هذي مغامرات صارت لاخوي وصديقه سامي في مصر من 10سنوات
حبيت انقلها هنا ..على حلقات واذا هذا مهوب مكانها
اتمنى نقلها للمكان اللي تبون ...(ولو ان الجو هنا ابرد :101
وان كان فيها مايسئ اويغضب احد اتمنى ان تقشعوها بلا رحمه
القصه على لسان اخوي بتحريف بسيط من الريم:
في البداية قررنا انا وخويي "سامي" نسافر لبريطانيا
بس قلنا بنجرب بعض في مصر ان صلحنا لبعض رحنا
لبريطانيا وابيكم انتم تحكمون نصلح لبعض والا لا
القصة :
سامي بالسيارة : طيط طيط ياخي عجل اخرتنا بتقلع الطياره عنّا
سهم : ياخي اصبر وجع .. يالله مشينا
سهم : اصبر اصبر ارجع نسيت جوازي
سامي : لحول الشرهه على الي يسافر معك مرة ثانية
سهم : من زينك انت وجوازك اللي توك لاقيه في القبو
سامي : عجل علينا بس .. حول
سهم : طيب
سامي بالمطار : زين باقي ثلاث ساعات
سهم : ومزعجني عجل.. عجل وبالاخير باقي 3 ساعات
سامي : لاني أعرفك بتنكبنا بشي مدري وشو علشان كذا قلت نجي بدري
سهم : اقول مشيتا خلنا نخلص التذاكر والجوازات وبعدين نتفاهم
موظف المطار : جوازاتكم لو سمحتوا
سهم : انا عطيته جوازي عطه جوازك يا سامي
سامي : وينه ما لقيتة .. اظاهر نسيته
سهم : والله اني داري ما وراك الا الدجه انت وجهك .. وتطنز فيني بعد
سامي : ياخي وش يدريني جل من لا يسهو
موظف المطار : اقول ورا ما تهاوشون بعيد فيه بعدكم ناس
جبنا الجواز ورجعنا للمطار
سامي بالطياره : الله حلوه طيارتهم
سهم : اي والله بس وراهم قالعينا ورا
سامي : شكلي بروح قدام الطياره فاضية .. تجي معي
سهم : أخاف يهاوشونا
سامي : لا يا رجال لا تخاف انا معك