اللي اعرفه ان بعد ماتخلصين تعبين النموذج تحجزين انتي موعد المقابلة !!
ممكن هذا يفيدك :
https://artravelers.com/p/re/179784

مشكوره ,,
عرفت
بس خذت موعد على يوم 22/اكتوبر
احس ان كل شي ملخبط لكن الله يستر ..

سؤال آخر:
شنو الاشياء اللي لازم اجيبها معاي في المقابله؟
اذا موعدي 08:15 متى اروح..قبل الموعد بكم؟
مكتوب لازم يكون اسمك بالكامل ورقم التلفون والبريد اللكتروني..يعني اكتبه في ورقة ولا شنو؟
بالضبط شنو اخذ معاي حق المقابله؟
وسامحوني

ارجو المساعده يا اخواني

1. مكان التقديم : السفارة الأمريكية ب الدوحة/قطر

نوع الفيزا : فيزا سياحية b1/b2

مكان التقديم : السفارة الأمريكية ب الدوحة/قطر

حالة الطلب : اليوم كانت عندي مقابله الساعه 07:45 الاجراءات الأمنية كانت موجوده ولكن من غير تشدد ، الموضوع كله كان بسيط
وصنا عند البوابة قال اذا عندكم اي تلفونات او سي دي او ولاعه خلوها بالسياره وبعدين تقدمنا عند شباك تدخل فيه اوراقك (ورقة البنك + موعد المقابله+الورقة اللي فيها صورتك اظن التأكيد+الجوازات) ورجعتهم لنا ومحطوط في الجوازات ورقة عباره عن وصل مكتوب عليه السفارة الأمريكية في قطر وفيه رقم وبعد ذلك كل شخص يدخل عشان يكون فيه تفتيش ،، وتدخل في غرفة انتظرت فيها دقايق وبعد ذلك قالي السكيوتري تفضل ادخل .. دخلت في غرفة فيه 2 من السيكورتيه 1 رجال - 1 امراءه سأل قال عندكم جوالات - مفاتيح سيارات- سي دي - فلاش ميموري لازم ياخذها منك وياخذ بعد بطاقتك الشخصيه وتمر بعدين في جهاز كاشف اللي مثل الباب ,, وتحط اوراقك وساعتك في مصل الصندوق عشان تمر في التفتيش .. خذت اغراضي وقالت لي تفضل من الباب وأمشي سيده/ تمشي مسافه مب طويله تكون هنا داخل فناء السفاره تمشي تقريباً دقيقتين إلى 3 دقائق او اقل وبعدين توصل المبنى يسون لك تفتيش بسيط مره ثانيه وتتفضل تدخل غرفة الانتظار ,, اخذت رقم وكانت القاعه تقريباً مليانه .. وصلت هالقاعه 07:39 وجلست انتظر احد من موظفين السفاره يجون عشان تبدأ الأرقام تمشي .. المهم كان رقمي 0609 جا دوري وقدمت اوراقي حق موظف يتحدث اللغة العربية/وأظنه سوداني الجنسيه ماسألني ولا شي .. قالي احتفظ بهالرقم عشان تروح تبصم .. بعدها ثواني جا رقمي عشان البصمه.. خذوا أول شي بصمة اليد اليسار (4 اصابع) وبعدين اليمين (4 اصابع) وبعدين الإبهام الاثنين مع بعض.. رجعت مكاني وبعد اقل من دقيقه جا دوري للكاونتر الأخير .. بس سألني سؤال واحد: شنو سبب زيارتك لأمريكا : قلت له طبي.. قال: ALL UR PAPER FINE,COME TOMMORO AT 03:00 PM TO TAKE UR PASSPORT WITH VISE.
قالي كل اوراقك جيده وبكره تعال الساعة 3 العصر عشان تاخذ الجوازات وفيهم الفيزا .. وتقدر ترسل السواق عشان يستلمهم..
الحمدالله كان الموضوع خفيف وتجربة حلوه والعمليه كلها سلسة وبدون تعقيدات..اكثر شي عجبني (إبتسامتهم + GOOD MORNING+THANK YOU0)
هذا اللي صار معاي اليوم،، نظام وترتيب وخطوات أمنية جيده وخفيفه
شكراً لكم