل ........فكانت تمشي واحنا وراها وراها ....لحد ما طل علينا قوس النصر ...ومشينا كم تقاطع والا احنا بالشامبيليزيه ........
منو اللي قص علينا من سنين وسماه الشانزليزيه .......اكيد مو انا
وحبينا الجميل صاحب الشنط البنيه ........الوي فيتون.........ولازم نصوره طبعا
للتأكيد ها... اها....مكتوب الشامب اليزيه
علشان اني تعبت شويه .......وتعبتني شوفة باريس والشانز
اقولكم ......القاكم بعدين .......وبنفس الشارع .....