نشر في فرنسا

معقوله الاسعار كذا جاوبوني تكفون

الديما

09-07-2022 - 03:17 am

السلام عليكم
انا وزوجي وبنتي الصغيره ناوين نسافر لفرنسا وسويسرا باذن الله اول يوم العيد 10 سبتمبر
لمدة 14 يوم
لكن لما رحنا للمكتب تخيلوا قالوا لنا التذاكر والسكن في فندق 4 نجوم بس ب 30 الف معقوله ؟؟؟؟؟؟؟؟؟؟؟؟؟؟؟؟
يعني في اسبوعين ممكن نصرف 50 الف
بليز سووا لي برنامج بين فرنسا وسويسرا لمدة اسبوعين وتكون التكلفه اقل
تحياتي

التعليقات (9)

travel* travel

09-07-2022 - 06:40 am

هلا بك ايه معقوله لأن أوروبا غاليه جدآ وخصوصآ فرنسا وبعدين إذا انتوا توكم حاجزين فأكيد بتكون التذاكر غاليه لأنها مع المواسم تغلى ليه ماحجزتوا قبلها بكم شهر .
بالنسبه للفنادق خذوا شقق مفروشه أو فنادق 3نجوم تكون أرخص والأحسن تحجزون الفنادق عن طريق النت أرخص وبتلاقون عروض ...
أرجوا اني افدكم مع العلم اني لم اسافر لأوروبا بعد ،لكن هذي خبرتي من المنتدى وسفريات أخرى وشكرآ

النوروالبلور

09-07-2022 - 07:41 am

معقولة جدا التذاكر دبل في الاجازات ان كانك منتي موظفة وبنتك ماتدرس وزوجك يقدر ياخذ اجازته في اي وقت اجلوا سفرتكم كم شهر ومايكون اجازات وشوفي الاسعار التذاكر النصف والاجارات النصف رحنا شهر 5 كانت التذاكر ب 2000 الحين ب 4

باريس وبـــس

09-07-2022 - 08:42 am

نصابين !
فترة الصيف محصورة بين شهر 7 ((يوليو)) و8 ((اغسطس))
بالنسبة لسهر سبتمبر , تقل الاسعار بشكل ملحوظ ...
المكاتب السياحيه , لازم تاخذ اتعابها ...
حاولي تروحين لمكاتب الخطوط نفسها , وبالنسبة لحجز الفنادق عندك موقع البوكينق

ممساح

09-07-2022 - 09:43 am

جربوا تغيرون خطوط الطيران مثل الاردنية أو طيران الشرق الاوسط
او تغيير يوم الرحلة قبلها بيوم او بعدها بيوم
والفنادق غيروها الى 4 نجوم ................ ممكن توصل معاكم الفنادق والطيران الى 20 الف او أقل والمصروف ممكن يوصل معاكم الى 15 الف بدون المشتروات

Lulwa-QTR

09-07-2022 - 10:44 am

بخصوص تذاكر الطياره تقل بعد شهر 7 و8 مثل ماقالت باريس وبس
اما عن الفنادق فاحسن تحجز من النت افضل انا من يومين رجعت من باريس سكنت في فندق خمس نجوم الكونكورد غرفتين لخمس ليالي مع فطور+ لونش مفتوح مجانا =30000 ريالا قطر

زوجة بن بطوطه

09-07-2022 - 11:45 am

طبعا معقوله خاصه انها دول اوروبيه ==بالاضافه الى انها بالصيف واسعارهم نار ==واخيرا الاقامه اسبوعين مده طويله شوي...استخيرو اقبل الحجز وشوفوا ميزانيتكم وممكنتاجلوا السفر لوقت العروض..الله ييسر اموركم ويكتب لكم اللي فيه الخيره.

ابوظبي 1982

09-07-2022 - 12:46 pm

تذاكر ما تتعدا 8000 درهم في اسوأ الاوقات لشخصين لاوروبا ( سياحيه )
فنادق 14 يوم في 4 نجوم ب 15 الف
.. اذا ما حسبنا ان فنادق فرنسا 4 نجوم من 800 لين 1500 ريال ليله
يعني على 20 الف لين 23 الف .. السعر معقول جدا
انتي قارني الاسعار في البوكنيج .. على نفس الفنادق الي عطاكم المكتب .. وادخلي موقع الطيران الذي حددها
لكم المكتب .. وقارني الاسعار
اعتقد ان 23 الف مناسبه

المختلف

09-07-2022 - 01:47 pm

استخدمي النت في الحجوزات وراح تلقين فرق كبير
تحتاج شوية بحث ماهو لازم تحجزين من موقع واحد ابحثي وراح تحصلين ارخص
النت بحر واحسن من المكاتب السياحيه الغاليه

الديما

09-07-2022 - 02:48 pm

يعطيكم الف عافيه على تجاوبكم
الخطوط راح تكون عن طريق طيران الامارات
وكل الفنادق اللي اخترناها 4 نجوم
طيب ممكن تعطوني تجاربكم في الفنادق والاماكن السياحيه
sorry بتعبكم شوي

فرنسا المسافرون العرب

معقوله الاسعار كذا جاوبوني تكفون