1. وبالنسبه للسكن عندك خيارات وايد

السلام عليكم
هلا اخوي صراحه زين مااخترت لبنان جميله جداا وترى مو غاليه اللهم السكن والسياره السياره باص خاص عائلي كبير ل14 شخص تقريبا رااهي يعني اذا كثر كثر ب 100 دولار وانا انصحك تخلي سفرتك شهر 7

وبالنسبه للسكن عندك خيارات وايد

برمانه هذي احنا كل سنه نسكن هناك الامن والراحه والجوو الحلو كلها خليجيين ومقااهي ومطاعم عالميه وكل شي يمك وخصوصاا السكن بكنعان سنتر وايد حلوو ورخيص وعائلي شقق فندقيه كلها كويتيين وسعوديين ماتلقى ريحه اللبناني لولي وجدام السكن الدرك يعني الشرطه
اما بحمدوون سكنها غالي لكن لمه تخلص شغلك رووح لها السهر فيهاا بليل حلو اللي ماشفته من سنين تشووفه مناك وجنه بحمدوون مقهى ومطعم عائلي حلو وعاليه يمها نفس القصه
صيدا آآه يااصيدا عجيبه عجيبه عجيبه على البحر والناس الطيبه والاكل الحلو والهوا الباارد الي يرد الرووح
اما عن الاسواق عندك سوق نبع الصفا سووق حلوو وايد سوق شارع الحمرا وسوق زحله ( رخيص ) سوق بحمدون ( غالي يخرع ) ومجمع Abc الاشرفيه اينن ومجمع جلكسي وايد حلو وسوق الزلقه وسوق برج حمود ( رخيص ) برج البراجنه ( رخيص ) وسووق الاحد بس هذا كل احد وكله هيلق بس بضااعه حلوه ورخيصه يعني اذا معاك بنات لا يروحوون يخوف كله تحرشات
م اما الاكل فكل المطاعم تينن واذا حبيت تاكل سمك فمطنقه الجبيل مشهوره بالسمك كل مطاعمها حلوه ومطعم الازرق خصوصا
مطعم الجنه لايطووفك مطعم الف ليله وليله والشخص 26 دولار اغاني واكل اينن بمطنقه بيت ميري حلوو وايد
وفي مطعم هندي اسمه مهراجا عجيب مو ذاكره اي منطقه بس ياا بالروشه او بجونيه اسال عن مدينه الملاهي على البحر وبجانبه النادي العسكري اهوا المطعم بداعوس تروحله بعد النادي وقبل الملاهي في نزله تدش فيها والطريج بوديك عليه او اتصل بالاستعلامات 120 يعطوونك عنوانه بالضبط
ومنطقه جزين منطقه الشلالات الطبيعيه تينن هذا اللي ببالي حاليا
انصحك السكن برمانه كنعان سنتر الشقق الفندقيه

ألف شكر وتقدير واحترام للغالي (q8) على موافاتي بهذي المعلومات المهمه
وأنا سمعت عن شقق ( الشيخ ) في بحمدون ( مدري اش رايك فيها ؟؟ )
وانا أخترت منتصف شهر 6 عشان ابتعد من الزحمه والازعاج وتاخذ العايله خصوصيتها
أكرر شكري وتقديري لك

بحمدون منطقه حلوه وايد بس جنك قااعد بالكويت استحلووها الكويتيين وعلى المغرب يتيمعون العوائل الكويتيه والخليجيه ويقعدوون بشاارع معروف فيه ستار بكس ومطعم كنتاكي وهارديز وطبعا قعدات ليه بره والبحصلي والرفاعي اعتقد مادري نسيت بس السووق نار غالي وخاصه بالصيف تخيل حتى بالشيبس من البقااله تلقااه ب 1500 غير المناطق الثانيه ينبااع ب 500 ليره يعني ضعفين
بس منطقه تينن وفيها مال نخي وباجيلا عجيب وبووضه ورد اينن طبعا البضاائع تيين وكلهاا على الموضه واخر صيحه ولا عشاان تعرف انها منطقه خليجيه بحته يبيعوون بروشات على بابا جابر الله يرحمه والشيخ سعد الله يطول بعمره و الملك فهد وو البحرين والشيخ زايد وغيرهم
حلوه بس غاليه مختصر مفيد وان شاء الله تستمتعون ياارب

اخوي شقق الشيخ واايد حلوه وايد ورااقيه

ألف شكر للغالي (q8) على هذي المعلومات القيمه .

السلام عليكم
زين تسوي اخترت لبنان صراحة بلد عجيبة واهلها طيبين وراقين بالمعاملة مايتعبون ابد بحمدون منطقة عجيبة احنا كل مانروح لبنان نسكن فيها باردة وحلوة لمن رحنا من سنتين سكنا بشقق فندقية في بحمدون اسمهاا المونديال كانت الليلة 50 دينار روعة ونظيفة والمعاملة حلوة وقريب من كل شي اذا كنت تبي شقق اتذكر كانت في شقق عجيبة في بحمدون اسمها جوهرة الخليج قريبة يم فندق الشيراتون بس للاسف مااعرف سعرها
اتمنى اني افدك
تقبل تحياتي
مسافرة كويتية