1. بسم الله الرحمن الرحيم


2. فالى الحلقه الاولى


3. دخلنا النشط ووصل الوزن 60 ك وماقالو شي توقعت يكون العفش زايد........


4. هذي صورتي بالمطار


5. وختمنا الجوازات ولاحظت أنهم يدققون كثيرا على القادمين


6. مين تتوقعون؟؟؟


7. مافتحت الباب وسالت مين قال انتو مين؟!؟!

بسم الله الرحمن الرحيم

أعزائي أعضاء المنتدى الغالي بصراحة شجعني على كتابه أحداث رحلتي هدا المنتدى وأعضائه الكرام لأني عندما أردت السفر للقاهرة بحثت عن معلومات استفيد منها وتختصر وقتي وفعلا وجدت الكم الهائل من المعلومات والصور بهذا المنتدى والمشرفين ما قصروا والأعضاء كذلك فلهم مني كل الشكر والعرفان:x1:.....
ولكي يستفيد غيري كما استفدت فقد قررت نقل التجربة لكم بدقه لعلها تكون مميزه ومثيره ومفيدة وجذابة وان انجح في نقلها لكم بأسلوب مميز....

فالى الحلقه الاولى

بما أن الرحلة على الخطوط السعودية رقم 313 تقلع س 2,55 فصحينا الساعة 10 وافطرنا عالسريع وحملنا النشط بالسيارة (طبعا شنطتي صغيره أما المدام فنشطتها مشاء الله تزن 50 كيلو وأنا انزلها ضلوعي حسيتها طقطقت وأنا قايل لها خففي قدر ماتقدرين شكلها ماخلت شي )بس بصراحة ماقصرت بنت الحلال سوت كل شي لأني قلت لها أنت مسؤله عن كل شي بالرحلة ابتداء من اختيار الفنادق والمطاعم والأماكن ( كلها مشتاقة لك ) ...............الخ ((لأني رجل ديمقراطي ومن المؤيدين لإعطاء الثقة للمرأة ومنحها فرص الإبداع والتحمس لإثبات النجاح )) ..(بس ترى الحريم مثل الأصابع ماهي سواء))
وفعلا كل ماجي للبيت عيونها مسمره بالنت تبحث وتقرأ ولما تلاقي شي تتحمس وتقعد تشرح لي ((لان وراء كل أمراه عظيمه رجل عظيم مثلي))بلا فخر..
طبعا بعد كدا فصلت البطارية حقت السيارة وهدا أمر يغفل عنه الكثير من المسافرين ((حتى لاتفضى البطارية))استفيدوا من خبرتي...
بعد كدا طلعنا للمطار مع قراءه دعاء الخروج ........
ولأنني قاص البوردنق وفرحان توقعت إني ما أطول ولكن مااستفدت لأني وقفت بالصف مثلي مثل غيري ..

دخلنا النشط ووصل الوزن 60 ك وماقالو شي توقعت يكون العفش زايد........

هذي صورتي بالمطار

بعد كدا رحنا صالة الفرسان وفيها مالذ وطاب من المأكولات والمشروبات والانترنت وبعد القهوة والتمر دخلت زوجتي للمنتدى تبي تشوف ايش صار على موضوعها اللي نزلتو قبل هذا الموضوع اللي كانت تبغى المساعدة بترتيب الأماكن ولكن الموضوع تأخر مانزل .......
في الساعة 2,30 فتحت البوابة 27 وطلعنا على درجة رجال الأعمال (الأفق)
وأنا اتقهوى
وهذه صوره للأكل الذي قدم والعصير
وأنا والمدام إدمان تصوير حتى المضيفة لما جاءت تاخد الأكل قلت لحظه ثم صورت الأكل فضحكت واستغربت
صوره قبل وبعد
الساعة 5 نزلنا تحت نصلي بالمسجد وشفنا زحمه درجه الضيافة والضيق فحمدنا الله على توفيقه
ورجعنا وشرينا بعض من المعروضات اللي بالطائرة ((الحريم مايفوتون التسوق حتى بالجو))..
وصلنا بحمد الله الساعة 5,45 مساء ولكن تفاجآنا بالمطار فديكوراته أقرب للمسلخ منه للمطار للأسف مطار يصله الملايين سنويا وهو بهذا الشكل؟!؟!؟.......

وختمنا الجوازات ولاحظت أنهم يدققون كثيرا على القادمين

كان الجو رائعا جدا درجه الحرارة 22 صلينا المغرب والعشاء بعد كذا استقبلنا الخال (أبو المدام) وذهبنا لشقتهم بمصر القديمة على النيل ثم ذهبت أنا وخالي لمشاهده الشقة في المعادي ولم تعجبنا ثم رجعنا للشقة وتقهوينا وذهبنا لمطعم صغير اسمه شاميات لارين أمام النيل ويطل على الفورسيزون..
وبعدها ذهبنا لشقه واحد صاحبي قريبه من شارع فيصل وأعجبتنا كونها جديدة وتأثيث شخصي ودخلنا الشقة الساعة الواحدة بعد منتصف الليل وبعدما ذهب وكيل الشقة وقررنا النوم فجاءه يرن الجرس ؟؟؟؟؟؟؟؟؟

مين تتوقعون؟؟؟

مافتحت الباب وسالت مين قال انتو مين؟!؟!

قلت أنت اللي جاي أنت عاوز أيه؟ قال أنا البواب ههه فتحت وسلمت عليه ولاحظت عليه الخوف والقلق وسألني كيف دخلت الشقة فقلته إني صديق صاحب الشقة وأثناء الحديث انطفأ الكهرباء وشوي الا المدام وراء الباب من الخوف وطمأنتها وبعدها ولع الكهرباء وشوي الا ولد البواب طالع الدور الثامن عندنا من الدرج وبيده مصباح وعصا غليظة وقال انه باقي الجماعة عند الباب بتاع العمارة وقفلوه ينتظرون حد يهرب ولما سألتهم ليش؟! قالوا ان الجيران خبرونا انه رجل وأمراءه دخلوا الشقة ؟!
ولأننا لم نبلغ بدخولنا فخافو أننا أغراب ثم اعتذر وذهب .
وغدا ترقبوا حلقه الحسين والموقف الطريف.....
انتظر الردود والتعليقات .........................
عفوا : كنت حاب انزل صور بس كل مااحمل يظهر لي ان(( الامتداد ليس مطابق للمسموح به )) ياليت احد يساعدني..مالعمل؟!