بالتوفيق اخي الكريم وانا ايضا سوف اذهب لها ايضا هناك موضوع عن الرحلات باسمي وموضوع اخر ايضا سوف اضع لك الرابط سوف تجد فيه اجابات عن اسئلتك بحكم اني سئلت عنها وراح تفيدك ان شاء الله
واتمني معرفه اي مدينه في نورث كارولينا سوف تسافرون لها انا رايح رالي ودورهام
تفضل المواضيع بالاسفل واي خدمه الكل ماراح يقصر ان شاء الله
https://artravelers.com/p/re/50467
طبعا بعد شكر الله احب اشكر جميع الاخوان الي ردوا علي واجابوا بكل محبه وكرمه وطيب خاطر وحب مساعده للجميع وهذا طبعهم في هالمنتدي الطيب وليست مجامله

الف شكر ابو فيصل جزاك الله خير...
وانا في انتظار المزيد من المعلومات عن السكن واللي عنده ىصور والمولات الموجوده..
اكرر خالص شكري وتقديري...

1. السلام عليكم

السلام عليكم

بالنسبة لنورث كرولاينا هي ولايه كبيره فيها عدة مدن المشهوره فيها ( رالي وهي عاصمة الولايه , دورهام , كاري , شارلوت, ولمنقتاون وغيرها من المدن )حسب علمي مصانع الأثاث في منطقه تسمى بالروكي مونتن وهي ليست الروكي مونتن المشهوره وتبعد عن رالي مايقارب الثلاث ساعات وحسب ماأعرفه من الناس الموجودين هناك ان هذه المصانع شبه انقرضت والسبب ان اغلب المصانع اتجهت للصين طبعآ لرخص العماله هناك ولكن مايمنع من المحاوله والتأكد اكثر اذا رحتوا هناك. بالنسبه للأكل الحلال فهو متوفر بكثره في اغلب المناطق وان كانت رالي اكثر لوجود الجاليه العربيه فيها بكثره انا مااشتري الا من رالي اذا كنت هناك مع اني اسكن في دورهام وتبعد تقريبآ ربع ساعه عنهم .وايضآ يوجد مطاعم عربيه بس السعر دبل .كل منطقه فيها مولات ومحلات مشهوره يعتمد وين تسكن في دورهام فيه( النورث قيت & والسوث بوينت ) في رالي يوجد ثلاثه مولات ( كربتشر والباقي والله نسيت اساميها مع العلم اني انا والعائله مطيحين فيها على طول) بالنسبه للسكن يعتمد على اي مدينه رايحين طبعآ مافيه شقق عندهم نظام الكمب بس حلوه واشرح صدر وايضآ عندهم نظام كم المده اذا مده طويله يعني بالشهور فيها كمب لها واذا مده قصيره فيه كامب يحاسبك باليوميه والله يعينك على السعر ( اذا المده طويله 3 شهور فما فوق يطلع عليك اليوم تقريبآ 60 دولار والمده القصيره اسبوع وعليها يطلع عليك اليوم 90 - 100 دولار ) فيه الفنادق وطبعآ نظامها معروف باليوم . انا انصحك بأيجار سياره لان مناطقها بعيده ومتفرفه تحتاج سياره وأفضل من التكاسي مع العلم ان اكثر سواقين التكاسي عرب ومن السودان بالتحديد . الجو في الصيف حلو الحراره توصل20 -25 في النهار والمطر ماشاء الله بكثره .انا من السعوديه واروح هناك كل سنه لمدة 4 الي 5 شهور الصيف لعلاج أولادي ومستعد لأي خدمه ومعلومات اخرى. ابونواف

شكرا جزيلا أخ ابو نواف والله يعطيكم الصحة والعافية ودعائي بالشفاء العاجل ان شاء الله .
معلومات جيدة ..الف شكر.

الاخ العزيز ابونواف شكرا للاضافه المهمه والمعلومات القيمه والله يشفي اولادك وجميع مرضي المسلمين اللهم امين
هل تنصح بالبقاء في رالي حتا لو عندي دوره في دورهام لانه مبين المسافه مو بعيده بالسياره
احسست انه رالي اشرح واحسن والظاهر انهم رالي ودورهام مدن صغار ... لو تقارنها باحد مدن السعوديه حجما وسكان مثل ايش من المدن المعروفه الدمام الخبر مثلا الرياض او جده ؟؟
هل استاجرت سياره انا ادور علي شركه تعطي سعر كويس وسيارات زينه مادور سياره صغير ادور اربع ابواب تحت ال 45 دولار
واخر شي هل جربت الهولندي وخطوط نورث ويست ؟
مع الشكر الجزيل مره اخري لك وللجميع
معليش اخ كريستال قطينا بموضوعك

اشكركم على مشاعركم.
اخوي ابوفيصل نعم رالي ودورهام قريبين من بعض وتقريبآ نفس الشئ تعتبر من المدن الصغيره وصحيح رالي اشرح شوي من دورهام ويقولون السكن في رالي ارخص من دورهام مع ان رالي هي العاصمه ولكن دورهام فيها الجامعات ومستشفى جامعة دوك والمشهور عالميآ والناس تجيه من كل العالم للعلاج والدراسه .المسافه تقريبآ عشر دقائق بينهم وانصحك تستأجر سيارة افضل لك.فيه في دورهام فرع لشركة Avis يديره واحد باكستاني بس يعجبك يعطيك افضل وارخص سعر اسمه شابيير مكتبهم في المدينه قريب من مول النورث قيت ولهم مكتب في مطار رالي بس رح للباكستاني افضل انا كان معي جيب فورد اكسبلورر موديل السنه ايجاره 40 دولار في اليوم . احنا نروح على Aa امريكن ايرلاين انا من الناس اللي مايحب يطير 13 او 14 ساعه متواصله وبعدين عندي العيال مايتحملون يعني لازم ننزل ونريح 4 ساعات ونطيرعلشان كذا نطير ( الدمام - دبي - لندن - رالي ) مطار رالي ما يعتبر مطار دولي مع العلم انه تنزل فيه من لندن ولازم تأخد تصريح من السفاره وحسب الظروف اللي عندك احنا عندنا تصريح علشان حالة الأولاد . يمدحون طيران الأتحاد والسعودية حلوه انا جربتها مره بس زي ماقلتلك الطيران المتواصل يتعبنا .

السلام عليكم اخوي ابو نواف شكرا جزيلا على المعلومات ..بس حبيت استفسر عن السكن ايش تقصد بالكمب هل هو موتيل او منتجع او شبه منتجع اللي يسمونه تايم شير واذا عندك عنوان أو سايت او موقع على الانترنت تقدر تعطينا اياه اكون شاكر لك.............
اخوك كريستال.

1. lc405

lc405

اخونا العزيز ابونواف سلمه الله معلومات وافيه مهمه وانا احب هالنوع من التفاصيل بالنسبه للسياره نفكر تفكير جدي في اخذ السياره ولكن هل الاخ الباكستاني لايزال موجود هناك راح ناخذ سياره من المطار لان اول اقامه لنا بتكون في رالي لمده اسبوع ومن ثم دورهام ولكن انطباعك عن رالي خلانا نفكر انه نجلس كل المده في رالي مانبي يضيق خلقنا واحنا ماعندنا وقت فاضي الا بعد العصر كل يوم لذلك احساسي يقول ان رالي من كلامك احسن لتقضيه الوقت وخصوصا المسافه قريبه بينهم
1- شلون زحمة الطرق في الصباح وبعد الدوام ؟ بين رالي ودورهام
2-ياريت تكتب لي الله يسلمك اسماء المولات بالانقليزي مع نبذه عن ميزه كل واحد
3- مطاعم تنصح فيها من تجربه سابقه لك
4- اماكن لتقضيه يوم كامل خلال الويك اند (ماعندنا الا 3 ايام وسوينها سالفه
5- اسماء كم فندق اذا سبق لك سكنت فيهم في رالي خصوصا وتنصح فيها حاليا حاجز في هوليدي ان في رالي ودورهام بسعر متوسط حوالي بين 105 ايام الويك اند و 155 في الايام العاديه مع الافطار
وفندق دورهام ارخص شوي بين 81 - 118 في اليوم والسبب في اختيارهم كان اقرب مسافه لمكان الدوره
لذلك اذا فيه فندق حلو حتا لو ابعد بشوي خصوصا مع وجود السياره وتنصح فيه راح نغير له
معليش ارد علي كريستال الكمب الي يقصده اخوي ابونواف زي المجمعات الخاصه الي عندنا بوابه وحراسه وراحة بال وفيه ملاعب وخدمات خاصه بالي يسكنون هناك وكثير من الاهل الي يسافرون لمدة طويله يسكنون في هالنوع من السكن حتا لو كان غالي بس يستاهل واكيد اخونا ابو نواف عنده تفصيل اكثر
تمنياتي مره ثانيه ودايما لك ولابنائك ولكل مرضي المسلمين بالشفاء اللهم امين
والف شكر لطيبك وكرمك مع اخوانك وانا رايح اخر شهر مايو اي خدمه اخوك بالخدمه من هناك مايردك الا الخاص

1. السلام عليكم اخواني الأعزاء


2. هذا اللينك لشركة توفر سكن في اغلب مدن امريكا


3. http://www.oakwood.com/location_search.jsp


4. crabtree valley


5. triangle town center


6. north gate


7. south square

السلام عليكم اخواني الأعزاء

اولا ارد على الأخ كريستال بالنسبة للكمب نعم مثل ماقال اخوي ابوفيصل هو عباره عن مجمع سكني عباره عن بيوت غرفة وغرفتين وثلاث غرف بعضها لها بوابه خاصه وبعضها مدخل ولكن بدون بوابة . انا اسكن في دورهام وفي north pointe commons وهذا السكن يقبل المده من 3 شهور فمافوق اما بالنسبه للمده اقل من ذلك مره سكنت في Sunlight Drive

هذا اللينك لشركة توفر سكن في اغلب مدن امريكا

http://www.oakwood.com/location_search.jsp

ماعليك الا تكتب المدينه اللي بتروح لها وراح يعطيك كذا سكن بالأسعار والصور والتفاصيل وتقدر تحجز عن طريقهم. ولو تقولي اي مدينه بتروح يمكن اقدر اخدمك لي معارف واصحاب تكاسي هناك نقدر نكلمهم ويحجزون لك ويستقبلونك في المطار اذا حبيت.
ابو فيصل كيف الحال نعم شابيير الباكستني موجود الي الأن وهذا ايميله تقدر تحجز عن طيق الأيميل
XXXXXXXXXXXXXXXXX
اخي الكريم تمنع سياسات المنتى وضعى الايميلات في الردود !!
ولك جزيل الشكر ... مع تحيات مشرف البوابة
اعتقد يقدر يحجز لك وتستلمها من المطار وألا خذ تاكسي للفندق اللي بتسكن فيه ورحله ثاني يوم . الطريق زحمه في الصباح من رالي الي دورهام ومن الساعه 4 الي 5 مساء من دورهام الي رالي وزحمه زحمه من جد .
المولات في رالي اثنين

crabtree valley

triangle town center

وفيه سوق حلو عباره عن محلات وكوفي شوب وسوبرماركت وسينما على طريق رالي دورهام على طريق السبعين نسيت اسمه بس هو اول طريق رالي قريب من المطار مره حلو وفيه مطعم عربي وايضآ نسيت اسمه ولكن بتعرفه من شكله وصور الأكل اللي معلقه بر المطعم .بعده بتقريبآ واحد كيلو مدينة العاب. في دورهام برضه مولين

north gate

south square

في الويك اند صراحه مافيه اماكن عندهم غير المولات والحدائق احنا نطلع بر المدينه نروح البحر ويبعد عن رالي 3 ساعات او نروح واشنطن وتبعد عن رالي 4 ساعات او اي ولايه اخرى . فنادق في رالي او دورهام ماجربت ماعندي فكره عنها ولكن الفنادق اللي سكنتها في امريكا كلها حلوه ومرتبه ونظيفه .انا مطيح عند( العم ناصر) مصري صاحب مطعم بيتزا اكله حلال ومره حلو ورجل ولا كل الرجال يحب العرب ولا يستغلهم مثل الثانيين الأكل عندهم ثلاث اضعاف السعر بحجة اكل حلال اسم مطعهم احب نييورك بيتزا وقريب منه محلات وسوبر ماركت wall mart .
هذا اللينك http://www.ibadarrahman.org/index.php لموقع المسجد في دورهام فيه معلومات عن مواعيد الصلوات وفيه من الأختيارات muslim businesses فيه محلات ومطاعم وخدمات اخرى من ضمنهم شابيير صاحب ايجار السيارات عناوينهم وارقام تلفوناتهم وطرق الوصول اليهم
ان شاء الله اكون وفيت ومستعد لا اي شي ثاني وشكرآ
على فكره انصح اي واحد فيكم اول مايوصل يشتري شريحت تلفون من هناك .