هلا باخوي
انا قمت برحله من مدينه بورتسموث الى مدينه افي مو للتزلج وشوف الموضوع بالصور اللي انا كاتبه عن قريه آفي مور للتزلج باسكوتلاند
بالسياره واستغرقت الرحله تقريبا 10 ساعات بدون توقف
مع العلم بورتسموث جنوب لندن ساعتين على البحر
بس انا ابي منك شنو تبي اسماء الطرق ولا تبي المدن اللي مريناها ؟
عندي لك جوابك بالتفصيل

كيف الحال، ما عليك امر عندى بعض الاسئلة على رحلتك، من وين اجرت السيارة وبكم؟ وهل قعدت فى اى بلد من اللى مريت عليهم فى الطريق؟ انا فكرت اسوى هذى الرحلة لمدة اسبوعين، ابدى من لندن واقعد يومين فى كل من بيرمنجهام ثم شيفيلد ثم لييدز ثم نيوكاسل ثم ادنبره ثم جلاسكو بعدين فى الرجعة اقعد يومين فى بحيرات ليك ديستريكت ثم فى بلاكبول ثم اعود الى لندن، فهل عندك معلومات مفيدة اكون شاكر لك

هلا بواخوي اعشق السفر
السياره اللي عندي سيارتي انا شاريها مو مأجرها
كل المدن اللي ذكرتها ما مريت عليها بس مريت على قلاسقو وادنبره ......... وعلى طريقك مدينه مانشستر سيتي حلوه وكبيره ومريت بعد على بلاك بول
انا انصحك بعد لندن روح برمنجهام ورح مصنع الكادبوري للكاكاو مصنع كبير ويورونك داخله كيف ينصنع الكاكاو طبعا شي خيالي السياحه داخل مصنع الكاكاو وبعدها روح للمانشستر اهي اقرب مدينه بعد برمنجاهام وبعدها روح قلاسقو واخذ اكبر وقت فيها لانها احلى مدينه في اسكوتلاند وبعدها روح شمال ساعتين تلقى قريه اسمها افي مور جنب مدينه انفرنيس باسكوتلاند هذي القريه بالشتا تزلج على الثلج اما بالصيف تاجير بقيات داخل الغابه وتسلق الجبال بالحبال او بواسطه المشي وصيد السمك وناهيك عن البحيرات اللي جنبها اللي تقدر تاجر قارب ووتستانس انت واللي معك وجنبها بحيره اللوش او بحيره التنين بعد منظر حلو وبعده ما تخلص من القريه ارجع ساعتين على ادنبره وتمشى فيها وبعدها ارجع على بلاك بوك
وعلى فكره بلاك بول تبعد عن مانشستر سيتي ساعه فقط
واي سؤال ثاني حاضر

اخوى حلو يا انا شاكر لك كل المعلومات المفيدة ويعطيك الف عافية

ياجماعة ابى معلومات اكثر عن رحلة بالسيارة فى الريف الانجليزى من لندن لاسكتلندا ومعلومات تفصيلية عن المدن التالية اللى مقرر امر عليها بإذن الله برمنجهام - شيفيلد - لييدز - نيوكاسل- ادنبره - جلاسكو - ليك ديستركت - بلاك بول، من الناحية التالية : الموتيلات - اماكن الزيارة- اى مناطق قريبة منها او حولها تستاهل الزيارة- اقتراحات لمدن اخرى فى الطريق ممكن ازورها - ياريت عدد الساعات بالسيارة بين كل مدينة والثانية - اى معلومات اخرى مفيدة.... ولكم كل الشكر وياريت بسرعة شوى جزاكم الله خير

اعشق السفر
تكفون ياجماعة نحن على أحر من الجمر

تجربتي الخاصة:
برمنجهام ما فيها الا مصنع الكادبروي
قلاسكو عادية
مقاطعقة البحيرات اذا اول مره رح "ونديرمير"

اعشق السفر
هلا بالاخوان والاخوات جميعا
ياخوي اعشق السفر هل تريدين اعطيك ما تحتاجه عن المدن اللى ذكرتها اوانك غيرت رايك لاني اشوفك في مواضيع ثانية ما سبق انك تكلمت عن هذه المناطق وذكرتها
واذا احد من الاخوان يبغى اي شي عنها فانا حاضر
مع خالص حبي للجميع