السلام عليكم
اخوي اول خطوه تسويها انك ترسل اوراقك لشركه اسمها http://www.wes.org/ وهذي تغير معدلك التراكمي من 5 الى 4 وهذي ميزتها انها تشيل المواد اللي رسبت فيها وتكتفي بمعادلة المواد اللي نجحت فيها فقط .. عقبها بيبن كم يوصل معدلك ..
من شروط الجامعات الامريكية حصول الطالب على معدل 3 وفوق في البكالوريوس ودرجة عالية في التوفل وايضا درجة عالية في امتحان القدرات للكليات مثل الجي ار اي للعلوم والهندسه والتربية والجيمات التخصصات الادارية .. فا نصيحتي لك انك حاول تدرس اللغه في بلادك وبعد تدرس لامتحان القدرات مثل الجيمات او الجي ار اي كذلك في بلادك وتجيب معدل مرتفع نوعا ما وعقبها تقدم لان لو تبي تحصل على قبول مشروط بتتعب واجد لان الجامعات اللي تعترف فيها دول الخليج قويه وشروطها صعبه .. فا انت شوف اللي يصلحلك وقرر ..

حياك الله أخوي سترونج
وأشكرك شكر كبير والله لا يحرمك الأجر
هل المعهد في الولايات المتحدة الامريكيه يساعدني ويدربني على اختبارات الجيمات والجي ار

بالتوفيق اخوي شد حيلك وربك ييسرها

تلقا معاهد تدربك على الجيمات والجي ار اي وماعندي علم كيف دراستهم هل عندهم خبره او لا في الموضوع بأسثناء معهد كابلان وهو على حسب ماسمع انه متخصص في موضوع اختبارات القدرات لطلبة الماجستير والدكتوراه بجميع التخصصات الادبية والعلميه والقانونيه والطبيه والله اعلم .. لكن اخذ بنصيحتي وادرس اللغه في بلدك واعتقد انك سعودي , في معاهد جيده على ماعتقد للغه وحاول انك تكثف دراستك للغه يعني اضغط على عمرك وعقبها قدم على اختبار التوفل او اختبار اللغه البريطاني الايلس فهو اسهل ومن ثم ادرس لاختبار القدرات في معهد كابلان ( موجود له فروع في الخبر او الدمام والرياض ) وربك يوفق

أنا سعودي وماني مقتنع بالمعاهد الموجودة في السعودية احس الي تاخذه بتنساه برى المعهد وفيه نقطه أخوي سترونج معدلي في الباكلريوس ماهو مستواي الفعلي لأن مرحلة الباكلريوس مرة بظروف فأنا أنظر أني أخلص أموري من أمريكا هل بواجه صعوبة في أني أسند جميع الأمور في أمريكا .

اخوي هذا رد لي لاحد الاخوان وإن شاء الله راح يفيدك