موضوع هام ..
أرجوا من لديه المعلومات .. أن يمدنا بها ..

انا سبق استخدمت الأنترنت في فندق سانتيكا اللي جنب مطعم السندباد

وانا نفس الطريقه سبق ان استخدمتها في مقهى قرب فندق تشيمباكاماس بس نفس المشكله الاتصال مايسوى ريال سىء للغايه
وفعلا الموضوع مهم فالي يعرف اماكن محترمه للنت لا يبخل علينا ;)

أخواني ..
أرجوا أن يتم إيضاح الأسعار بالإتصال بالإنترنت ..
وهل يوجد أحد جرب الإتصال بالإنترنت عن طريق اللاب توب من الغرفة في الفندق مثلا ( الأتريوم ) & ( الألسون ) .. ؟؟ أو لايمكن ذلك ... وكم الأسعار .. ؟؟
أرجوا أن يكون الشرح بالتفصيل ...
وتقبلوا تحياتي ..
أخوكم
ماجد

انا سبق رحت لجاكرتا ومناطق سياحيه في جاوه الغربيه
المهم الساعه ب 6000 ربيه / الريال = 2400 تقريبا
ومن ناحيه مقاهي الانتر نت ( وارون نت ) فانا رحت السنه الماضيه وتعبت بالبحث عنها ..
فهي قليله جدا ومتواضعه
وايضا هناك الناس تسكر الساعه 6 الى 7 الليل ولا تلقى احد فاتح الا البارات والملاهي الليليه
وفارق التوقيت بين السعوديه وبينهم 4 ساعات فما قدرت اتواصل مع الزملاء هنا

هأنا خبار واحد على شارع اللي بجنب أسواق الأتريوم...
على الشارع المقابل
تحياتي

هلا اسماعيل .. ولا يهونون الكباتن
الله يقطع ابليسك (نعم دكان) - عرفته - لا تقولي اللي مافيه الا كرسيين وانت جالس تتصفح تحس انك قاعد في الشارع وكل شوي يقطع الاتصال .
شوف في الجبل احسن محل صالة مستقلة ومريحة اول ما تدخل فندق سفاري يجيك مبنى ارضي على يمينك وانت داخل للفندق وفندق سفاري معروف وواضح على الشارع العام في اول الجبل على يسارك وانت جاري من جاكرتا مقابل مدخل حديقة الحيوانات (تكرمون) والساعة بعشرة الاف 5 ريال تقريياً والخدمة والسرعة تستاهل ، آما في جاكرتا فيوجد العديد من الاماكن مثل محل النت اللي في محطة القطار (Gamber) وهذا شعبي ورخيص وسرعته زينه ، وفي العديد من الفنادق مثل فندق تريفا (Triva) يوجد صالات جانبية للنت يسمونها صالة رجال الاعمال تحصل فيها كل الخدمات الخاصة برجال الاعمال (أحم أحم) .. مثل الفاكس وتصوير الاوراق والهاتف الدولي والانترنت واسعارها في الفنادق من 15 الى 20 الف، وأغلب اماكن الانترنت تقفل - تسكر - تبند - الساعة 7 المساء .. في مطعم ماكدونالدز اللى في سارينا عند المطعم اللبناني تحصل انترنت في الدور الثاني من المطعم يقولون 24 ساعة .
بس لا يروح وقت السفره وانت مقابل النت ........ تحياتي

السلام عليكم ورحمة الله وبركاته مساكم الله بالخير جميعاً .
على فكرة أول ما اصل السعودية برسلكم فواتير الفندق تسددونها لأن النت غالي الدقيقة بالف تقريباً .
تيدا مسالة وفى وكفى والحقيقة كلامه رايق جداً بس فيه بعض الملاحظات .
أولا النت في كل مكان اقصد المقاهي واسمها (وار نت )في جاكرتا .
ثانيا فيه مقاهي وخصوصاً في المجمعات السكنية الرايقة تفتح لمنتصف الليل يعني الساعة وحدة أو ثنتين وما أحب ابالغ وأقول 24 ساعة .
ثالثاً السعر معقول جداً والسرعة معقولة بس الكيبورد غير معرب وهذ مشكلة المقاهي يعني لازم يصير معك لاب تب .لا تقولي العرب المسافرون فيه كيبورد عربي لأنه بطئ ويحتاج إلى دورات لتتعلم الكتابة عليه بسرعة ولا يزعلون الاخوان بس شي أفضل من لا شئ .
أخوي رومانسي ما فه فندق اسمه شمباك ماس الفندق شمباك بوتي .
حبيب قلبي ما جد كيف حالك إن شاء الله تكون بخير ؟ الأثريوم ونقلا عن القروي مافيه نت طبعاً اقصد الفندق لأن السوق فيه .
والنت متوفرة ويمكنك تباشر عملك من غرفتك في معضم الفنادق الأربع نجوم .

سلام ..
لا تنسون الانترنت اللي في سوق اتريوم بلازا في الدور الخامس مع محلات الزينه !!! الساعه ب 8.000 ربيه
وسلامتكم