اول شي اخوي الف مبروك مقدما والله يتمم لك على خير ويسهل امرك يارب
بالنسبة للمبلغ ان شاء الله راح يكفي بالراحة بس اهم شي تسوي مثل ماقولك
تخلي المدام توقع لك على ورقة وتجيب عليها شهوود انها ماتشتري ملابس وهدايا من هناك وانا اضمن لك ان الفلوس راح تكفي ان شاء الله بالراحة ههه بس طبعا مو لذي الدرجة يعني ممكن تشتري لها شغلات بسيطة بس تسوق كامل انا ماانصحك لأن المبلغ ماراح يكفي لكن اذا مثل ماقلت لك شغلات بسيطة جدا ان شاء الله تكفي
بالنسبة للفنادق والتقسيمة حق الأيام انت حدد نوع الفندق وقربه او بعده عن الشانز وان شاء الله نجيب لك افضل الفنادق وتكون اسعارها متوافقة مع المبلغ الي طالعين فيه .......
بالنسبة للأماكن احد الاعضاء المميزين طبع هذا الجدول وان شاء الله راح يفيدك كثير .......
https://artravelers.com/p/re/146592
رحلة موفقة وزواج سعيد ان شاء الله

يعطيك العافيه اخوي وماقصرت
وسالفه اني اوقعها ماتشتري شئ ههه
ان شاء الله بقول لها ^^ علشان تطلب الطلاق بتقول من اولها
لا فلوس التسوق ان شاء الله بتكون بروحها يعني بخصص لها ميزانيه خبرك عروس وتبي اتشرئ لكن انا ميزانيتي الي حطيتها فوق لترفيه والسكن والتنقل وغيرة والتسوق بروحه
يعطيك الف الف عافيه عالرابط الي اكيد بيفيدني

hmoodi
ابي فنادق 5 نجوم باسعار حلو او 4 نجوم مب مشكله ويكون مب قريب وايد من الشانز لاني ابي اتمشى

1. 3-1 يوم واحد مجاني


2. 5-2 يومين مجانية

شف ياطويل العمر فيه فندق اسمه الهيلتون الاديفانس يبعد تقريبا عن الشانز اليزيه بالقطار ( المترو) 10 الى 12 دقيقة بس بصراحة فندق محترم جدا ونظيف وحلو وفيه عروض دائما تسويها فنادق الهيلتون حول العالم وهو عرض الهيلتون فري طبعا العرض كالتالي :

3-1 يوم واحد مجاني

5-2 يومين مجانية

7-3 ثلاث ايام مجانية وهو الأفضل لك يعني تدفع حق 7 ايام وتسكن لمدة عشرة ايام طبعا شامل وجبة الفطور والضريبة وكل شي وبعدين ميزة الفندق انه في منطقة يسمونها باريس الحديثة طبعا عشان العماير العالية والضخمة والفخمة في نفس الوقت عكس وسط المدينة مثل الشانز والأماكن هذي وبما انك متزوج خذ الغرفة التتنفيذية حلوة ومرتبة كثير .....
وهذا رقمهم المجاني تتصل عليهم من السعودية وتحجز عندهم وتعطيهم رقم الفيزا ومايخصمون ريال واحد منها ورقم الفيزا مجرد للضمان فقط طبعا انا مجرب الفندق هذا شخصيا وارتحت فيه كثير بصراحة وانصح المتزوجين وغيرهم يروحوونه واسعاره معقولة جدا بالمقارنة بالأسعار حق الشانز اليزيه يعني فنادق الشانز تلقها ثلاث نجوم واربع نجوم واسعارها مبالغ فيها الى حد ما وهو طبعا ارخص بكثير عن اغلب الفنادق الي من نفس الفئة الي حول الشانز وطبعا الأختيار لك وهذا رقمهم من السعودية
0وذا تبغى شي قريب من الشانز وحلوو وفخم وسعره مناسب لك ان شاء الله فيه فندق اسمه الشاتو
http://www.hfrontenac.com/ هذا موقعهم الرسمي وتم عمل فيه اصلاحات السنة الماضية يعني الصيف الماضي كان مسكر 2008 وتو فاتح له كم شهر بعد التحديثات الي فيه ... ولك الأختيار ايضا فيه
وهذا رابط كتبه احد الأعضاء وينصح فيه
https://artravelers.com/p/re/265114
الف الف مبروك للزواج ولاتنسى الورقة ههه
رحلة موفقة اخوي

تسلم والله تعبتك معي الشيخ ويعطيك العافيه بس شلون بخصوص الاسعار
والورقه خلاص ابشر بصورها وبطرشها لك ههه

شف بالنسبة للهيلتون الاديفانس ممكن تتصل عليهم وراح يعطونك الأسعار بالتفصيل وصدقني راح تطلع عليك اوفر بكثير من فنادق الي حوول الشانز
بالنسبة للفندق الثاني الشاتو اعتقد والله اعلم ان اسعاره لا تقل عن 190 يورو باليوم ماني متاكد بس ممكن تحجز عن طريق الموقع الرسمي الي اعطيتك اياه او عن طريق موقع بووكينق https://www.booking.com طبعا انا مجرب هذا الموقع دايم اطلع باريس وغير باريس عن طريق هذا الموقع واغلب الاعضاء سفروو عن طريق الموقع وهوو جدا اامان يعني لاتخاف حتى لو حطيت رقم الفيزا مايخذون عليك شي ان شاء الله
وشوف الافضل لك من ناحية السعر وتوكل ع الله
ولا تنسى تطرش لي الورقة وانا اخوك ههه

يعطيك العافيه وماقصرت وابشر من عيوني ههه

السلام عليكم,,,,
كيف حالكم جميعا واسمحلي ياالمعرس اشارككم في موضوعكم لاني مثلك معرس جديد وبروح لباريس....
اخوي حمودي انا اتصلت على الرقم اللي اعطيتنا اياه واستفسرت عن سعر فندق الهيلتون وسعره غالي او هونفسه للفنادق القريبه من التشانز بحيث ان الليله تكون حوالي 1000 ريال بدون فطور......
بسألك اخوي حمودي وش رأيك في فندق فرانكلين روزفلت لاني مسافر في 20 يوليو لفرنسا وبجلس حوالي اربع ليالي ومحتار في الفنادق مابين الشاتو وفرانكلين روزفلت.......... ويعطيكم العافيه