اعلم انني قد ارهقت جميع موظفي الشو روم في فنادق الخبر
وانهم اصبحوا يعتقدون انني الامير وليام
( مع ملاحظة انني اتعزز منه فأنا مسلم واشرف وارقى واسمى منه )
ندحدر الى صلب الموضوع دايركت ..
عملت مقارنة بين فندق كورال انتركونتينتال ( يا طول اسمه )
وفندق بارك ان .. جميعهم في الخبر ..
حبيت اسأل واشوف الخدمات والغرف عشان احجز لليلة زفافي ان شاء الله
والتي يهمني ان تكون ( اتيكيت )
الموضوع عبارة عن طرح وجهة نظر وان كنت مخطيء فاتمنى تصححون لي
واذا فيه اضافاة او رأي ف ياليت والله
كورال ( 5 نجوم )
بارك ان ( 4 نجوم )
ابدأ ب كورال :
1- الموظف السكيورتي على المواقف الارضية ( صاحب البلاك بيري )
انا : السلام عليكم
سكيورتي المواقف : هلا هلا ( طبعا قاعد يراسل بالبي بي )
انا : لو سمحت انا ابغآ اركن سيارتي عشان اسأل عن اسعار الغرف
سكيورتي المواقف : هاه .. لا لا ممنوع دور وسفط فوق وقلهم هالكلام
انا : ما فيه مواقف فوق الله اكبر يالمواقف ما عندكم مواقف ع الشارع العام
سكيورتي المواقف : هاه .. عاد شسوي لك ياخوي .. دور دور
طبعا رجعت ووقفت جنت بوابة الفندق حالي حال اللي ينزلون شنط خ
وجاني البودي قارد ( محمد علم ) بنقالي يقول سديق ما في كويس كدا
قلت شوي تكفى بس عسرة دقيقة .. قال اه .. يعني موافق
طبعا كالعادة وكما هو معروف هناك بوابة دائرية كهربائية تتحرك بمجرد
ان تصل اليها ..
من قرادة حظي اني استخدمتها .. طبعا كانت موقوفة ( توفير فلوس )
انا افكر انها بتشتغل اذا قربت منها ..
وحياتكم يا هي صفقة في جبهتي ... طع ..
طبعا قمت واخذت شماغي وألتفت يمين يسار اشوف احد شافني ولا لا
تعرفون احراج
غريبة كيف فندق 5 نجوم وبوابته الدائرية مو مشغلينها ؟!
المهم .. رحت الريسبشون .. سألت عن الاكسكتيف سويت ودلوني عليه
وراح معاي محمد علم اللي استقبلني عند البوابة .. هو نفسه يسوي كل شي
طبعا دخلت الجناح .. وهنا كانت الصدمة :
1- المكيف سبليت ( مع ملاحظة انو فندق خمس نجوم )
2- التليفيزيون الموجود في الصالة LCD 32 روعة لكن اللي موجود
في غرفة النوم نفس التليفيزيون اللي نشوفها عن الحلاقين برى
طبعا اختلافي الرأي في نوعية وجودة المفروشات من جنب وفرش وستائر
هي ما راح اذكرها ..
لكن السؤال هل يعقل انو هذا تليفزيون فندق خمس نجوم ؟!
طبعا اتمنى ما ننسى انو محمد علم يفتح الاسنصير ويركب قبلي يعني مافيه
حتى ما عبرني لو ركبت ما ركبت قفل الاسنصير ومشى
الايجابيات
1- بهو الفندق .. حاجة خيالية .. روعة وكأنك في متحف ايطالي ( قوية )
بس جد والله روعة
2- الكوفي وطريقة تنظيمة وجودة مشروباته ايضا روعة ..
3- الهدوء التام وبساطة التنظيم في الممرات مع ملاحظة
فخامة التصميم .. توحيك ان هذا الفندق ( السهل الممتنع )
بارك ان ( 4 نجوم )
قبل اتكلم على هالفندق احب احيي فيصل موظف الاستقبال ذو الابتسامة
العريضة ...
1- يعيب الفندق مكانه اذ يشعرك انك ذاهب الى منزل احد الاصدقاء
اذا استخدمت الطريق الذي يأتي من خلف اكسترا ..
2- موظفي الاستقبال كأنهم موظفي استقبال الطلبات في الهاتف
يعني يقولك تفضل وشوي يسحب عليك كذا عيني عينك
3- الفرش ( الارضية في الغرف ) تجيب الكآبة
الايجابيات :
1- فندق ( للامانة ) يستحق 5 نجوم .. معاملة موظف الشو روم
وليس الاستقبال .. وطريقة تعامله تنمي عن معرفة تامة في العمل الفندقي
2- روعة ألوانه وتنسيقها وكأنك في مزيج من شقق فندقية وفندق
3- نظافة وهدوء وتصميم ممرات خيالي .. بالاضافة الى طريقة تصميم
غرف الكونيكشون والاكسيكيتيف ..
4- يوجد خيارين في جناح الاكسيكيتيف فيه صالة وغرفة نوم
اذا تبي باب بينهم او بدون ع الطريقة المكسيكية ..
الموضوع هذا هو اول موضوع لي وحبيت اشارككم ( بقالب فكاهي ) واتمنى
ان تنوروني ببعض نصائحكم عن هذين الفندقين .. لا خلا ولا عدم
والله يعطيكم العافية