بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مـستر عبوديـ4
16-10-2022 - 11:45 am
السلام عليكم ورحمه الله وبركاته
ا
حب اشكر اخوي ملبورن اللي افادني كثير بالصيفيه اللي راحت ونصحني بمدينة بورنمث
والحقيقة مدينة روعه واللي اكثر من رائع العائلة اللي سكنت معاها وعنوانها موجود عندي
اذا فيه احد بيروح بورنمث انا حاظر , وان شاء الله ناوي اطلع برضو بالصيفية بعد الاختبارات
وناوي ادرس 6 اسابيع لغة في مدينة برايتون (للتغير فقط والا مو عيب في بورنمث)
واكيد مالي الا منتداي الغالي واخواني الاعضاء يفيدوني.. , ابي اسأل عن معهد ef ومعهد يوروسنتر من ناحية التعليم والموقع والمبنى واذا فيه احسن ياليت تذكرونه لو سمحتو وممكن اعرف رايكم بسكن الطلاب بمعهد ef او يوروسنتر وهل الغرفه والحمام يكونون خاصين فيني
لوحدي, واخيرا اسم شارع العرب ببرايتون او منطقة تكثر فيها منازل العرب ؟
ولكم مني خالص الشكر والتقدير


الدراسة في بريطانيا
التعليقات (9)
sniper__11
sniper__11
انا عضو جديد وياليت تفيدني انا ناوي اروح بيطانيا وياليت تفيدني عن مدينة بورنمث ابغى دورة او معهد تقريبا 6 اسابيع

مـستر عبوديـ4
مـستر عبوديـ4
ياجماعه الخير مالي بعد الله الا انتم ++
ياليت تفيدوني بخصوص سكن الطلاب تنصحون
فيه ولا ومدري ....

davinci
davinci
هلا اخوي عبود
ان شاء الله تنبسط في برايتون مدينة جميله وعلى البحر وفيها المارينا عباره عن مجمع فيه سينما والعاب وبرضوه فيه حديقة السفن سيستر روعه خاصه من بعد شهر ابريل الى نهايه الصيف هنا مميزات برايتون
طيب عيوبها بالنسبه لبرايتون تراها مليانه من ربعنا خاصه السعوديين في المعاهد اعلاه وبروضه تعتبر عاصمة الشواد فلا تستغرب كثرتهم خاصه بالليل عند الشاطئ وايضا مدينة صغيره في يومين ممكن تلفها كامله
فيه عدة معاهد افضل من ef من ضمنهم يورو سنتر ( ماعرفه لكن مريت من عنده وموقعه على الشارع التجاري لبرايتون
st.giles ومعهد امباسي ومعهد برضوه نسيت اسمه بجيبه لك قريب
السكن حاول يكون قريب لسوق تشرشر سكوير او بالجهة الاخرى على طريق لندن رود ممتاز وامن ان شاء الله
لو تبي نصيحه وتدرس لغه وتستفيد اطلع اسكوتلندا او ايرلندا اولا قلة العرب والشي الثاني انك تغيير عن بريطانيا وبرموث وبرايتون وساوث هاملتون ولندن كلها مثل بعض تقريبا

مـستر عبوديـ4
مـستر عبوديـ4
تسلم اخوي davinci والله يجزاك خير
وفعلا كلامك صووح 100% بخصوص انو بريطانيا
ما تفيد لدراسة اللغة , لكن انا مجبور فيها لان
الاهل بيصيفون فيها واصير اقابلهم بالويك اند
وبرايتون اعجبتني لانها قريبه من لندن وبعدين
نفسي ادرس فيها من زمان .... وصحيح انو
فيها شذوذ وكنت متخوف منه لكني بتجنبهم
ويمكن انو يقوم (البوكس) اذا احد زودها خ
والمشكله عندي ان مكتب السياحه اللي بيضبط
لي المعهد والسكن يقول ان اقرب عائلة بتحصلها
تبعد نصف ساعه عن معهدك والاكيد بيكون اكثر
مع انو ليس بدري ع الصيف

AHMAD598
AHMAD598
هلا وغلا اخوي عبودي كيف الاسعار في برايتون هل هي غالية ودي اسئلك بعد عن اسعار المعاهد كم هي في الشهر مع السكن وكم تبعد عن لندن ولك جزيل الشكر

$$s3oood$$
$$s3oood$$
شكلك ناويها سياحه انت كنت في بورنموث الصيف الي راح
انت كنت بأي معهد
عموما انتبه تروح ef فاشل من جميع النواحي وكله سعوديين حتى اليورو بس اهون شوي

مـستر عبوديـ4
مـستر عبوديـ4
sniper__11
معليش توني انتبه لردك اخويsniper__11
بورمث بتحصل كل شئ عنها بالرابط هذا https://artravelers.com/p/re/152329
ومدينه من جد حلووه خصوصا حديقة السكوير والشاطئ اللي فيها +_+
والمعاهد كثيره بس انصحك تتجنب معهد الانجلو كونتنلتال
وفيه معهد كينجس

مـستر عبوديـ4
مـستر عبوديـ4
AHMAD598
هلا فيك اخوي AHMAD598
بالنسبه لبرايتون ما اعرف عنها شئ لاني توني بروح لها بالصيفيه
بس من كلام الاعضاء الكل يمدحها واتوقع اسعارها بالوسط يعني
مو غاليه ولا رخيصه وبالنسبه للمعاهد ...
معهد ef لمدة شهر دوره لغه عامه 26ساعه بالاسبوع بيكلفك 11000 تقريبا
شامله سكن مع عائلة وتأمين طبي ووجبتين يوميا واستقبال المطار
وتبعد عن لندن 50 الى 55 دقيقه بالقطار
ولك خالص تحياتي ....

مـستر عبوديـ4
مـستر عبوديـ4
$$s3oood$$
ههه يعني شوي سياحه وشوي لغه


خصم يصل إلى 25%