مجمع القولف بجانبه مقبرة

انا سكنت فلل جياكرتا اكثر من مره صراحه ناسبتني وكنا ثلاث اشخاص مثل عددكم
هي عباره عن صالون ومطبخ صغير في الدور الارضي وثلاث غرف ودورتان للمياه اكرمك الله في الدور العلوي وبعض الفلل تكون بالعكس يعني الغرف في الدور الارضي والصالون والمطبخ في العلوي وهذي الفلل الي في اخر المجمع
بالنسبه للمسبح يوجد في وسط الفلل تقريبايعني مشترك ويوجد سور حول المجمع ,وبعض الفلل لها مطل جميل حاول تستأجر الفلل الي امام المسبح تماما لانه لها مطلات جميله من البلكونه
الامن فيها صراحه ممتاز وبالليل فيها سكرتيه يدورو حول الفلل للحراسه طبعا ومن ناحيه الشباب وازعاجهم انته وحظك لانه سكنت فيها مره وكان في الفله الملاصقه لنا شباب الله لا يوريك رقص وطرب وازعاج...... الله يهديهم
وفي اكثر من مره سكنت فيها الحمدلله هدوء وراحت بال يعني على حسب الي بيسكن جمبك لكن الفلل البعيده ان كان فيها ازعاج يادوب تسمعه هذا الي عندي ولك الراي اتمنى لك التوفيق

كلها بنفس مستوى الامان..... واذا تبي الامان اللي عليه الكلام عليك بفلل يانسون... اما شكروا انحش مافيه امان بالمره...
لك ودي...

انا لم يسبق لي السكن بجياكرتا بس سكنت في مجمع القولف بصراحه أعجبني موقعه لكن كان وقتها يدخل الجيش بعد الساعه الواحده ليلاً كانوا يشحدون بس مدري الان هل مازال الوضع زي أول او لا وتحياتي لكم .

Himura-x
اذا مجمع القولف بجانبه مقبره ، اجد وش تقول في مجمع جياكرتا ، مجمع جياكرتا مبني على مقبره .

Falcon_0293
في فله في مجمع افري قرين اسمها (بايو)وهي في اعلى المجمع وبجانبها بيت مهجور سكنت فيها العام الماضي لمدة ثلاثه ايام وكان معي احد الزملاء أحذر من السكن فيها لانها وبصراحه مسكونه كنا نسمع فيها اصوات في الليل وتحس ان فيه احد ساكن معك في الفيلا والاغراض تختفي لدرجة انه كان باب الفيلا يطق علينا اخر الليل وحنا نايمين نطلع مانحصل احد ونروح نصحي الحارس ونلقاه نايم والمطبخ تسمع فيه اصوات ناس تجي ماتحصل فيه احد ومن بعد صلاة المغرب تحس بضيقة صدر الله يكفينا الشر هذا والله ياخوان اللي حصل معنا واللي ماهو مصدق يسكن فيها ويشوف

عندي سوال ياشباب هل هي باحجام مختلفة ام كل الفلل ثلاث غرف
وسوال الثاني كم اسعاره ارخص من الغولف وهل يوجد سفتي بوكس صندوق امانات
ومشكورين على المرور والتعليق