ماري ألينا
29-10-2022 - 09:30 am
السلام عليكم
ياليت تدلوني على مقاهي (كافيهات) في الخبر
حلوه وهادئة وللذيذة كافيهاتهم وحلاهم ولازم يكون عندهم وايرلس (انترنت)مجاني
يعني اذا في مجمع قولو اي مجمع وأي دور ويم اي بوابة
واذا خارج مجمع اي شارع بالضبط وجنب اي محل
والف شكر لكم
ودارية أني حاطة سوؤالي في ايدي أمينة وفعالة وسريعة الردود وتبرد القلب
لاهنتو*
يا كثر المقاهي ومن كثرها ابي اتذكر الزين منها ماني قادر ههه
عالعموم أختي ، عندك في مجمع الراشد (مقهى أموري - سيقا الفريدو في التوسعة) ، البوابات في الراشد من كثر ما اروح له ما اعرف له ، بصراحه عجزت احفظ هالمجمع ..
وعندك في مجمع الظهران (مقهى الليوان ، فقط هو اللي فيه خصوصيه) ..
وعندك المقاهي اللي على كورنيش الخبر (في الواجهة البحريه) ، مثل (كاسبن - ومقاهي آخرى بجنبها ما اذكر اسمها بالضبط) ، يعني بالصفه اللي بجنب جرير تقريباً ..
وعندك مقهى أكواب (في فندق رمادا اللي بجنب ابو نواس) ..
وبالتوفيق ..