ياهلا ومرحبا
قولي يالغالي اول عشان اساعدك أكثر ..

• شنو تحب في السفر .. ؟
• التسوق أو الاستجمام او الاستكشاف ؟
• تحب المناطق الجبلية او الساحلية ؟
• شكثر راح تودي معاك ( فلوس ) .. ؟

وبث

يا هلا ويا مرحبا فيك اخوي Doha Land
اول شي احب اشكرك على الرد

• شنو تحب في السفر .. ؟

كل شي يعني بالعربي الفندق حق الشنط والارقاد

• التسوق أو الاستجمام او الاستكشاف ؟

اكيد ايش احسن الاسواق وايش المناطق الي تنصحني اتعرف على اشياء جديده اول مره الواحد يشوفها

• تحب المناطق الجبلية او الساحلية ؟

ممكن افظل الساحليه على الجبليه بس هذا مايمنعني ان اقولك اني ماحب الجبليه ... اكيد حلوه بعد الجبليه

• شكثر راح تودي معاك ( فلوس ) .. ؟

والله الحمد لله الميزانيه حلوه بس مب حاطها كلها تعتمد على المده يعني تنصحني كم يوم اجلس وكم صرفيت اليوم او الاسبوع احسبها حق شخصين لان الي معاي محمول مكفول من شرووط المرافقه
واخر سؤال
شلون البلاد الشهر الجاي تنصحني اروح ولا في الصيف احسن
بيني وبينك الزحمه مب شي ماتستانس
واسمحلي اذا طولت معاك....
أخوك
قطري9

من أجمل الجزر جزيرة فوكيت و مدينة hat yai هتشاي
هتشاي أرخص بكثير لأنها على الحدود الماليزية و أغلب السياح من ماليزيا ساعتين بالسيارة من بينانق
أفضل فندق فيها هو Regency موقعه ممتاز بجانب مركز التسوق و المنطقة كلها تجارية يعني كل شئ
على رجلك نهار و ليل و يوجد في هتشاي شلالات جميلة تقريبا نص ساعة من الفندق كما يوجد بها شاطئ
جميل و سوق ليلي قريب من موقف الباصات تجد فيه المشغولات اليدوية
أما بوكيت فما ادري وش صار فيها بعد الفيضانات لكن فيه فندق رخيص و موقعه استراتيجي على شارع
bangla road اللي هو الشارع الرئيسي و اسمه ps hotel و سعره مابين ال 100 الى 120 ريال
شوفه على هذا الموقع http://www.pshotel.com
اما اذا تدور على فندق أغلى شوي هوليدي ان على الشاطئ تماما بحدود 300 ريال الليلة
و المريديان روعة بس بعيد جدا نص ساعة بالسيارة لباتونق
في باتونق لا يفوتك عرض فانتازيا فهو مذهل عبارة عن show مع بوفية مفتوح
عندهم مساج مشهور في باتونق الساعة ب 100 بات فيه سونا تختار نوع العطر قبل ماتدخل
و مسبح طبيعي و مساج على أصوله في صالة كبيرة فيها يمكن 20 شخص بس نسيت اسمه
قدام ال ps hotel فيه مطاعم سمك كثيرة يفرق السعر النص عن اللي على الشاطئ و السمك كله فريش
بس جرب شربة التوم يم و اذا ماتحبها حارة قول لهم من بدري تراهم يموتون في الفلفل
في بوكيت تاون فيه ocean plaza مركز تسوق كبير له فرع في باتونق بس صغير و اذا حبيت تشتري
لاتشتري من باتونق روح لبوكيت تاون السعر يفرق كثير
أما الجو فبامكانك تشيك النت قبل ما تروح
أنصحك بزيارة بوكيت و هتشاي و ان شاء الله تكون المعلومات مفيدة