هل تقصد المحلية اي بلدك الأم ام رخصة من اميركا

يقصد المحلية .. الي من البلد ..
بس بعض المخالفات تقدر تسددها عن طريق الانترنت .. ما ادري ما كتبوا طريقة تسديد المخالفه عن طريق الانترنت .. او عن طريق ارسال شيك على عنوان مكتوب في المخالفة ..

طيب في هذا الصدد هل من الضروري استخراج رخصه دوليه ولا الرخصة المحلية تسد !! حسب ما افادني احد الاصدقاء ..

اذا ما سددت في الوقت المحدد يصير عليك تعميم زي ما نقول
في حالة ان وقفك احد رجال الشرطةفي نفس الولايه راح يبين معاه انك مطلوب لتسديد المخالفه ومحكمه مروريه وسالفه
اما انك تسدد وهذا رايي او انك تغير اسمك بالجواز وادخل موال طويل
انا وقفني شرطي مرور بسبب السرعه وما قال شي عن رخصتي على ان رخصتي ماهي دوليه
بس طلب جوازي وما خلاني اروح ما فكوني الا بالمحكمه بعد ما دفعت المخالفه هناك ولو ماكان عندي قيمة المخالفه راح يحطوني بالحجز لين ادفع
لانهم يقولون ان سرعتي كانت 48 ميل اكثر من الحد المسموح به وهو 75ميل
عشان كذا صار لي هالفلم الدرامي
وترى المحكمةعندهم بسيطه وشغل مرتب لا تتوقع انها شي مهول زي اللي عندنا وعسكر وسالفه
ابد مبني عادي وكاونتر استقبال تعطيهم المخالفة وتسدد عندهم ببطاقة بالفيزا او اي طريقه ثانيه
واذا تبي تعترض على المخالفه او زي ما نقول نجحد من حقك وتاخذ موعد للمحاكمه وتجيب محامي اذا استدعى الامر
بس وانا اخوك لا تضيع وقتك سدد واشتر وقتك وعيش حياتك
دفعة بلا
وبالتوفيق

المحلية اقصد رخصتك الاساس اللي طلعت فيها الدولية
السعودية الكويتية الاماراتية وكذا
fms عطيت المخالفة لشخص مازال في اورلاندو مع الدراهم وان شالله يسددها وتنتهي المشكلة
المطار الرخصة المحلية اذا كانت باللغة الانجليزية ممكن تنفع بس الدولية ماتنفع ابدا
ابو يارا مشكلتي ان المخالفة الثانية حقت الرخصة فيها محكمة ولازم حضور اعتقد وانا حاليا خارج امريكا
بس ماكان في المخالفة اي مبلغ مكتوب بعكس مخالفة الرخصة كان محدد المبلغ وتاريخ التسديد
مادري وش الحل
والان انتظر صديقي يقولي بعد مايسدد المخالفة وش راح يكون مصير محاكمة المخالفة الثاني
الله يستر لا يقول لي لازم يحضر ومعاه الرخصتين

راجعهم صديقي
عطاهم المخالفة عشان التسديد
كان مكتوب بالمخالفة 146 دولار
المفاجئة ان الموظفه قالت ان المخالفة الي الحين ماتسجلت في الكمبيوتر و الشرطي الي كتب المخالفة غلطان في المبلغ المذكور
لان السرعه كانت 75 والسرعة المحددة 55
في هذة الحالة يكون المبلغ اكبر من المذكور
وقالت عندك حلين اما انك تراجع نفس الشرطي اللي كتب المخالفة
او تدفع
وبالنسبة للمحاكمة راح اقولكم بعدين وش مصيرها

المخالفة اللي اخذتها ما كان محدد فيها مبلغ المخالفة بس كان كاتب السرعة الزايده فوق السرعة المحدده
بس الشرطي :11sted_co قال لي انها 600 دولار:55654:
بعد ما وصلنا المحكمة قالوا لنا تبون تسددون وتتيسرون او تبون تدفعون قيمة المخالفة وتطلبون محاكمة وتاخذون موعد وتجيبون محاميكم اذا استلزم الامر ومن الممكن ان
ينظر في قيمة المخالفة؟
قلنا ندفع ونتيسر قالوا ان المخالفة قيمتها 562 دولار لكل سيارة لاننا كنا اكثر من سياره صادونا بالجمله
بس واحد فلت
طبعا دفعنا :36_1_42: ولا عاد اسرعنا :36_7_14:
علمني وش يصير معاك
عسى ربي يسهل امورك

أخ الوهم
بالنسبة لكاليفورنيا و نيويورك
أنا سعودية .. بس أملك رخصة أماراتية , و مطلعة رخصة دولية من دبي برضو ..
سبق إن استاجرت و سقت في كاليفورنيا و نيويورك
وحدة من الصيفيات سقت بالرخصة حقة كاليفورنيا اللي تنتهي صلاحيتها بانتهاء الفيزا
والصيفية اللي بعدها سقت برخصتي الاماراتية الدولية
و الصيفية اللي بعدها سقت برخصتي الاماراتية اللي موب دولية
و زوجي استاجر و ساق بنفس هالولايتين بالرخصة السعودية

لاحظت بأمريكا أن الرخصة الدولية مالها معنى .... أهم شي ان الرخصة السعودية اللي معك تكون الجديدة (مترجمة) أو قديمة ومترجمة من ورا .... آخر مرة رحت لامريكا ما معي رخصة دولية ... واستاجرت سيارة عادي بالرخصة السعودية بس كانت مترجمة
ولو قريت الدول الموقعة على اتفاقية الرخصة الدولية ... ما راح تلاقي أمريكا من ضمنهم