فكر انا في خوف
08-08-2022 - 10:26 pm
السلام عليكم من الله علي بالزواج وانا جدا مبسوط وتعرفون ان شهر العسل ايام مهمه وحلوه بعد لانها الايام الجميله فخططت من شهور لشهر عسل مريح انسي فيه الرياض وكمرات ساهر
فلذلك حجزت لي انا والمدام على الخطوط السعودية
الي تخوف من حتسيكم ... المهم الحجز دايركت من الرياض جاكرتا جاكرتا الرياض
التذكره ب4800
ومكتوب موعد الاقلاع بعد عشرين يوم الساعة 12 ونص بالليل وبعد الزواج بيومين تقريباً
فبجلس 3 ايام اولى في جاكرتا بعدين حاجز مسبقا تذكرتين
على الخطوط المحليه هناك اسمها " ايراك "
مدري هي فعلاً موجوده ولا لا الله يستر
الي مضبط الحجز مكتب للسفر بالرياض
ياليت تأكدون لي
وبجلس 6 ايام في بالي بعدين ارجع
لجاكرتا واوصل تقريبا هناك 11 الظهر
وبعد ساعتين موعد العوده الي الرياض
يعني مجملها 9 ايام ربي يطرح البرك فيها
صرفت قيمة حجوزات والتذاكر حول 15 الف تقريباً
كل شي حاجزه من مكتب السفر بالرياض
اباخذ معي 10 الاف ريال للاكل واللعب وبطاقة فيزا الجزيره
طبعاً ماستغني عن اقتراحاتكم ماودي احط
المبلغ في السيف بوك من الي سمعته من السرقات
والظاهر اني بخلي نص المبلغ معي والنصف الثاني مع المدام
والبطاقة في الشنطة
وطبعاً
حجزت في اول ثلاث ايام الي في جاكرت
فندق كيبوترا
واول فندق في
بالي بقعد فيه ثلاث ايام
وبصراحه افكر اغيره
احسه نقطه سودا بالرحله هالفندق
واسمه
Swiss-Belhotel Segara
واتمني تفيدوني عنه يااخوان
وماستغني عن نصايحكم
وانا ترى سويت الفيزا هنا من السفاره
الاندونيسية لاني مابي اسويها بالمطار
ابي افتكم من اجرائاتهم بقدر الامكان
خصوصا مع خصوصية هالسفره
وماستغني عن نصايحكم
اما الثلاث الايام الاخيره
بتكون في فندق ديسكفري بالي
باين عليه حلو
ومتفاءل به
وسياستي هناك
اباخذ الاجره من المطار من مكتب في المطار
ماراح اغامر مع هالغرباء
وكان فيه امكانية تدفوني بعانية العرس ممثله في
اقتراح جدول رائع لي
فيه من الطبيعه والشلالات والملاهي والاسواق وكلش
اخيرن ممكن نصيحة منك تغير حياتي
بأنتظاركم
لأن الناس تروح أندونيسيا في مكتب اسمه كاها أرخص في الحجوزات من عندنا .
وبعدين جاكرتا بس حق يوم الوصول وأخر يومين حق التسوق .
لأن منطقة بونشاك الجبل هي روعة أندونيسيا .
اذا تقدر تخلي حجزك أول يوم الوصول لراحة وثاني يوم تروح الجبل بونشاك تقعد 3 أيام في فندق سيروني 1أو2 أو 3 .
طبعآ خامس يوم الذهاب الى بالي والوصول اليه (مع أنه ديرة حلوة بس الأجانب بكثرة ومناظر مو طيبة على البحر لا أنصح بالذهاب هناك ).
تظل اليوم السادس والسابع والثامن ويوم التاسع الذهاب الى جاكرتا وقضاء يوم العاشر في التسوق ويوم الحادي عشر التوجه الى المطار للعودة الى أرض الوطن .
ملاحظة: يفضل زيادة الأيام لأن بلاد العمة في غاية الجمال .
أنصحكم بأخذ كتب دينية من مكاتب توعية الجاليات وتوزيعه هناك .
للحجز حق بالي أفضل مكتب كاها بافقيه الى في الجبل عنده عروض وأسعار ممتازة .
ملاحظة :موظفين الجوزات والجمارك يطلبون هدية (يعني فلوس لاتعطيهم ) توجه لصف الى يكون متواجدين فيه موظفين نساء .