السلام عليكم ورحمة الله وبركاته /
اليوم كان موعدي في القنصلية الأمريكية في الظهران ، الإجراءات كانت بسيطة وعادية الموظفين كان تعاملهم جيد و لطيف بصراحة
سويت المقابلة ، مع إنه ناقصني I-20 ، عطاني ورقة وردية وقال
لي إذا جاك الاي توني ادفع السيفيس وقع الاي توني وارسله لنا ؟!
مع أنه مكتوب في الورقة الوردية إنهم راح يتصلون علي خلال 3 - 6 اسابيع
سألني ليش ما كملت في الجامعة ؟ إذا رجعت السعودية أي شركة
تتمنى تتوظف فيها ؟!
مع العلم إني عندي سفرة لإيران ؟
خبراء الورقة الوردية يا ليت يخبرونا كم أنتظرو عشان تتصل فيهم السفارة ؟
وهل معنى الورقة الوردية يعني هم موافقين على الفيزا لكن فيه نواقص وإجراءات إدارية ؟
هل هناك ورقة وردية وأخرى حمراء أم ماذا ؟
هنا شرح للخطوات اللي راح يمر فيها اللي في قنصلية الظهران
أول خطوة هي التفتيش المبدأي وهو تفتيش عادي و روتيني
بعدها تمشي ويجيك شباك عند موظفة سودانية ، تشيك الأوراق بعدها فيه رجل أمن بيمسح على يدك بورقة تتنظر شوي
بعدها تدخل الغرفة فيه جهاز تمر في الجهاز وتمشي
بعدين تروح تسير قدام وبيجيك في وجهك مبنى اسمه القنصل العام ، تدخله
تأخد رقم و تجلس تتنتظر ينادوك على عشان يتأكدون من الاوراق ، تجلس بعدها راح تناديك نفس الموظفة
عشان تبصم ،
تجلس شوي وينادوك ل المقابلة ،
الامور عادية وسهلة لكن خليك واثق وخلاص ، الجو العام إيجابي
وهل هناك فرق بين الورقة الحمراء والورقة الوردية ؟؟
وشاكر لكم تعاونكم ..
مقابلتي كانت في الظهران يوم 1/6/2009