بعد ما قريت مواضيعكم اقنعت الوالد نروح اسبوع لبانكوك و حجزنا 3 ليالي في بانكوك وبعدها 3 ليالي في فوكيت ماشين انشا الله يوم الثلاثاء هذا يعني تكفون الفزعههه ............السالفه انها ذكرى زواج الوالد والوالده و هم كبار شوي بالسن وعندهم مشاكل بالركب الله يساعدهم والمشي يتعبهم !! مسويه لهم مفاجئه بالطياره طبعا ما يدرون والوالده ما تدري ..لو تدري رايحين بانكوك قلنا لها فر ايست يمكن مو اكيد المهم ( ودي اشتري هدايا للاحفاد و خواتي والناس اللي كل سفره يشترون لهم مع مراعاه انهم ما يقدرون عالمشي يعني مولات كويسه .. عشان ما تقولون اقري المنتدى انا فصفصته بس في وحده تكلمت عن اسواق الجمله ما حصلتها و الماركات التقليد كل واحد يقول يغشون اللي المكان الفلاني مدري وش فيه ساعدوني
الحين:
1- ودي اروح السوق اللي يقولون عنه بالليل بس.. الوالده لو تشوف شي ما يعجبها بيجي على راسي وش رايكم وش انسب وقت و وش المحلات الكويسه عشان الدوره ما تتعبهم!
2- في وحده ما اذكر ميين قالت في محل يبيع بجايم لدبنهامز و بي اتش اس و محل ملابس بالجمله..نسيت وش اسم المحل اللي قالت عليه يا ليت احد يساعدني
3- احسن محلات العود كثير قالوا مغشوش و ما ادري وين احسن محل
4- المولات واجد و ما اعتقد اقدر ادورهم معهم الوضع ما يسمع وش تنصحوني لمولات فيها ماركات تقليد او حتي مولات باسعار كويسه
طبعا لا تظلموني تقولون السفره لك موب لهم لوول بس هم يحبون يشترون هدايا عشان كذا رايحين بانكوك و بعدها فوكيت مدري بوكيت للاستجمام
و شكرا
يا ليت تردون علي قبل الثلاثاء الله يجزاكم الجنه