amo0on
21-05-2022 - 06:07 am
اهلين بالجميع عندي سؤال مهم كيف اعبي فورم فيزا الشنغن
حصلت الملف وكتبت فيه بعض الملعومات بس في بعض الاشياء ماعرفت لها
وهل التاريخ لازم يكون بالارقام او ارقام وحروف يعني 04 Feb 09 او 04-02-2009 او مايفرق الموضوع
ارجو المساعده بسرعه شويات الله يخليكم
المهم الا صار لي اوراقي كانت كلها جاهزه الاصل والنسخ ورحت السفاره يوم الثلاثاء الساعه 8 ونص الصباح بالرياض اول ماوصلت البوابه لازم تدخل عن طريق غرفه تفتيش سريع وتدخل بس انا مادخلوني ليش
لازم يكون عندك موعد مسبق تسويه عن طريق الانترنت عن طريق موقع السفاره الفرنسيه
اخواني اتصلت فيهم وقالوا ليي اقرب موعد راح يكون في تاريخ 04 ابريل يعني بعد مااجرع من السفر
المهم رحت الى اكبر مكتبين موجودين بالرياض على شان اطلع الفيزا عن طريقهم جاوبوني المكتبين نفس الجواب
وين بتروح قلت ليهم فرنسا وسويسرا وين بتجلس اكثر قلت ليهم سويسرا
قالوا ليي لالالالالالالالالالالالالالالا لازم تروح شخصيا الى السفاره السويسريه وتقدم اوراقك انا طبعا طاح قلبي وشوي واصيح لاني حاجز ودافع المبلغ وقلت لازم بموعد والله يستر بس
الحمد لله كلمتهم تلفون قال لي احنا موجودين تعال الصباح ومافيه موعد قلت الحمد لله
سالته كذا سؤال وطلب مني
فاكس من الفندق الا بجلس فيه اكثر مدة الى السفاره السويسريه يعني تتفاهم مع الفندق وتقول له ارسل فاكس الى السفاره السويسره بحجزي عندكم وتعطيه رقم الفاكس حق سفارة سويسرا
المهم انا ان شاء الله بالكثير يوم الاحد الجاي باروح باقدم الاوراق بس سالفة الفورم الا اعبيه فيه بعض الصعوبات الخفيفه مثل عنوان الاشعار بقرار رسمي الى سويسرا ويش موضوعه
الشي الثاني لما كتبت بعض المعلومات كان المستطيل مايكفي كل الكلام وبالاخص في العنوانين فكيف الطريقه
استنى ردكم وشكرا
بجد ابي اعرف الجواب الى الاساله الا كتبتها فوق على شان اعبي الفورم الله يخليكم
استنى منكم الرد بسرعه